19 shlokas
- 1
ओह्यमाने राजन्य् अग्रेण शालाम् आसन्दीम् अध्वर्यव उद्गृह्णन्ति
ohyamāne rājany agreṇa śālām āsandīm adhvaryava udgṛhṇanti
- 2
औदुम्बरी नाभिदघ्नपादारत्निमात्रशीर्षण्यानूच्या मौञ्जविवाना भवति
audumbarī nābhidaghnapādāratnimātraśīrṣaṇyānūcyā mauñjavivānā bhavati
- 3
अथाग्नीन्प्रज्वलयन्ति
athāgnīnprajvalayanti
- 4
तद् अनः सोमवाहनम् अग्रेण प्राग्वंशम् उदगीषम् अवस्थाप्य वारुणम् असीत्य् उत्खिदति
tad anaḥ somavāhanam agreṇa prāgvaṃśam udagīṣam avasthāpya vāruṇam asīty utkhidati
- 5
वरुणस्त्वोत्तभ्नात्व् इत्य् उपस्तभ्नाति
varuṇastvottabhnātv ity upastabhnāti
- 6
दक्षिणम् अनड्वाहं विमुञ्चति
dakṣiṇam anaḍvāhaṃ vimuñcati
- 7
वारुणम् असीति योक्त्रं परिकर्षति
vāruṇam asīti yoktraṃ parikarṣati
- 8
वरुणस्य स्कम्भसर्जनम् असीति शम्यां प्रवृहति
varuṇasya skambhasarjanam asīti śamyāṃ pravṛhati
- 9
उन्मुक्तो वरुणस्य पाश इति योक्त्रपाशं विमुञ्चति
unmukto varuṇasya pāśa iti yoktrapāśaṃ vimuñcati
- 10
एवम् उत्तरम् अनड्वाहं विमुञ्चत्य् अविमुक्तो वा स भवति
evam uttaram anaḍvāhaṃ vimuñcaty avimukto vā sa bhavati
- 11
अथातिथ्यायां सप्तदश सामिधेन्यः
athātithyāyāṃ saptadaśa sāmidhenyaḥ
- 12
इक्षुशलाके विधृती
ikṣuśalāke vidhṛtī
- 13
कार्ष्मर्यमयान्परिधीन् इध्म उपसंनह्यत्य् आश्ववालं प्रस्तरं बर्हिषि
kārṣmaryamayānparidhīn idhma upasaṃnahyaty āśvavālaṃ prastaraṃ barhiṣi
- 14
देवस्य त्वा सवितुः प्रसव इति प्रतिपद्याग्नेर् आतिथ्यम् असीत्य् एतैः प्रतिमन्त्रं जुष्टं निर्वपामीत्य् एतैः पञ्चकृत्वः
devasya tvā savituḥ prasava iti pratipadyāgner ātithyam asīty etaiḥ pratimantraṃ juṣṭaṃ nirvapāmīty etaiḥ pañcakṛtvaḥ
- 15
वैष्णवं नवकपालम् आतिथ्यं पत्न्यान्वारब्धो निर्वपति
vaiṣṇavaṃ navakapālam ātithyaṃ patnyānvārabdho nirvapati
- 16
हविष्कृता वाचं विसृज्योत्तरम् अनड्वाहं विमुञ्चति
haviṣkṛtā vācaṃ visṛjyottaram anaḍvāhaṃ vimuñcati
- 17
वारुणम् असीति यजमानो वासो ऽपादाय या ते धामानि हविषा यजन्ति ता ते विश्वा परिभूर् अस्तु यज्ञम् इति नीडाद्राजानम् आदत्ते
vāruṇam asīti yajamāno vāso 'pādāya yā te dhāmāni haviṣā yajanti tā te viśvā paribhūr astu yajñam iti nīḍādrājānam ādatte
- 18
उर्व् अन्तरिक्षम् अन्विहीति प्रव्रजति
urv antarikṣam anvihīti pravrajati
- 19
प्रतिप्रस्थातासन्दीम् आदाय पूर्वेण द्वारेण शालां प्रविश्याग्रेणाहवनीयं पर्याहृत्य वरुणस्यर्तसदन्य् असीति दक्षिणेनाहवनीयम् आसन्दीं निदधाति
pratiprasthātāsandīm ādāya pūrveṇa dvāreṇa śālāṃ praviśyāgreṇāhavanīyaṃ paryāhṛtya varuṇasyartasadany asīti dakṣiṇenāhavanīyam āsandīṃ nidadhāti

