22 shlokas
- 1
अथाग्निष्टोमं व्याख्यास्यामः
athāgniṣṭomaṃ vyākhyāsyāmaḥ
- 2
यक्ष्यमाणः श्रद्धावान्प्रज्ञावान्शुचिर्विध्युपार्जितोपकरणो यथोत्तरोपयोगं बुद्ध्वा संभारान्यत्नेन संभरति
yakṣyamāṇaḥ śraddhāvānprajñāvānśucirvidhyupārjitopakaraṇo yathottaropayogaṃ buddhvā saṃbhārānyatnena saṃbharati
- 3
ब्राह्मणान् आर्षेयान् अनिवृत्तविद्यान् अन्नशुद्ध्युपेतान्लक्षणसम्पन्नान् ऋत्विजः षोडश ब्रह्मप्रथमान्होतृप्रथमान् अध्वर्युप्रथमान् उद्गातृप्रथमान्वा वृणीते
brāhmaṇān ārṣeyān anivṛttavidyān annaśuddhyupetānlakṣaṇasampannān ṛtvijaḥ ṣoḍaśa brahmaprathamānhotṛprathamān adhvaryuprathamān udgātṛprathamānvā vṛṇīte
- 4
प्रथमान्महर्त्विजश्चतुरो वा
prathamānmahartvijaścaturo vā
- 5
तान् अन्यः कर्मज्ञो यजमानानुज्ञातो ऽभिवदत्य् अमुष्य सोमो भविष्यतीति
tān anyaḥ karmajño yajamānānujñāto 'bhivadaty amuṣya somo bhaviṣyatīti
- 6
क ऋत्विजः के याजयन्ति कच्चिन्नाहीनः कच्चिन्न न्यस्तम् आर्त्विज्यं कच्चित्कल्याण्यो दक्षिणा इति विज्ञायत एवं तम् ऋत्विजः पृच्छन्ति
ka ṛtvijaḥ ke yājayanti kaccinnāhīnaḥ kaccinna nyastam ārtvijyaṃ kaccitkalyāṇyo dakṣiṇā iti vijñāyata evaṃ tam ṛtvijaḥ pṛcchanti
- 7
अथैत ऋत्विज एते याजयन्ति नाहीनो ऽग्निष्टोमो न न्यस्तम् आर्त्विज्यं कल्याण्यो दक्षिणा इति स तान्प्रत्याह
athaita ṛtvija ete yājayanti nāhīno 'gniṣṭomo na nyastam ārtvijyaṃ kalyāṇyo dakṣiṇā iti sa tānpratyāha
- 8
भूर्भुवः सुवर् आयुर्मे प्रावोच इति याजयिष्यन्जपति
bhūrbhuvaḥ suvar āyurme prāvoca iti yājayiṣyanjapati
- 9
अयाजयिष्यन्नमः सोमाय राज्ञ इति सोमं राजानम् उपस्थाय प्रत्याचक्षीत
ayājayiṣyannamaḥ somāya rājña iti somaṃ rājānam upasthāya pratyācakṣīta
- 10
देवो देवम् एत्व् इत्य् अभिप्रव्रजति
devo devam etv ity abhipravrajati
- 11
पद्वा नामासीति पन्थानम् आस्थाय पितरो भूर् इति त्रिः पितॄन् अभिमन्त्रयते
padvā nāmāsīti panthānam āsthāya pitaro bhūr iti triḥ pitṝn abhimantrayate
- 12
ब्राह्मणाच्छंसी पोता चावशिष्टौ ब्रह्माणौ
brāhmaṇācchaṃsī potā cāvaśiṣṭau brahmāṇau
- 13
अच्छावाको ग्रावस्तुच्च होतारौ
acchāvāko grāvastucca hotārau
- 14
नेष्टोन्नेता चाध्वर्यू
neṣṭonnetā cādhvaryū
- 15
उद्गाता प्रस्तोता प्रतिहर्ता सुब्रह्मण्यश्चोद्गातारः
udgātā prastotā pratihartā subrahmaṇyaścodgātāraḥ
- 16
अभिगरो ध्रुवगोपः संस्राव सदस्य इति सदस्याश्चत्वारश्चेत्य् एके
abhigaro dhruvagopaḥ saṃsrāva sadasya iti sadasyāścatvāraścety eke
- 17
वासिष्ठभार्गवाङ्गिरसायास्या महर्त्विजः क्रमशो भवन्ति
vāsiṣṭhabhārgavāṅgirasāyāsyā mahartvijaḥ kramaśo bhavanti
- 18
शेषाः काश्यपा भारद्वाजा भार्गवा अङ्गिरसो वा
śeṣāḥ kāśyapā bhāradvājā bhārgavā aṅgiraso vā
- 19
वैश्वामित्रो होतेत्य् एके
vaiśvāmitro hotety eke
- 20
अपि वा सर्वेषां योनिर्वृत्तं विद्या च प्रमाणम्
api vā sarveṣāṃ yonirvṛttaṃ vidyā ca pramāṇam
- 21
दशैकादश वा चमसाध्वर्यवः
daśaikādaśa vā camasādhvaryavaḥ
- 22
तान् एकैकशो वृणीते
tān ekaikaśo vṛṇīte

