18 shlokas
- 1
द्वादशरात्रं भृतिं वन्वानः पूषा सन्येति सनीहारान्प्रहिणोति
dvādaśarātraṃ bhṛtiṃ vanvānaḥ pūṣā sanyeti sanīhārānprahiṇoti
- 2
चन्द्रमसीत्याद्यैर्यथारूपं हिरण्यादि प्रतिगृह्णीयात्
candramasītyādyairyathārūpaṃ hiraṇyādi pratigṛhṇīyāt
- 3
देवः सविता वसोर्वसुदावेतीतराण्य् अपरिमिता गाव एकैकं वा
devaḥ savitā vasorvasudāvetītarāṇy aparimitā gāva ekaikaṃ vā
- 4
तासां नष्टां च वायवे त्वेत्य् अनुदिशति
tāsāṃ naṣṭāṃ ca vāyave tvety anudiśati
- 5
अप्सु मृतां वरुणाय त्वेति
apsu mṛtāṃ varuṇāya tveti
- 6
संशीर्णां निरृत्यै त्वेत्य् अपि वावसन्नाम्
saṃśīrṇāṃ nirṛtyai tvety api vāvasannām
- 7
विद्युद्धतां मरुद्भ्यस्त्वेति
vidyuddhatāṃ marudbhyastveti
- 8
ज्वरहतां रुद्राय त्वेति
jvarahatāṃ rudrāya tveti
- 9
सेनाभिगृहीताम् इन्द्राय त्वा प्रसह्वन इति
senābhigṛhītām indrāya tvā prasahvana iti
- 10
अविज्ञातव्याधिमृतां यमाय त्वेति
avijñātavyādhimṛtāṃ yamāya tveti
- 11
यानुदिष्टास्व् अधिगता ताम् अनुदिष्टायै देवताया आलभेत दक्षिणाभिर्वा सह दद्यात्
yānudiṣṭāsv adhigatā tām anudiṣṭāyai devatāyā ālabheta dakṣiṇābhirvā saha dadyāt
- 12
यदि त्वरया स्वयं प्रयात्य् अरणीष्व् अग्नीन्पृथग् आरोप्य सह प्रयाति
yadi tvarayā svayaṃ prayāty araṇīṣv agnīnpṛthag āropya saha prayāti
- 13
भद्राद् अभि श्रेय इति तं प्रयान्तम् अध्वर्युर् अनुमन्त्रयते
bhadrād abhi śreya iti taṃ prayāntam adhvaryur anumantrayate
- 14
यजमानो ऽरणीं दक्षिणेन परिश्रित्य व्रतयति
yajamāno 'raṇīṃ dakṣiṇena pariśritya vratayati
- 15
आपः सन्ति चेद्देवीर् आप इत्य् अवगाह्याच्छिन्नं तन्तुं पृथिव्या अनुगेषम् इति लोष्टं हस्तेन विमृज्या कूलात्सेतुं कुर्वन्न् इवात्येति
āpaḥ santi ceddevīr āpa ity avagāhyācchinnaṃ tantuṃ pṛthivyā anugeṣam iti loṣṭaṃ hastena vimṛjyā kūlātsetuṃ kurvann ivātyeti
- 16
पृथिव्या संभवेत्य् अतिशिष्टं निदधाति
pṛthivyā saṃbhavety atiśiṣṭaṃ nidadhāti
- 17
अथेमम् अवस्य वर आ पृथिव्या इति प्रयास्यन्देवयजनम् अध्यवस्यति
athemam avasya vara ā pṛthivyā iti prayāsyandevayajanam adhyavasyati
- 18
आरे शत्रून्कृणुहि सर्ववीर इत्य् उद्यन्तम् आदित्यम् उपतिष्ठते
āre śatrūnkṛṇuhi sarvavīra ity udyantam ādityam upatiṣṭhate

