7 shlokas
- 1
चन्द्रमा देवो दैव्यो ब्रह्मेत्य् एतैर्यथालिङ्गम् ऋत्विज उपांशु देवान्वृत्वासौ मानुष इत्य् उच्चैर्मानुषान् आपो देवीर्दैव्या होत्राशंसिन्य इति मैत्रावरुणं ब्राह्मणाच्छंसिनं होतारं नेष्टारम् अच्छावाकम् आग्नीध्रम् इत्य् एतान्होत्रकान्रश्मयो देवा दैव्या इति चमसाध्वर्यूंश्च तान्यथोपपादम् अलंकृत्य मधुपर्कं दत्त्वामावास्यायां पौर्णमास्यां वा दीक्षते
candramā devo daivyo brahmety etairyathāliṅgam ṛtvija upāṃśu devānvṛtvāsau mānuṣa ity uccairmānuṣān āpo devīrdaivyā hotrāśaṃsinya iti maitrāvaruṇaṃ brāhmaṇācchaṃsinaṃ hotāraṃ neṣṭāram acchāvākam āgnīdhram ity etānhotrakānraśmayo devā daivyā iti camasādhvaryūṃśca tānyathopapādam alaṃkṛtya madhuparkaṃ dattvāmāvāsyāyāṃ paurṇamāsyāṃ vā dīkṣate
- 2
संवत्सराद् अर्वाग् अपरिमिता दीक्षाकल्पा भवन्ति
saṃvatsarād arvāg aparimitā dīkṣākalpā bhavanti
- 3
दर्शपूर्णमासाभ्याम् इष्ट्वाग्निष्टोमम् आहरेत्
darśapūrṇamāsābhyām iṣṭvāgniṣṭomam āharet
- 4
एष प्रथमः सोमानाम् अतिरात्र इत्य् एके
eṣa prathamaḥ somānām atirātra ity eke
- 5
सर्वेभ्यः कामेभ्यो ऽग्निष्टोमः
sarvebhyaḥ kāmebhyo 'gniṣṭomaḥ
- 6
तान्युगपत्कामयेत
tānyugapatkāmayeta
- 7
अपि वा पृथक्कामः पृथगाहरेत्
api vā pṛthakkāmaḥ pṛthagāharet

