15 shlokas
- 1
अवशिष्टं राजानं प्रजाभ्यस्त्वेत्य् उपसमूह्य वाससो ऽन्तान्समुच्चित्य द्विगुणेनोष्णीषेण प्राणाय त्वेति प्रदक्षिणम् उपनह्यति
avaśiṣṭaṃ rājānaṃ prajābhyastvety upasamūhya vāsaso 'ntānsamuccitya dviguṇenoṣṇīṣeṇa prāṇāya tveti pradakṣiṇam upanahyati
- 2
व्यानाय त्वेत्य् अनुशृन्थति
vyānāya tvety anuśṛnthati
- 3
प्रजास्त्वम् अनु प्राणिहि प्रजास्त्वामनु प्राणन्त्व् इति राजानं यजमानम् अवेक्षयति
prajāstvam anu prāṇihi prajāstvāmanu prāṇantv iti rājānaṃ yajamānam avekṣayati
- 4
एनं चर्मणि निदधाति
enaṃ carmaṇi nidadhāti
- 5
देव सूर्य सोमं क्रेष्याम इत्य् आदित्यम् उपतिष्ठते सोमविक्रयी च राजानं चर्मण आदत्ते
deva sūrya somaṃ kreṣyāma ity ādityam upatiṣṭhate somavikrayī ca rājānaṃ carmaṇa ādatte
- 6
सोमविक्रयिन्क्रय्यस्ते सोमो राजेति सोमविक्रयिणं पृच्छति
somavikrayinkrayyaste somo rājeti somavikrayiṇaṃ pṛcchati
- 7
क्रय्य इतीतरः प्रत्याह
krayya itītaraḥ pratyāha
- 8
सोमं ते क्रीणामीत्य् उक्त्वा गोर्महिमा महान् इति मन्वानः कलया ते क्रीणानि कुष्ठया ते क्रीणानि शफेन ते क्रीणानि पदा ते क्रीणानीति प्रत्येकं तिस्रः पणते
somaṃ te krīṇāmīty uktvā gormahimā mahān iti manvānaḥ kalayā te krīṇāni kuṣṭhayā te krīṇāni śaphena te krīṇāni padā te krīṇānīti pratyekaṃ tisraḥ paṇate
- 9
स्वयं गोस्त्रीन्पादान्पणितान्प्रतिषिध्य गवा ते क्रीणानीति गाम् एव पणते
svayaṃ gostrīnpādānpaṇitānpratiṣidhya gavā te krīṇānīti gām eva paṇate
- 10
भूयो वा अतः सोमो राजार्हतीत्य् आ संख्यासंपदः सोमविक्रयी प्रत्याह
bhūyo vā ataḥ somo rājārhatīty ā saṃkhyāsaṃpadaḥ somavikrayī pratyāha
- 11
भूय एवातः सोमो राजार्हतीत्य् अध्वर्युः प्रतिनन्द्य शुक्रं ते शुक्रेण क्रीणामीति हिरण्यं पणते
bhūya evātaḥ somo rājārhatīty adhvaryuḥ pratinandya śukraṃ te śukreṇa krīṇāmīti hiraṇyaṃ paṇate
- 12
विक्रय्य् एतद् आदत्ते
vikrayy etad ādatte
- 13
तपसस्तनूर् असीत्य् अजाम्
tapasastanūr asīty ajām
- 14
वाससा ते क्रीणानीति वासः
vāsasā te krīṇānīti vāsaḥ
- 15
चतुर्भिः संख्यां सम्पादयति
caturbhiḥ saṃkhyāṃ sampādayati

