16 shlokas
- 1
आकूत्यै प्रयुजे ऽग्नये स्वाहेत्य् एतैर् अध्वर्युर्ध्रुवशेषाद् औद्ग्रहणानि पञ्च जुहोत्य् आद्यानि चत्वारि स्रुवेण स्रुचा पञ्चमीम्
ākūtyai prayuje 'gnaye svāhety etair adhvaryurdhruvaśeṣād audgrahaṇāni pañca juhoty ādyāni catvāri sruveṇa srucā pañcamīm
- 2
एता दीक्षाहुतयः
etā dīkṣāhutayaḥ
- 3
वाचा मे वाग्दीक्षतां स्वाहेत्य् एतैर् एतासु हूयमानासु यजमानो ऽध्वर्युम् अन्वारभ्य जपति
vācā me vāgdīkṣatāṃ svāhety etair etāsu hūyamānāsu yajamāno 'dhvaryum anvārabhya japati
- 4
अध्वर्युर्द्वादशगृहीतेन स्रुचं पूरयित्वा विश्वे देवस्य नेतुर् इति पूर्णाहुतिं षष्ठीं जुहोति
adhvaryurdvādaśagṛhītena srucaṃ pūrayitvā viśve devasya netur iti pūrṇāhutiṃ ṣaṣṭhīṃ juhoti
- 5
वातं प्राणम् इति यजमानस्ताम् अनुमन्त्रयते
vātaṃ prāṇam iti yajamānastām anumantrayate
- 6
अथ कृष्णाजिनेन दीक्षते
atha kṛṣṇājinena dīkṣate
- 7
दक्षिणं पूर्वपादं बहिर्लोमम् अन्तर्मांसं स्यूतं करोति
dakṣiṇaṃ pūrvapādaṃ bahirlomam antarmāṃsaṃ syūtaṃ karoti
- 8
इन्द्र शाक्वर गायत्रीम् इति दक्षिणेनाहवनीयं तत्प्राचीनग्रीवम् उत्तरलोमास्तृणाति
indra śākvara gāyatrīm iti dakṣiṇenāhavanīyaṃ tatprācīnagrīvam uttaralomāstṛṇāti
- 9
ऋक्सामयोः शिल्पे स्थ इति शुक्लकृष्णे सन्धी संमृशते शुक्लम् अङ्गुष्ठेन कृष्णाम् अङ्गुल्या
ṛksāmayoḥ śilpe stha iti śuklakṛṣṇe sandhī saṃmṛśate śuklam aṅguṣṭhena kṛṣṇām aṅgulyā
- 10
इमां धियम् इति दक्षिणं जान्व् आच्य भसन्त आरोहतीमां सु नावम् आरुहम् इति
imāṃ dhiyam iti dakṣiṇaṃ jānv ācya bhasanta ārohatīmāṃ su nāvam āruham iti
- 11
आहं दीक्षाम् इति चारुह्य जपति
āhaṃ dīkṣām iti cāruhya japati
- 12
अथ मेखलया दीक्षते
atha mekhalayā dīkṣate
- 13
सा शरमुञ्जमिश्रा वेणी त्रिवृद् एकतःपाशा
sā śaramuñjamiśrā veṇī trivṛd ekataḥpāśā
- 14
तयोर्ग् अस्य् आङ्गिरसीति यजमानम् अन्तरा वाससः प्रदक्षिणं परिव्ययति
tayorg asy āṅgirasīti yajamānam antarā vāsasaḥ pradakṣiṇaṃ parivyayati
- 15
पूषा ते ग्रन्थिं ग्रथ्नात्व् इत्य् उत्तरेण नाभिं निष्टर्क्यं ग्रन्थिं ग्रथ्नाति
pūṣā te granthiṃ grathnātv ity uttareṇa nābhiṃ niṣṭarkyaṃ granthiṃ grathnāti
- 16
स ते मास्थाद् इति नाभेर्दक्षिणतः पर्यूह्य स्थापयति
sa te māsthād iti nābherdakṣiṇataḥ paryūhya sthāpayati

