12 shlokas
- 1
वरुणस्य स्कम्भनम् असीति तयोर्दक्षिणं प्रथमं युनक्ति
varuṇasya skambhanam asīti tayordakṣiṇaṃ prathamaṃ yunakti
- 2
वरुणस्य स्कम्भसर्जनम् असीति शम्याम् अवगृह्य प्रत्यस्तो वरुणस्य पाश इति योक्त्रपाशं प्रत्यस्यति
varuṇasya skambhasarjanam asīti śamyām avagṛhya pratyasto varuṇasya pāśa iti yoktrapāśaṃ pratyasyati
- 3
एतयैवावृतोत्तरम् अनड्वाहं युनक्ति
etayaivāvṛtottaram anaḍvāhaṃ yunakti
- 4
पलाशशाखे बिभ्रद् अन्तरेणेषे सुब्रह्मण्य उपसर्पति
palāśaśākhe bibhrad antareṇeṣe subrahmaṇya upasarpati
- 5
अध्वर्युर् ईषां दक्षिणाम् अन्वारभ्य सोमाय क्रीताय प्रोह्यमाणायानुब्रूहि ब्रह्मन्वाचं यच्छ सुब्रह्मण्य सुब्रह्मण्याम् आह्वयेति संप्रेष्यति
adhvaryur īṣāṃ dakṣiṇām anvārabhya somāya krītāya prohyamāṇāyānubrūhi brahmanvācaṃ yaccha subrahmaṇya subrahmaṇyām āhvayeti saṃpreṣyati
- 6
ॐ भूः सासि सुब्रह्मण्ये तस्यास्ते पृथिवी पाद इति सुब्रह्मण्यासु सर्वासु यजमानः सुब्रह्मण्यम् अन्वारभ्याहूताम् आहूतां जपति
oṃ bhūḥ sāsi subrahmaṇye tasyāste pṛthivī pāda iti subrahmaṇyāsu sarvāsu yajamānaḥ subrahmaṇyam anvārabhyāhūtām āhūtāṃ japati
- 7
अध्वर्युयजमानौ प्रथमायां त्रिर् उक्तायां प्रच्यवस्व भुवस्पत इति राजानं प्रच्यावयतः
adhvaryuyajamānau prathamāyāṃ trir uktāyāṃ pracyavasva bhuvaspata iti rājānaṃ pracyāvayataḥ
- 8
सर्वे प्राञ्चो ऽभिभूयाथ प्रदक्षिणं परिचरन्ति
sarve prāñco 'bhibhūyātha pradakṣiṇaṃ paricaranti
- 9
श्येनो भूत्वा परापतेति राजानम् अध्वर्युर् अभिमन्त्रयते
śyeno bhūtvā parāpateti rājānam adhvaryur abhimantrayate
- 10
यजमानस्य स्वस्त्ययन्य् असीति दक्षिणेनोत्तरेण वाध्वर्युर्यजमानश्चाञ्जसा राजानम् उपसंक्रामतः
yajamānasya svastyayany asīti dakṣiṇenottareṇa vādhvaryuryajamānaścāñjasā rājānam upasaṃkrāmataḥ
- 11
अग्रेण शालां तिष्ठन्राज्ञे प्रोह्यमाणायोपदां मन्वानो ऽजेनाग्नीषोमीयेण कर्णगृहीतेन नमो मित्रस्येति राजानं यजमानः प्रतीक्षते
agreṇa śālāṃ tiṣṭhanrājñe prohyamāṇāyopadāṃ manvāno 'jenāgnīṣomīyeṇa karṇagṛhītena namo mitrasyeti rājānaṃ yajamānaḥ pratīkṣate
- 12
स कृष्णसारङ्गो लोहितसारङ्गो वा निरूढपशुबन्धलक्षणः श्मश्रुलः स्थूलः पीवा
sa kṛṣṇasāraṅgo lohitasāraṅgo vā nirūḍhapaśubandhalakṣaṇaḥ śmaśrulaḥ sthūlaḥ pīvā

