15 shlokas
- 1
यत्ते ग्राव्णा चिछिदुः सोम राजन्न् इत्य् एतेनानुवाकेन
yatte grāvṇā cichiduḥ soma rājann ity etenānuvākena
- 2
तिसृभिर् अभिजुहोतीत्य् एकेषाम्
पञ्चभिर् इत्य् एकेषाम्
सप्तभिर् इत्य् एकेषाम्
tisṛbhir abhijuhotīty ekeṣām
pañcabhir ity ekeṣām
saptabhir ity ekeṣām
- 3
चात्वाले कृष्णाजिनं प्रास्यत्य् अव ते हेडो वरुण नमोभिर् इति
cātvāle kṛṣṇājinaṃ prāsyaty ava te heḍo varuṇa namobhir iti
- 4
अपि वा सहावभृथे ऽवप्लावयेत्
api vā sahāvabhṛthe 'vaplāvayet
- 5
ततः संप्रेष्यति प्रस्तोतः सामानि गायेति
tataḥ saṃpreṣyati prastotaḥ sāmāni gāyeti
- 6
सह पत्न्या त्रिः साम्नो निधनम् उपयन्ति
वेद्यन्ते प्रथमं मध्यदेशे द्वितीयम् उदकान्ते तृतीयम्
saha patnyā triḥ sāmno nidhanam upayanti
vedyante prathamaṃ madhyadeśe dvitīyam udakānte tṛtīyam
- 7
उरुं हि राजा वरुणश्चकारेति वेद्या अभिप्रयान्ति
uruṃ hi rājā varuṇaścakāreti vedyā abhiprayānti
- 8
प्राञ्चो ऽवभृथाः स्थावरा अभ्युपयन्त्य् उदञ्चो वा
प्राञ्चोदञ्च इत्य् एकेषाम्
दक्षिणा इत्य् एकेषाम्
प्रत्यञ्च इत्य् एकेषाम्
prāñco 'vabhṛthāḥ sthāvarā abhyupayanty udañco vā
prāñcodañca ity ekeṣām
dakṣiṇā ity ekeṣām
pratyañca ity ekeṣām
- 9
यां दिशं यन्ति सा प्राची दिक्
yāṃ diśaṃ yanti sā prācī dik
- 10
शतं ते राजन्भिषजः सहस्रम् इत्य् अपः पराख्याय वदन्ति
śataṃ te rājanbhiṣajaḥ sahasram ity apaḥ parākhyāya vadanti
- 11
अभिष्ठितो वरुणस्य पाश इत्य् उदकान्तम् अभितिष्ठन्ते
abhiṣṭhito varuṇasya pāśa ity udakāntam abhitiṣṭhante
- 12
अत्रैके हृदयशूलस्योद्वासनं समामनन्ति
atraike hṛdayaśūlasyodvāsanaṃ samāmananti
- 13
अभिप्रगाह्य तिष्ठन्तो ऽवभृथेन चरन्ति
abhipragāhya tiṣṭhanto 'vabhṛthena caranti
- 14
स्रुवाघारम् आघार्य संप्रेष्यत्य् अग्नीद् अपस्त्रिः संमृड्ढीति
sruvāghāram āghārya saṃpreṣyaty agnīd apastriḥ saṃmṛḍḍhīti
- 15
अप एवाग्नीध्रस्त्रिः संमार्ष्टि
आपो वाजजितो वाजं वः सरिष्यन्तीर्वाजं जेष्यन्तीर्वाजिनीर्वाजजितो वाजजित्यायै संमार्ज्म्य् अपो अन्नादीर् अन्नाद्यायेत्य् अपः संमार्ष्टि
apa evāgnīdhrastriḥ saṃmārṣṭi
āpo vājajito vājaṃ vaḥ sariṣyantīrvājaṃ jeṣyantīrvājinīrvājajito vājajityāyai saṃmārjmy apo annādīr annādyāyety apaḥ saṃmārṣṭi

