45 shlokas
- 1
श्रीदेव्युवाच
नियामनादिकं कर्म क्रामणान्तं सुरेश्वर
यया सम्पद्यते ह्य् एषामोषधीं वक्तुमर्हसि
śrīdevyuvāca
niyāmanādikaṃ karma krāmaṇāntaṃ sureśvara
yayā sampadyate hy eṣāmoṣadhīṃ vaktumarhasi
- 2
श्रीभैरव उवाच
सर्पाक्षी वह्निकर्कोटी कञ्चुकी जलबिन्दुजा
शतावरी भृङ्गराजः शरपुङ्खा पुनर्नवा
śrībhairava uvāca
sarpākṣī vahnikarkoṭī kañcukī jalabindujā
śatāvarī bhṛṅgarājaḥ śarapuṅkhā punarnavā
- 3
मण्डूकपर्णी मत्स्याक्षी ब्रह्मदण्डी शिखण्डिनी
अनन्ता काकजङ्घा च काकमाची कपोतिका
maṇḍūkaparṇī matsyākṣī brahmadaṇḍī śikhaṇḍinī
anantā kākajaṅghā ca kākamācī kapotikā
- 4
विष्णुक्रान्ता सहचरा सहादेवी महाबला
बला नागबला कृष्णा चक्रमर्दः कुरुङ्गिणी
viṣṇukrāntā sahacarā sahādevī mahābalā
balā nāgabalā kṛṣṇā cakramardaḥ kuruṅgiṇī
- 5
पाठा चामलकी नीली ज्वालिनी पद्मचारिणी
फणित्रिजिह्वा गोजिह्वा कोकिलाक्षो घनध्वनिः
pāṭhā cāmalakī nīlī jvālinī padmacāriṇī
phaṇitrijihvā gojihvā kokilākṣo ghanadhvaniḥ
- 6
आखुपर्णी त्रिपर्णी च द्विपर्णी चैकपर्णिका
तित्तिडी क्षीरिणी रास्ना मेषशृङ्गी च कुक्कुटी
ākhuparṇī triparṇī ca dviparṇī caikaparṇikā
tittiḍī kṣīriṇī rāsnā meṣaśṛṅgī ca kukkuṭī
- 7
कृष्णपर्णी च तुलसी श्वेता च गिरिकर्णिका
एता नियामकौषध्यः पुष्पमूलदलान्विताः
दोलास्वेदः प्रकर्तव्यो मूलेनानेन सुव्रते
kṛṣṇaparṇī ca tulasī śvetā ca girikarṇikā
etā niyāmakauṣadhyaḥ puṣpamūladalānvitāḥ
dolāsvedaḥ prakartavyo mūlenānena suvrate
- 8
चण्डाली राक्षसी व्याघ्री खड्गारी गजकर्णिका
शङ्खपुष्प्यग्निधमनी लाङ्गली बालमोचका
caṇḍālī rākṣasī vyāghrī khaḍgārī gajakarṇikā
śaṅkhapuṣpyagnidhamanī lāṅgalī bālamocakā
- 9
रक्तस्नुही रक्तशृङ्गी रक्तिका नीलचित्रकः
शृगालजिह्वा बृहती वज्रा चक्री च राजिका
raktasnuhī raktaśṛṅgī raktikā nīlacitrakaḥ
śṛgālajihvā bṛhatī vajrā cakrī ca rājikā
- 10
एकवीरा नरकसा रुदन्ती ब्रह्मचारिणी
उच्चटा मानिनीकन्दा कुमारी रक्तचित्रकः
ekavīrā narakasā rudantī brahmacāriṇī
uccaṭā māninīkandā kumārī raktacitrakaḥ
- 11
लक्ष्मीः शाखोटकश्चैव कञ्चुकी मेषशृङ्गिका
हिमावती सोमलता मोदा व्याघ्रनखी शमी
lakṣmīḥ śākhoṭakaścaiva kañcukī meṣaśṛṅgikā
himāvatī somalatā modā vyāghranakhī śamī
- 12
काञ्चनी वनराजी च काकमाची च केशिनी
अजमारी कोटराक्षी हनूमत्यङ्गनायिका
kāñcanī vanarājī ca kākamācī ca keśinī
ajamārī koṭarākṣī hanūmatyaṅganāyikā
- 13
नरजीवा हेमपुष्पी काकमुण्डी च कालिका
तोयवल्ली गजारी च हंसाङ्घ्री कुहुकंविका
ताम्बूली सूर्यभक्ता च रसनिर्जीवकारिकाः
narajīvā hemapuṣpī kākamuṇḍī ca kālikā
toyavallī gajārī ca haṃsāṅghrī kuhukaṃvikā
tāmbūlī sūryabhaktā ca rasanirjīvakārikāḥ
- 14
कटुतुम्बी च गोसन्धी देवदालीन्द्रवारुणी
वाकुची ब्रह्मबीजानि कार्पासं कृष्णजीरकम्
kaṭutumbī ca gosandhī devadālīndravāruṇī
vākucī brahmabījāni kārpāsaṃ kṛṣṇajīrakam
- 15
कङ्गुनी कृष्णकनकं श्वेतार्कं च पिपीलिजम्
दन्तिनी यवचिञ्चा च कर्कोटी कारवल्लिका
kaṅgunī kṛṣṇakanakaṃ śvetārkaṃ ca pipīlijam
dantinī yavaciñcā ca karkoṭī kāravallikā
- 16
गोजिह्वा काकजङ्घा च महाकाली च शम्बरी
श्वेतगुञ्जा सिताङ्कोलः पटोली बिल्वमेव च
एकैकमोषधीबीजं मारयेद्रसभैरवम्
gojihvā kākajaṅghā ca mahākālī ca śambarī
śvetaguñjā sitāṅkolaḥ paṭolī bilvameva ca
ekaikamoṣadhībījaṃ mārayedrasabhairavam
- 17
रक्तस्नुही सोमलता रुदन्ती रक्तचित्रकः
शाखोटकी दग्धरुहा मोदिनी वृद्धदारुकः
raktasnuhī somalatā rudantī raktacitrakaḥ
śākhoṭakī dagdharuhā modinī vṛddhadārukaḥ
- 18
त्रिशूली कृष्णमार्जारी चक्रिका क्षीरकुक्कुटी
देवदाली शङ्खपुष्पी काकमाची हनूमती
triśūlī kṛṣṇamārjārī cakrikā kṣīrakukkuṭī
devadālī śaṅkhapuṣpī kākamācī hanūmatī
- 19
नीलज्योतिस्तृणज्योतिरुत्कटा हेमवल्लरी
त्रिदण्डी ब्रह्मदण्डी च चक्राङ्की स्थलपद्मिनी
nīlajyotistṛṇajyotirutkaṭā hemavallarī
tridaṇḍī brahmadaṇḍī ca cakrāṅkī sthalapadminī
- 20
नागजिह्वा नागकर्णी वीरा वर्तुलपर्णिका
अर्कपत्त्री वंशपत्त्री ताम्रपर्णी तथेश्वरी
इन्दुरी देवदेवेशि रसबन्धकराः प्रिये
nāgajihvā nāgakarṇī vīrā vartulaparṇikā
arkapattrī vaṃśapattrī tāmraparṇī tatheśvarī
indurī devadeveśi rasabandhakarāḥ priye
- 21
तीव्रगन्धरसस्पर्शैर्द्रव्यैः स्थावरजङ्गमैः
म्रियते बध्यते चैव रसः स्वेदनमर्दनात्
tīvragandharasasparśairdravyaiḥ sthāvarajaṅgamaiḥ
mriyate badhyate caiva rasaḥ svedanamardanāt
- 22
सूर्यावर्तश्च कदली वन्ध्या कोशातकी तथा
वज्रकन्दोदककणा काकमाची च शिग्रुकः
sūryāvartaśca kadalī vandhyā kośātakī tathā
vajrakandodakakaṇā kākamācī ca śigrukaḥ
- 23
देवदाली च देवेशि द्राविकाः परिकीर्तिताः
दोषान्हरन्ति योगेन धातूनां पारदस्य च
devadālī ca deveśi drāvikāḥ parikīrtitāḥ
doṣānharanti yogena dhātūnāṃ pāradasya ca
- 24
काकमाची घनरवः कासमर्दः कृताञ्जलिः
वराहकर्णी सटिरी हंसदावी शतावरी
kākamācī ghanaravaḥ kāsamardaḥ kṛtāñjaliḥ
varāhakarṇī saṭirī haṃsadāvī śatāvarī
- 25
ताम्बूली नागिनी ब्रह्मी हंसपादी च लक्षणा
अर्जुनी क्षीरनाली च कारवेल्लो ऽर्कपत्त्रिका
व्याघ्री चवी कुरवकः क्रामिकाः सुरवन्दिते
tāmbūlī nāginī brahmī haṃsapādī ca lakṣaṇā
arjunī kṣīranālī ca kāravello 'rkapattrikā
vyāghrī cavī kuravakaḥ krāmikāḥ suravandite
- 26
ब्रह्मदण्डः सुदण्डश्च लोहदण्डस्तृतीयकः
एते रसायने योग्या ब्रह्मविष्णुमहेश्वराः
brahmadaṇḍaḥ sudaṇḍaśca lohadaṇḍastṛtīyakaḥ
ete rasāyane yogyā brahmaviṣṇumaheśvarāḥ
- 27
भूपाटली च कौमारी सिंहवल्ली च शूकरी
हेमपर्णी पटोली च नागवल्ली च भृङ्गराट्
इत्यष्ट मूलिकाः प्रोक्ताः पञ्चरत्नं शृणु प्रिये
bhūpāṭalī ca kaumārī siṃhavallī ca śūkarī
hemaparṇī paṭolī ca nāgavallī ca bhṛṅgarāṭ
ityaṣṭa mūlikāḥ proktāḥ pañcaratnaṃ śṛṇu priye
- 28
मन्त्रसिद्धासना देवी तथा कङ्कालखेचरी
इन्दिरा च क्षमापाली पञ्चमी तु निशाचरी
पञ्चरत्नमिदं देवि रसशोधनजारणे
mantrasiddhāsanā devī tathā kaṅkālakhecarī
indirā ca kṣamāpālī pañcamī tu niśācarī
pañcaratnamidaṃ devi rasaśodhanajāraṇe
- 29
रसस्य बन्धने शस्तमेकैकं सुरवन्दिते
रसाङ्कुशेन गृह्णीयात्पञ्चरत्नानि सुव्रते
ददाति खेचरीं सिद्धिं रसभैरवसंगमे
rasasya bandhane śastamekaikaṃ suravandite
rasāṅkuśena gṛhṇīyātpañcaratnāni suvrate
dadāti khecarīṃ siddhiṃ rasabhairavasaṃgame
- 30
त्रिक्षारं टङ्कणक्षारो यवक्षारश्च सर्जिका
तिलापामार्गकदली पलाशशिग्रुमोचिकाः
मूलकार्द्रकचिञ्चाश्च वृक्षक्षाराः प्रकीर्तिताः
trikṣāraṃ ṭaṅkaṇakṣāro yavakṣāraśca sarjikā
tilāpāmārgakadalī palāśaśigrumocikāḥ
mūlakārdrakaciñcāśca vṛkṣakṣārāḥ prakīrtitāḥ

