12 shlokas
- 1
यद्दृढस्थण्डिलं शुद्धम् उच्चतमम् अच्छिद्रम् अवल्मीकम् अनिरिणम् अपाषाणं समं प्रतिष्ठितं प्राक्प्रवणम् उदक्प्रवणं वा शुद्धौषधि शुद्धद्रव्यं प्रदक्षिणोदकं श्वेतमृत्तिकं पीतमृत्तिकं वा देवब्राह्मणजुष्टम् अनासुरं सुनिमित्रोपलक्षितम्
yaddṛḍhasthaṇḍilaṃ śuddham uccatamam acchidram avalmīkam aniriṇam apāṣāṇaṃ samaṃ pratiṣṭhitaṃ prākpravaṇam udakpravaṇaṃ vā śuddhauṣadhi śuddhadravyaṃ pradakṣiṇodakaṃ śvetamṛttikaṃ pītamṛttikaṃ vā devabrāhmaṇajuṣṭam anāsuraṃ sunimitropalakṣitam
- 2
पुरस्ताद्देवयजनाद्देवयजनमात्रा न शिष्टा देवयजनम् इत्य् आचक्षते
purastāddevayajanāddevayajanamātrā na śiṣṭā devayajanam ity ācakṣate
- 3
कल्याण्यो वा दक्षिणा देवयजने प्रमाणम्
kalyāṇyo vā dakṣiṇā devayajane pramāṇam
- 4
एदम् अगन्म देवयजनं पृथिव्या इति यक्ष्यमाणो देवयजनम् अध्यवस्यति
edam aganma devayajanaṃ pṛthivyā iti yakṣyamāṇo devayajanam adhyavasyati
- 5
पुरोहविषि देवयजने याजयेद् इति ब्राह्मणोक्तानि काम्यानि देवयजनानि यथाकामम्
purohaviṣi devayajane yājayed iti brāhmaṇoktāni kāmyāni devayajanāni yathākāmam
- 6
अत्र सर्वतः परिश्रितां पुरस्तादुन्नतां प्रतिदिग्द्वारां प्राचीनवंशां शालां कुर्वन्त्य् उत्तरतःपुरस्तात्पञ्चमं द्वारम्
atra sarvataḥ pariśritāṃ purastādunnatāṃ pratidigdvārāṃ prācīnavaṃśāṃ śālāṃ kurvanty uttarataḥpurastātpañcamaṃ dvāram
- 7
अवान्तरदिक्षु स्रक्तयः
avāntaradikṣu sraktayaḥ
- 8
स्रक्तिष्व् आरोकाः
sraktiṣv ārokāḥ
- 9
पश्चात्पत्नीशाला प्राग्द्वारा
paścātpatnīśālā prāgdvārā
- 10
अथ प्राग्दीक्षणीयाया अग्निर्यजुर्भिर् इति संभारयजूंष्य् आहवनीये हुत्वा वाग्घोतेति मनसानुद्रुत्यानुवाकेन जुहोति
atha prāgdīkṣaṇīyāyā agniryajurbhir iti saṃbhārayajūṃṣy āhavanīye hutvā vāgghoteti manasānudrutyānuvākena juhoti
- 11
दीक्षितान्नं न भुञ्जते प्राग् अग्नीषोमीयाद्विभक्ते यज्ञार्थे शेषाद्भुञ्जीरन्क्रीते वा राजनि
dīkṣitānnaṃ na bhuñjate prāg agnīṣomīyādvibhakte yajñārthe śeṣādbhuñjīrankrīte vā rājani
- 12
सोमाय राज्ञे शालायां पायसमन्नं लाजांश्चा क्रयाद् उपाहरन्ति
somāya rājñe śālāyāṃ pāyasamannaṃ lājāṃścā krayād upāharanti

