10 shlokas
- 1
यावन्त ऋत्विजस्तेषूपहवम् इष्ट्वा तैर् उपहूतः प्रजापतौ त्वा मनसि जुहोमीति यजमान एव समवमृष्टं त्रिर् अवजिघ्रति
yāvanta ṛtvijasteṣūpahavam iṣṭvā tair upahūtaḥ prajāpatau tvā manasi juhomīti yajamāna eva samavamṛṣṭaṃ trir avajighrati
- 2
तस्मिन्न् अपो निनीयोत्तरतः सिञ्चति
tasminn apo ninīyottarataḥ siñcati
- 3
अथाग्नीन्मदन्त्य् आपा३ इत्य् अध्वर्युः पृच्छति
athāgnīnmadanty āpā3 ity adhvaryuḥ pṛcchati
- 4
इदं मदन्ति देवीर् अमृता ऋतावृध इत्य् आग्नीध्रः प्रत्याह
idaṃ madanti devīr amṛtā ṛtāvṛdha ity āgnīdhraḥ pratyāha
- 5
ताभिर् आद्रवेति संप्रेष्यति
tābhir ādraveti saṃpreṣyati
- 6
तेनाहृताभिर्मदन्तीभिः पाणीन्प्रक्षाल्य तानूनप्त्रिणो हिरण्यपाणयो राजानं विस्रस्यांशुर् अंशुस्ते देव सोमाप्यायताम् इत्य् आप्याययन्ति
tenāhṛtābhirmadantībhiḥ pāṇīnprakṣālya tānūnaptriṇo hiraṇyapāṇayo rājānaṃ visrasyāṃśur aṃśuste deva somāpyāyatām ity āpyāyayanti
- 7
आप्यायय सखीन् इत्य् अध्वर्युर्यजमानम् अपि वाचयति
āpyāyaya sakhīn ity adhvaryuryajamānam api vācayati
- 8
दक्षिणार्धे वेद्याः प्रस्तरं निधायोत्तानान्दक्षिणान्पाणीन्कृत्वा सव्यान्नीच एष्टा रायः प्रेषे भगायेति निह्नुवते
dakṣiṇārdhe vedyāḥ prastaraṃ nidhāyottānāndakṣiṇānpāṇīnkṛtvā savyānnīca eṣṭā rāyaḥ preṣe bhagāyeti nihnuvate
- 9
यजमानम् अवान्तरदीक्षाम् उपनयति
yajamānam avāntaradīkṣām upanayati
- 10
अग्ने व्रतपते त्वम् इत्य् आहवनीयम् उपस्थापयति
agne vratapate tvam ity āhavanīyam upasthāpayati

