18 shlokas
- 1
हिरण्यम् अपोद्धृत्य परिलिखितं रक्षः परिलिखिता अरातय इति स्फ्येन दक्षिणं पदं त्रिः परिलिखति यावद्घृतान्वक्तम्
hiraṇyam apoddhṛtya parilikhitaṃ rakṣaḥ parilikhitā arātaya iti sphyena dakṣiṇaṃ padaṃ triḥ parilikhati yāvadghṛtānvaktam
- 2
अथ स्फ्येनोपसंग्राहं पदं स्थाल्याम् अस्मे राय इति समोप्य त्वे राय इति यजमानाय प्रयच्छति
atha sphyenopasaṃgrāhaṃ padaṃ sthālyām asme rāya iti samopya tve rāya iti yajamānāya prayacchati
- 3
तोते राय इति यजमानः पत्न्यै
tote rāya iti yajamānaḥ patnyai
- 4
सं देवि देव्योर्वश्या पश्यस्वेति पत्नीं सोमक्रयण्या समीक्षयति
saṃ devi devyorvaśyā paśyasveti patnīṃ somakrayaṇyā samīkṣayati
- 5
त्वष्टीमती ते सपेयेति यजमानं पत्न्या
tvaṣṭīmatī te sapeyeti yajamānaṃ patnyā
- 6
माहं रायस्पोषेण वियोषम् इति सोमक्रयणीं यजमानो ऽभिमन्त्रयते
māhaṃ rāyaspoṣeṇa viyoṣam iti somakrayaṇīṃ yajamāno 'bhimantrayate
- 7
तद्धिरण्यं प्रक्षाल्यानामिकायां बध्नात्य् आप्यायनाभिषवांश्वदाभ्यार्थं च
taddhiraṇyaṃ prakṣālyānāmikāyāṃ badhnāty āpyāyanābhiṣavāṃśvadābhyārthaṃ ca
- 8
यतः पदगर्तं तद् उन्नम्भय पृथिवीम् इत्य् अद्भिर् उपनिनीय सोमक्रयणीम् उत्सृजति
yataḥ padagartaṃ tad unnambhaya pṛthivīm ity adbhir upaninīya somakrayaṇīm utsṛjati
- 9
पत्नी पदं सुरक्षितं निदधाति
patnī padaṃ surakṣitaṃ nidadhāti
- 10
अथ सूर्यस्य चक्षुर् अरुहम् इत्य् आदित्यम् उपतिष्ठते
atha sūryasya cakṣur aruham ity ādityam upatiṣṭhate
- 11
सोमविक्रयिणं शुद्धस्ते सोम इति पृच्छति
somavikrayiṇaṃ śuddhaste soma iti pṛcchati
- 12
शुद्ध इतीतरः प्रत्याह
śuddha itītaraḥ pratyāha
- 13
एष ते गायत्रो भाग इत्य् एतैर्विचितं राजानम् उपतिष्ठते
eṣa te gāyatro bhāga ity etairvicitaṃ rājānam upatiṣṭhate
- 14
तच्चर्मण उत्तरार्धे क्षौमं वासो द्विगुणं प्राचीनदशम् आस्तीर्यांशुना ते अंशुः पृच्यताम् इति राजानं सहिरण्येन पाणिनाभिमृश्याभि त्यं देवं सवितारम् इत्य् अतिच्छन्दसर्चा स्तीर्णे क्षौमे मिमीते कनिष्ठाद्येकैकाङ्गुल्या साङ्गुष्ठया प्रसारितयांशून्समुपगृह्य मिमीते
taccarmaṇa uttarārdhe kṣaumaṃ vāso dviguṇaṃ prācīnadaśam āstīryāṃśunā te aṃśuḥ pṛcyatām iti rājānaṃ sahiraṇyena pāṇinābhimṛśyābhi tyaṃ devaṃ savitāram ity aticchandasarcā stīrṇe kṣaume mimīte kaniṣṭhādyekaikāṅgulyā sāṅguṣṭhayā prasāritayāṃśūnsamupagṛhya mimīte
- 15
न कनिष्ठया पञ्चमम्
na kaniṣṭhayā pañcamam
- 16
कनिष्ठयैव दशमम्
kaniṣṭhayaiva daśamam
- 17
पञ्चकृत्वो यजुषा मिमीते पञ्चकृत्वस्तूष्णीम्
pañcakṛtvo yajuṣā mimīte pañcakṛtvastūṣṇīm
- 18
एवं द्विस्त्रिर् अपरिमितकृत्वो वा
evaṃ dvistrir aparimitakṛtvo vā

