16 shlokas
- 1
ऋतुपात्राभ्यां मरुत्वतीयौ गृह्णाति
अध्वर्युपात्रेण पूर्वं मरुत्वन्तं वृषभं वावृधानम् इति
प्रतिप्रस्थात्रेणोत्तरम् इन्द्र मरुत्व इह पाहि सोमम् इति
ṛtupātrābhyāṃ marutvatīyau gṛhṇāti
adhvaryupātreṇa pūrvaṃ marutvantaṃ vṛṣabhaṃ vāvṛdhānam iti
pratiprasthātreṇottaram indra marutva iha pāhi somam iti
- 2
द्रोणकलशे राजानम् अतिपावयति यावन्तं माध्यंदिनाय सवनायाप्तं मन्यते
droṇakalaśe rājānam atipāvayati yāvantaṃ mādhyaṃdināya savanāyāptaṃ manyate
- 3
समानम् आ पवमानात्
samānam ā pavamānāt
- 4
प्रत्यञ्चः प्रह्वा माध्यंदिनं पवमानं सर्पन्ति त्रैष्टुभः पन्था रुद्रा देवता वृकेणापरिपरेण पथा स्वस्ति रुद्रानशीयेति
वाग् अग्रेगा अग्र एत्व् इति च
pratyañcaḥ prahvā mādhyaṃdinaṃ pavamānaṃ sarpanti traiṣṭubhaḥ panthā rudrā devatā vṛkeṇāparipareṇa pathā svasti rudrānaśīyeti
vāg agregā agra etv iti ca
- 5
उत्तरेण हविर्धाने दक्षिणेन मार्जालीयं परीत्य पूर्वया द्वारा सदः प्रविश्याग्रेण होत्रीयम् अध्वर्युर् अवतिष्ठते
अग्रेण प्रशास्त्रीयम् अतिक्रम्येतरे
uttareṇa havirdhāne dakṣiṇena mārjālīyaṃ parītya pūrvayā dvārā sadaḥ praviśyāgreṇa hotrīyam adhvaryur avatiṣṭhate
agreṇa praśāstrīyam atikramyetare
- 6
माध्यंदिनेन पवमानेन स्तुवते
mādhyaṃdinena pavamānena stuvate
- 7
स्तूयमाने यजमानो ऽन्वारोहं जपति सुपर्णो ऽसि त्रिष्टुप्छन्दा इति
stūyamāne yajamāno 'nvārohaṃ japati suparṇo 'si triṣṭupchandā iti
- 8
समानम् आ संप्रैषात्
samānam ā saṃpraiṣāt
- 9
नात्र पशुं प्रचोदयति
न राजानम् उपतिष्ठते
प्रतिप्रस्थातर्दधिघर्मेणानूदेहीति संप्रैषान्तं नमति
nātra paśuṃ pracodayati
na rājānam upatiṣṭhate
pratiprasthātardadhigharmeṇānūdehīti saṃpraiṣāntaṃ namati
- 10
समानम् आ सवनीयानां निर्वपणात्
samānam ā savanīyānāṃ nirvapaṇāt
- 11
सवनीयान्निर्वप्स्यन्न् आग्नेयं पशुपुरोडाशं निर्वपत्य् अग्निष्टोमे
ऐन्द्राग्नम् उक्थ्ये द्वितीयम्
ऐन्द्रं षोडशिनि तृतीयम्
सारस्वतम् अतिरात्रे चतुर्थम्
savanīyānnirvapsyann āgneyaṃ paśupuroḍāśaṃ nirvapaty agniṣṭome
aindrāgnam ukthye dvitīyam
aindraṃ ṣoḍaśini tṛtīyam
sārasvatam atirātre caturtham
- 12
ततः सवनीयान्निर्वपति
tataḥ savanīyānnirvapati
- 13
एतावन्नाना
नोत्तरयोः सवनयोः पयस्या भवति
etāvannānā
nottarayoḥ savanayoḥ payasyā bhavati
- 14
व्याख्यातं सवनीयानां निर्वपणं बर्हिस्तरणम् अलंकरणं ग्रहावकाशोपस्थानं सर्पणम् इति
vyākhyātaṃ savanīyānāṃ nirvapaṇaṃ barhistaraṇam alaṃkaraṇaṃ grahāvakāśopasthānaṃ sarpaṇam iti
- 15
दधिघर्मेण चरति
dadhigharmeṇa carati
- 16
औदुम्बर्यां स्रुच्याम् आग्नीध्रीये दधि गृह्णाति यावती द्यावापृथिवी महित्वेति
audumbaryāṃ srucyām āgnīdhrīye dadhi gṛhṇāti yāvatī dyāvāpṛthivī mahitveti

