14 shlokas
- 1
आग्नेयं पञ्चकपालम् उदवसानीयं निर्वपत्य् अष्टाकपालं वा
āgneyaṃ pañcakapālam udavasānīyaṃ nirvapaty aṣṭākapālaṃ vā
- 2
पङ्क्त्यौ याज्यानुवाक्ये भवतो यद्य् अष्टाकपालः
गायत्र्यौ यदि पञ्चकपालः
paṅktyau yājyānuvākye bhavato yady aṣṭākapālaḥ
gāyatryau yadi pañcakapālaḥ
- 3
अनड्वान्दक्षिणा
anaḍvāndakṣiṇā
- 4
सिद्धम् इष्टिः संतिष्ठते यदि न त्वरेत
siddham iṣṭiḥ saṃtiṣṭhate yadi na tvareta
- 5
अथ यदि त्वरेत जुह्वां चतुर्गृहीतम् आज्यं गृहीत्वा उरु विष्णो वि क्रमस्वेत्य् आहवनीये जुहुयात्
atha yadi tvareta juhvāṃ caturgṛhītam ājyaṃ gṛhītvā uru viṣṇo vi kramasvety āhavanīye juhuyāt
- 6
यत्तत्र शक्नुयात्तद्दद्यात्
yattatra śaknuyāttaddadyāt
- 7
स यावद्रात्रे चेष्टिः संतिष्ठते तावद्रात्र एव सायम् अग्निहोत्रं जुहुयात्
काल एव प्रातर् अग्निहोत्रम्
sa yāvadrātre ceṣṭiḥ saṃtiṣṭhate tāvadrātra eva sāyam agnihotraṃ juhuyāt
kāla eva prātar agnihotram
- 8
उदयनीयाप्रभृति यज्ञपुच्छम्
udayanīyāprabhṛti yajñapuccham
- 9
सद्यः सुत्या संतिष्ठते
sadyaḥ sutyā saṃtiṣṭhate
- 10
अथ यदि सुत्या यदाग्निहोत्रकालम् अभ्यतीयात्सायम् अग्निहोत्रप्रभृतीन्य् अग्निहोत्राण्य् अतिपन्नानि प्रतिजुहुयात्
न वा प्रतिजुहुयात्
atha yadi sutyā yadāgnihotrakālam abhyatīyātsāyam agnihotraprabhṛtīny agnihotrāṇy atipannāni pratijuhuyāt
na vā pratijuhuyāt
- 11
यो राजा सन्राज्यो वा सोमेन यजते स देवसुवां हवींष्य् अनुनिर्वपति
yo rājā sanrājyo vā somena yajate sa devasuvāṃ havīṃṣy anunirvapati
- 12
तेषां राजसूय एव कल्पो व्याख्यातो ऽन्यत्र हस्तिग्रहणादावेदनान्मुखविमार्जनाद् इति
teṣāṃ rājasūya eva kalpo vyākhyāto 'nyatra hastigrahaṇādāvedanānmukhavimārjanād iti
- 13
वसन्ते वसन्ते ज्योतिष्टोमेन यजेत
तस्य तिस्रो दक्षिणा इति विज्ञायते
vasante vasante jyotiṣṭomena yajeta
tasya tisro dakṣiṇā iti vijñāyate
- 14
संतिष्ठते ज्योतिष्टोमः संतिष्ठते ज्योतिष्टोमः
saṃtiṣṭhate jyotiṣṭomaḥ saṃtiṣṭhate jyotiṣṭomaḥ

