19 shlokas
- 1
तृणं प्रास्याग्नेर् अनीकम् अप आ विवेशेति स्रुच्यम् आघारम् आघारयति
tṛṇaṃ prāsyāgner anīkam apa ā viveśeti srucyam āghāram āghārayati
- 2
यदि वा पुरा तृणं भवति तस्मिन्न् एव जुहोति
yadi vā purā tṛṇaṃ bhavati tasminn eva juhoti
- 3
बर्हिष्य् एव सर्वा आहुतीर्जुहोति
barhiṣy eva sarvā āhutīrjuhoti
- 4
समानम् आ प्रवरात्
samānam ā pravarāt
- 5
आश्राव्याह तिष्ठ होतर् इति
एतावान्प्रवरः
āśrāvyāha tiṣṭha hotar iti
etāvānpravaraḥ
- 6
नार्षेयं वृणीते न होतारम्
nārṣeyaṃ vṛṇīte na hotāram
- 7
अपबर्हिषश्चतुरः प्रयाजान्यजति
apabarhiṣaścaturaḥ prayājānyajati
- 8
आज्यभागाभ्यां प्रचर्य पुरोडाशस्यादाय वरुणं यजति
ājyabhāgābhyāṃ pracarya puroḍāśasyādāya varuṇaṃ yajati
- 9
सर्वं पुरोडाशम् अवदायाग्नीवरुणौ स्विष्टकृतौ यजति
sarvaṃ puroḍāśam avadāyāgnīvaruṇau sviṣṭakṛtau yajati
- 10
ततः संप्रेष्यत्य् अग्नीद् अपः सकृत्संमृड्ढीति
tataḥ saṃpreṣyaty agnīd apaḥ sakṛtsaṃmṛḍḍhīti
- 11
अप एवाग्नीध्रः सकृत्संमार्ष्टि
आपो वाजजितो वाजं वः सस्रुषीर्वाजं जिग्युषीर्वाजिनीर्वाजजितो वाजजित्यायै संमार्ज्म्य् अपो अन्नादीर् अन्नाद्यायेत्य् अपः संमार्ष्टि
apa evāgnīdhraḥ sakṛtsaṃmārṣṭi
āpo vājajito vājaṃ vaḥ sasruṣīrvājaṃ jigyuṣīrvājinīrvājajito vājajityāyai saṃmārjmy apo annādīr annādyāyety apaḥ saṃmārṣṭi
- 12
अपबर्हिषौ द्वाव् अनूयाजौ यजति
apabarhiṣau dvāv anūyājau yajati
- 13
देवौ यजेति पूर्वम् अनूयाजं संप्रेष्यति
यजेत्य् उत्तरम्
devau yajeti pūrvam anūyājaṃ saṃpreṣyati
yajety uttaram
- 14
ऋजीषस्य स्रुचं पूरयित्वाप्सूपमारयति समुद्रे ते हृदयम् अप्स्व् अन्तर् इति
ṛjīṣasya srucaṃ pūrayitvāpsūpamārayati samudre te hṛdayam apsv antar iti
- 15
यत्र यत्र बिन्दुर् इवोच्चरेत्तद्भक्षयेद् अप्सु धौतस्य सोम देव त इति
yatra yatra bindur ivoccarettadbhakṣayed apsu dhautasya soma deva ta iti
- 16
उपस्पृश्यम् एवेत्य् एकेषाम्
upaspṛśyam evety ekeṣām
- 17
अवभृथं संप्रकिरत्य् अवभृथ निचङ्कुणेति
avabhṛthaṃ saṃprakiraty avabhṛtha nicaṅkuṇeti
- 18
अभिप्रगाह्यानुपमक्षन्तौ सहशिरसौ स्नातो यजमानः पत्नी च
abhipragāhyānupamakṣantau sahaśirasau snāto yajamānaḥ patnī ca
- 19
अन्योन्यस्य च पृष्ठे प्रधावेते सुमित्रा न आप ओषधयः सन्त्व् इति
anyonyasya ca pṛṣṭhe pradhāvete sumitrā na āpa oṣadhayaḥ santv iti

