23 shlokas
- 1
अथैतद् आग्नीध्रे ऽधिश्रयति वाक्च त्वा मनश्च श्रीणीताम्
प्राणश्च त्वापानश्च श्रीणीताम्
चक्षुश्च त्वा श्रोत्रं च श्रीणीताम्
दक्षश्च त्वा बलं च श्रीणीताम्
ओजश्च त्वा सहश्च श्रीणीताम्
आयुश्च त्वा जरा च श्रीणीताम्
आत्मा च त्वा तनूश्च श्रीणीताम्
शृतो ऽसि शृतंकृतः
शृताय त्वा शृतेभ्यस्त्वेति
athaitad āgnīdhre 'dhiśrayati vākca tvā manaśca śrīṇītām
prāṇaśca tvāpānaśca śrīṇītām
cakṣuśca tvā śrotraṃ ca śrīṇītām
dakṣaśca tvā balaṃ ca śrīṇītām
ojaśca tvā sahaśca śrīṇītām
āyuśca tvā jarā ca śrīṇītām
ātmā ca tvā tanūśca śrīṇītām
śṛto 'si śṛtaṃkṛtaḥ
śṛtāya tvā śṛtebhyastveti
- 2
ततः संप्रेष्यति होतर्वदस्व यत्ते वाद्यम् इति
tataḥ saṃpreṣyati hotarvadasva yatte vādyam iti
- 3
यत्राभिजानाति यदि श्रातो जुहोतन यद्य् अश्रातो ममत्तनेति तत आह श्रातं हविर् इति
yatrābhijānāti yadi śrāto juhotana yady aśrāto mamattaneti tata āha śrātaṃ havir iti
- 4
अत्याक्रम्याश्राव्याह दधिघर्मस्य यजेति
atyākramyāśrāvyāha dadhigharmasya yajeti
- 5
वषट्कृते जुहोति यम् इन्द्रम् आहुर्वरुणं यम् आहुः
यं मित्रम् आहुर्यम् उ सत्यम् आहुः
यो देवानां देवतमस्तपोजाः
तस्मै त्वा तेभ्यस्त्वा स्वाहा
इति
vaṣaṭkṛte juhoti yam indram āhurvaruṇaṃ yam āhuḥ
yaṃ mitram āhuryam u satyam āhuḥ
yo devānāṃ devatamastapojāḥ
tasmai tvā tebhyastvā svāhā
iti
- 6
अनुवषट्कृते द्वितीयं हुत्वावशिनष्टि
anuvaṣaṭkṛte dvitīyaṃ hutvāvaśinaṣṭi
- 7
तं ते भक्षयन्ति ये प्रवर्ग्यम्
तस्यारण्ये ऽनुवाक्ये भक्षमन्त्रः
taṃ te bhakṣayanti ye pravargyam
tasyāraṇye 'nuvākye bhakṣamantraḥ
- 8
नाप्रवर्ग्ये दधिघर्मो विद्यत इत्य् अपरम्
nāpravargye dadhigharmo vidyata ity aparam
- 9
ततः सवनीयान् आसादयति
tataḥ savanīyān āsādayati
- 10
पशुपुरोडाशेन प्रचर्य सवनीयैः प्रचरति
paśupuroḍāśena pracarya savanīyaiḥ pracarati
- 11
एतावन्नाना
माध्यंदिनस्य सवनस्येन्द्राय पुरोडाशानाम् अनुब्रूहि
माध्यंदिनस्य सवनस्येन्द्राय पुरोडाशान्प्रस्थितान्प्रेष्येति संप्रेष्यति
etāvannānā
mādhyaṃdinasya savanasyendrāya puroḍāśānām anubrūhi
mādhyaṃdinasya savanasyendrāya puroḍāśānprasthitānpreṣyeti saṃpreṣyati
- 12
सर्वेषां सपशुपुरोडाशानां समानः स्विष्टकृत्प्रैषवान्समानेडा
sarveṣāṃ sapaśupuroḍāśānāṃ samānaḥ sviṣṭakṛtpraiṣavānsamāneḍā
- 13
न सवनीयस्य पशुपुरोडाशो विद्यत इत्य् अपरम्
na savanīyasya paśupuroḍāśo vidyata ity aparam
- 14
आधवनीयं पूतभृत्य् अवनयति
ādhavanīyaṃ pūtabhṛty avanayati
- 15
समानम् आ संप्रैषात्
samānam ā saṃpraiṣāt
- 16
एतावन्नाना
माध्यंदिनस्य सवनस्य निष्केवल्यस्य भागस्य शुक्रवतो मन्थिवतो मधुश्चुत इति संप्रैषादिः
etāvannānā
mādhyaṃdinasya savanasya niṣkevalyasya bhāgasya śukravato manthivato madhuścuta iti saṃpraiṣādiḥ
- 17
समानम् आ पुनरभ्युन्नीतेभ्यः
samānam ā punarabhyunnītebhyaḥ
- 18
पूर्व आग्नीध्राद् अच्छावाकः संयजति
pūrva āgnīdhrād acchāvākaḥ saṃyajati
- 19
नात्र पुरोडाशशकलम् अच्छावाकाय निदधाति
nātra puroḍāśaśakalam acchāvākāya nidadhāti
- 20
यथाचमसं चमसिनो भक्षयन्ति
yathācamasaṃ camasino bhakṣayanti
- 21
रुद्रवद्गणस्य सोम देव त इत्य् एष एव माध्यंदिने सवने भक्षमन्त्रो भवत्य् अन्यत्र नाराशंसेभ्यः
rudravadgaṇasya soma deva ta ity eṣa eva mādhyaṃdine savane bhakṣamantro bhavaty anyatra nārāśaṃsebhyaḥ
- 22
असर्वान्भक्षयित्वाप्याययन्ति
asarvānbhakṣayitvāpyāyayanti
- 23
व्याख्यातम् आप्यायनं सादनम्
vyākhyātam āpyāyanaṃ sādanam

