174 shlokas
- 1
श्रीभैरव उवाच
पुनरन्यं प्रवक्ष्यामि वज्रबन्धं सुरेश्वरि
śrībhairava uvāca
punaranyaṃ pravakṣyāmi vajrabandhaṃ sureśvari
- 2
गन्धकं भक्षयेन्नारी दिनानामेकविंशतिम्
तद्रजो रसराजस्य बन्धने जारणे हितम्
gandhakaṃ bhakṣayennārī dinānāmekaviṃśatim
tadrajo rasarājasya bandhane jāraṇe hitam
- 3
वज्रभस्म तु भागैकं भागाः शुद्धरसास्त्रयः
द्विपदी रजसामर्द्य यावत्तत्कल्कतां गतम्
vajrabhasma tu bhāgaikaṃ bhāgāḥ śuddharasāstrayaḥ
dvipadī rajasāmardya yāvattatkalkatāṃ gatam
- 4
पादांशेन सुवर्णस्य पत्त्रलेपं तु कारयेत्
pādāṃśena suvarṇasya pattralepaṃ tu kārayet
- 5
व्योमवल्लीरसं कान्तं टङ्कणं च सुचूर्णितम्
अभ्रकमष्टमांशेन खल्ले कृत्वा विमर्दयेत्
vyomavallīrasaṃ kāntaṃ ṭaṅkaṇaṃ ca sucūrṇitam
abhrakamaṣṭamāṃśena khalle kṛtvā vimardayet
- 6
नष्टपिष्टं चतुष्कं तदन्धयित्वा पुटेत्ततः
अन्धमूषागतं ध्मातं क्रामणेन समन्वितम्
खोटस्तु जायते देवि शतवेधी महारसः
naṣṭapiṣṭaṃ catuṣkaṃ tadandhayitvā puṭettataḥ
andhamūṣāgataṃ dhmātaṃ krāmaṇena samanvitam
khoṭastu jāyate devi śatavedhī mahārasaḥ
- 7
सौवीरं टङ्कणं काचं दत्त्वा दत्त्वा विशोधयेत्
अजीर्णे मिलिते हेम्ना समावर्तस्तु जायते
sauvīraṃ ṭaṅkaṇaṃ kācaṃ dattvā dattvā viśodhayet
ajīrṇe milite hemnā samāvartastu jāyate
- 8
एकोत्तरक्रमे वृद्ध्या संकलैः क्रामयेत्ततः
ekottarakrame vṛddhyā saṃkalaiḥ krāmayettataḥ
- 9
एकगुणेन सूतेन एका संकलिकोच्यते
त्रिगुणेन तु सूतेन द्वितीया संकली भवेत्
ekaguṇena sūtena ekā saṃkalikocyate
triguṇena tu sūtena dvitīyā saṃkalī bhavet
- 10
षड्गुणेन तु सूतेन तृतीया संकली भवेत्
दशगुणेन सूतेन चतुर्थी संकली भवेत्
ṣaḍguṇena tu sūtena tṛtīyā saṃkalī bhavet
daśaguṇena sūtena caturthī saṃkalī bhavet
- 11
पञ्चदशगुणेनेशि पञ्चमी संकली भवेत्
एकविंशद्गुणेनेशि षष्ठी संकलिका मता
pañcadaśaguṇeneśi pañcamī saṃkalī bhavet
ekaviṃśadguṇeneśi ṣaṣṭhī saṃkalikā matā
- 12
अष्टाविंशद्गुणेनेशि सप्तमी संकली स्मृता
षट्त्रिंशद्गुणसम्बद्धा भवेत्संकलिकाष्टमी
aṣṭāviṃśadguṇeneśi saptamī saṃkalī smṛtā
ṣaṭtriṃśadguṇasambaddhā bhavetsaṃkalikāṣṭamī
- 13
पञ्चचत्वारिंशद्गुणैः संकली नवमी मता
पञ्चपञ्चाशद्गुणेन दशमी संकली स्मृता
pañcacatvāriṃśadguṇaiḥ saṃkalī navamī matā
pañcapañcāśadguṇena daśamī saṃkalī smṛtā
- 14
एवं च क्रमवृद्ध्यास्य संकलीदशबन्धनम्
evaṃ ca kramavṛddhyāsya saṃkalīdaśabandhanam
- 15
प्रथमे दशवेधी स्यात्शतवेधी द्वितीयके
तृतीये सहस्रवेधी च चतुर्थे ऽयुतवेधकः
prathame daśavedhī syātśatavedhī dvitīyake
tṛtīye sahasravedhī ca caturthe 'yutavedhakaḥ
- 16
पञ्चमे लक्षवेधी स्यात्दशलक्षं तु षष्ठके
सप्तमे कोटिवेधी च दशकोटि तथाष्टमे
pañcame lakṣavedhī syātdaśalakṣaṃ tu ṣaṣṭhake
saptame koṭivedhī ca daśakoṭi tathāṣṭame
- 17
धूमावलोको नवमे दशमे शब्दवेधकः
संकलैः संकलैर्बद्धो वेधो दशगुणो भवेत्
dhūmāvaloko navame daśame śabdavedhakaḥ
saṃkalaiḥ saṃkalairbaddho vedho daśaguṇo bhavet
- 18
दशसंकलिकाबद्धः शब्दवेधी महारसः
यथा लोहे तथा देहे क्रमते नात्र संशयः
daśasaṃkalikābaddhaḥ śabdavedhī mahārasaḥ
yathā lohe tathā dehe kramate nātra saṃśayaḥ
- 19
वेधयेत्तत्प्रमाणेन धातूंश्चैव शरीरकम्
कारयेद्गुटिकां दिव्यां बदरास्थिप्रमाणतः
vedhayettatpramāṇena dhātūṃścaiva śarīrakam
kārayedguṭikāṃ divyāṃ badarāsthipramāṇataḥ
- 20
महाकालीं पूजयित्वा धारयेत्सततं बुधः
तस्य मन्त्रं प्रवक्ष्यामि त्रिदशैरपि दुर्लभम्
mahākālīṃ pūjayitvā dhārayetsatataṃ budhaḥ
tasya mantraṃ pravakṣyāmi tridaśairapi durlabham
- 21
प्रणवो भुवनेशीबीजं लक्ष्मीबीजं ततः परम्
praṇavo bhuvaneśībījaṃ lakṣmībījaṃ tataḥ param
- 22
ॐ ह्रीं श्रीं कालिका कालि महाकालि मांसशोणितभोजिनि
ह्रीं ह्रीं हुं रक्तकृष्णमुखे देवि रससिद्धिं ददस्व मे
oṃ hrīṃ śrīṃ kālikā kāli mahākāli māṃsaśoṇitabhojini
hrīṃ hrīṃ huṃ raktakṛṣṇamukhe devi rasasiddhiṃ dadasva me
- 23
श्रीं ह्रीं ऐं रमा शक्तिश्च ताराख्यो मन्त्रोऽयं सर्वसिद्धिदः
śrīṃ hrīṃ aiṃ ramā śaktiśca tārākhyo mantro'yaṃ sarvasiddhidaḥ
- 24
पूजयित्वा ततो देवीं सिद्धचक्रं विशेषतः
तां क्षिपेद्वक्त्रमध्ये तु गुटिकां दिव्यरूपिणीम्
pūjayitvā tato devīṃ siddhacakraṃ viśeṣataḥ
tāṃ kṣipedvaktramadhye tu guṭikāṃ divyarūpiṇīm
- 25
शतवेधेन या बद्धा रसेन गुटिका प्रिये
मासमेकं तु वक्त्रस्था जीवेच्चैव युगावधि
śatavedhena yā baddhā rasena guṭikā priye
māsamekaṃ tu vaktrasthā jīveccaiva yugāvadhi
- 26
तथा सहस्रवेधेन या बद्धा गुटिका शुभा
मासद्वयं तु वक्त्रस्था जीवेच्चन्द्रार्कतारकम्
tathā sahasravedhena yā baddhā guṭikā śubhā
māsadvayaṃ tu vaktrasthā jīveccandrārkatārakam
- 27
दशसहस्रवेधेन बद्धा च गुटिका यदि
शक्रतुल्यं तदायुः स्यात्त्रिभिर्मासैर्वरानने
daśasahasravedhena baddhā ca guṭikā yadi
śakratulyaṃ tadāyuḥ syāttribhirmāsairvarānane
- 28
लक्षवेधेन या बद्धा गुटिका दिव्यरूपिणी
चतुर्मासं तु वक्त्रस्था ब्रह्मायुषं प्रयच्छति
lakṣavedhena yā baddhā guṭikā divyarūpiṇī
caturmāsaṃ tu vaktrasthā brahmāyuṣaṃ prayacchati
- 29
दशलक्षेण या बद्धा गुटिका दिव्यरूपिणी
पञ्चमासं तु वक्त्रस्था विष्णुतुल्यायुषं लभेत्
daśalakṣeṇa yā baddhā guṭikā divyarūpiṇī
pañcamāsaṃ tu vaktrasthā viṣṇutulyāyuṣaṃ labhet
- 30
कोटिवेधेन या बद्धा गुटिका दिव्यरूपिणी
षण्मासं संस्थिता वक्त्रे साक्षाद्वै रुद्रतां नयेत्
koṭivedhena yā baddhā guṭikā divyarūpiṇī
ṣaṇmāsaṃ saṃsthitā vaktre sākṣādvai rudratāṃ nayet

