17 shlokas
- 1
आग्नीध्र एतद् आज्यं जुहोत्य् अग्ने नय सुपथा राये अस्मान् इत्य् एतया
āgnīdhra etad ājyaṃ juhoty agne naya supathā rāye asmān ity etayā
- 2
वनेषु व्य् अन्तरिक्षं ततानेति वारुण्या द्वितीयया जुहुयाद्यद्य् अनो रथो ऽश्वो वासो ऽपि वा दीयते
vaneṣu vy antarikṣaṃ tatāneti vāruṇyā dvitīyayā juhuyādyady ano ratho 'śvo vāso 'pi vā dīyate
- 3
प्राजापत्यया तृतीयया जुहुयाद्यदि हस्तिनं पुरुषं वा दास्यन्स्यात्
prājāpatyayā tṛtīyayā juhuyādyadi hastinaṃ puruṣaṃ vā dāsyansyāt
- 4
आत्रेयाय प्रथमाय हिरण्यं ददाति मध्यमायेत्य् एकेषाम् उत्तमायेत्य् एकेषां ब्राह्मणम् अद्य राध्यासम् ऋषिम् आर्षेयम् इति
ātreyāya prathamāya hiraṇyaṃ dadāti madhyamāyety ekeṣām uttamāyety ekeṣāṃ brāhmaṇam adya rādhyāsam ṛṣim ārṣeyam iti
- 5
यद्य् आत्रेयं न विन्देद्य आर्षेयः संहितस्तस्मै दद्यात्
yady ātreyaṃ na vindedya ārṣeyaḥ saṃhitastasmai dadyāt
- 6
आग्नीध्रायाग्र उपबर्हणं सार्वसूत्रं ददात्य् अजं च
āgnīdhrāyāgra upabarhaṇaṃ sārvasūtraṃ dadāty ajaṃ ca
- 7
ततो ब्रह्मणे यथान्यां दक्षिणां नातिध्यायेद् एवं दद्यात्
tato brahmaṇe yathānyāṃ dakṣiṇāṃ nātidhyāyed evaṃ dadyāt
- 8
तत उद्गातृभ्यो होतृभ्यः
tata udgātṛbhyo hotṛbhyaḥ
- 9
अध्वर्युभ्यस्तु हविर्धान आसीनेभ्यः
adhvaryubhyastu havirdhāna āsīnebhyaḥ
- 10
अन्ततः प्रतिहर्त्रे ददाति
antataḥ pratihartre dadāti
- 11
अर्धम् अर्धिभ्यस्तृतीयं तृतीयिभ्यः पादं पादिभ्यः
ते द्वादशाहे व्याख्याताः
ardham ardhibhyastṛtīyaṃ tṛtīyibhyaḥ pādaṃ pādibhyaḥ
te dvādaśāhe vyākhyātāḥ
- 12
ऋत्विग्भ्यो दत्त्वा प्रसर्पकेभ्यो ददाति
ṛtvigbhyo dattvā prasarpakebhyo dadāti
- 13
एते दक्षिणेन पृष्ठ्याम् अन्तः सदस्य् उपविष्टा भवन्ति
ete dakṣiṇena pṛṣṭhyām antaḥ sadasy upaviṣṭā bhavanti
- 14
नानार्षेयाय विदुषे ददाति
नार्षेयायाविदुषे
आर्षेयायैव विदुषे ददाति
nānārṣeyāya viduṣe dadāti
nārṣeyāyāviduṣe
ārṣeyāyaiva viduṣe dadāti
- 15
न कण्वकश्यपेभ्यो न ज्ञातये नर्त्विजे प्रसृप्ताय न भीतो न याचमानाय
यां याचमानाय ददात्य् एनं सा दक्षिणा गच्छतीति विज्ञायते
na kaṇvakaśyapebhyo na jñātaye nartvije prasṛptāya na bhīto na yācamānāya
yāṃ yācamānāya dadāty enaṃ sā dakṣiṇā gacchatīti vijñāyate
- 16
ब्राह्मणाय श्रोत्रियायान्तर्वेद्य् आसीनाय दक्षिणां ददाति
brāhmaṇāya śrotriyāyāntarvedy āsīnāya dakṣiṇāṃ dadāti
- 17
अप्य् अब्राह्मणाय विद्याविदे देयम्
apy abrāhmaṇāya vidyāvide deyam

