23 shlokas
- 1
समयाविषिते सूर्ये हिरण्येन षोडशिनः स्तोत्रम् उपाकरोति
samayāviṣite sūrye hiraṇyena ṣoḍaśinaḥ stotram upākaroti
- 2
पुरस्ताद् अरुणपिशङ्गम् अश्वं धारयन्ति श्यामं वा
purastād aruṇapiśaṅgam aśvaṃ dhārayanti śyāmaṃ vā
- 3
हिरण्येन संप्रदायं स्तुवते
hiraṇyena saṃpradāyaṃ stuvate
- 4
हरिवत्स्तोत्रं हरिवच्छस्त्रं हरिवती याज्या भवति
harivatstotraṃ harivacchastraṃ harivatī yājyā bhavati
- 5
षोडशिनम् उपतिष्ठते
यस्मान्न जातः परो अन्यो अस्ति
य आविवेश भुवनानि विश्वा
प्रजापतिः प्रजया संविदानः
त्रीणि ज्योतींषि सचते स षोडशी
इति
ṣoḍaśinam upatiṣṭhate
yasmānna jātaḥ paro anyo asti
ya āviveśa bhuvanāni viśvā
prajāpatiḥ prajayā saṃvidānaḥ
trīṇi jyotīṃṣi sacate sa ṣoḍaśī
iti
- 6
शस्त्रं व्यत्यासं प्रतिगृणात्य् ओथा मोद इव मदा मोद इवोमथेति
śastraṃ vyatyāsaṃ pratigṛṇāty othā moda iva madā moda ivomatheti
- 7
शस्त्रं प्रतिगीर्यादत्ते ग्रहम् अध्वर्युः
आददते चमसांश्चमसाध्वर्यवः
śastraṃ pratigīryādatte graham adhvaryuḥ
ādadate camasāṃścamasādhvaryavaḥ
- 8
अत्याक्रम्याश्राव्याहोक्थशा यज सोमानाम् इति
atyākramyāśrāvyāhokthaśā yaja somānām iti
- 9
वषट्कृते जुह्वति
vaṣaṭkṛte juhvati
- 10
षोडशिनं जुहोति इन्द्राधिपते ऽधिपतिस्त्वं देवानाम् अस्य् अधिपतिं माम् आयुष्मन्तं वर्चस्वन्तं मनुष्येषु कुर्व् इति
ṣoḍaśinaṃ juhoti indrādhipate 'dhipatistvaṃ devānām asy adhipatiṃ mām āyuṣmantaṃ varcasvantaṃ manuṣyeṣu kurv iti
- 11
यथाचमसं चमसिनो भक्षयन्तीन्द्रश्च सम्राड्वरुणश्च राजा
तौ ते भक्षं चक्रतुर् अग्र एतम्
तयोस्तु भक्षं भक्षयामि
वाग्जुषाणा सोमस्य तृप्यतु
इति
yathācamasaṃ camasino bhakṣayantīndraśca samrāḍvaruṇaśca rājā
tau te bhakṣaṃ cakratur agra etam
tayostu bhakṣaṃ bhakṣayāmi
vāgjuṣāṇā somasya tṛpyatu
iti
- 12
अरुणपिशङ्गो ऽश्वो दक्षिणाश्वतरी वा
aruṇapiśaṅgo 'śvo dakṣiṇāśvatarī vā
- 13
इति वै खलु यदि षोडशी
iti vai khalu yadi ṣoḍaśī
- 14
अथ यद्य् अतिरात्रः षोडशिचमसान् उन्नयंस्त्रयोदशभ्यश्चमसगणेभ्यो राजानम् अतिरेचयति
atha yady atirātraḥ ṣoḍaśicamasān unnayaṃstrayodaśabhyaścamasagaṇebhyo rājānam atirecayati
- 15
इन्द्राय त्वापिशर्वरायेति मुख्यं मुख्यं चमसम् अभिमृशति
indrāya tvāpiśarvarāyeti mukhyaṃ mukhyaṃ camasam abhimṛśati
- 16
होतृचमसान् उन्नयति
hotṛcamasān unnayati
- 17
स्तुतशस्त्रे अत्र भवतः
stutaśastre atra bhavataḥ
- 18
शस्त्रं प्रतिगीर्यादत्ते ग्रहम् अध्वर्युः
आददते चमसांश्चमसाध्वर्यवः
śastraṃ pratigīryādatte graham adhvaryuḥ
ādadate camasāṃścamasādhvaryavaḥ
- 19
अत्याक्रम्याश्राव्याहोक्थशा यज सोमानाम् इति
atyākramyāśrāvyāhokthaśā yaja somānām iti
- 20
वषट्कृते जुह्वति
vaṣaṭkṛte juhvati
- 21
यथाचमसं चमसिनो भक्षयन्ति
yathācamasaṃ camasino bhakṣayanti
- 22
अनुष्टुप्छन्दस इन्द्रपीतस्येति भक्षमन्त्रं नमति
anuṣṭupchandasa indrapītasyeti bhakṣamantraṃ namati
- 23
इति प्रथमचमसगणः
iti prathamacamasagaṇaḥ

