11 shlokas
- 1
तृतीयसवनं व्याख्यास्यामः
tṛtīyasavanaṃ vyākhyāsyāmaḥ
- 2
यदा बहवो ऽन्तर्वेदि स्युर् अथादित्यं गृह्णीयात्
yadā bahavo 'ntarvedi syur athādityaṃ gṛhṇīyāt
- 3
यस्य भ्रातृव्यः सोमेन यजेत यावद् आदित्यं गृह्णीयात्तावद्बहिर्वेदि तिष्ठेत्
yasya bhrātṛvyaḥ somena yajeta yāvad ādityaṃ gṛhṇīyāttāvadbahirvedi tiṣṭhet
- 4
यस्य प्रसृप्तो भ्रातृव्यः स्याद् अन्तर्वेदि सत्य् आदित्यं गृह्णीयात्
yasya prasṛpto bhrātṛvyaḥ syād antarvedi saty ādityaṃ gṛhṇīyāt
- 5
हविर्धानयोर्द्वारे अपिधायादित्यस्थाल्या आदित्यपात्रे तृतीयं गृह्णाति कदा चन स्तरीर् असीत्य् एताभिस्तिसृभिः
havirdhānayordvāre apidhāyādityasthālyā ādityapātre tṛtīyaṃ gṛhṇāti kadā cana starīr asīty etābhistisṛbhiḥ
- 6
सोमम् अग्रे गृह्णात्य् अथ शृतातङ्क्यं दध्य् अथ सोमम्
त्रिष्टुभा मध्यतो दधि गृह्णातीति विज्ञायते
somam agre gṛhṇāty atha śṛtātaṅkyaṃ dadhy atha somam
triṣṭubhā madhyato dadhi gṛhṇātīti vijñāyate
- 7
या दिव्या वृष्टिस्तया त्वा श्रीणामीति दध्नोपरिष्टाद्वृष्टिकामस्य श्रीणीयात्
न मध्यतो दधि गृह्णीयात्
yā divyā vṛṣṭistayā tvā śrīṇāmīti dadhnopariṣṭādvṛṣṭikāmasya śrīṇīyāt
na madhyato dadhi gṛhṇīyāt
- 8
सूदवदादित्यस्थालीम् आयतने सादयित्वोपांशुसवनं ग्रहे ऽवदधाति विवस्व आदित्यैष ते सोमपीथ इति
sūdavadādityasthālīm āyatane sādayitvopāṃśusavanaṃ grahe 'vadadhāti vivasva ādityaiṣa te somapītha iti
- 9
तम् उद्यम्य विज्ञानम् उपैति
यदि ताजग्बिन्दुः प्रस्कन्देद्वर्षुकः पर्जन्यः स्यात्
यदि चिरम् अवर्षुकः
tam udyamya vijñānam upaiti
yadi tājagbinduḥ praskandedvarṣukaḥ parjanyaḥ syāt
yadi ciram avarṣukaḥ
- 10
न सादयित्वा ग्रहम् आदायाध्वर्युस्तिष्ठति सूर्यो मा देवो देवेभ्यः पात्व् इति
na sādayitvā graham ādāyādhvaryustiṣṭhati sūryo mā devo devebhyaḥ pātv iti
- 11
ततः संप्रेष्यत्य् आदित्येभ्यः प्रियेभ्यः प्रियधामभ्यः प्रियव्रतेभ्यो महस्वसरस्य पतिभ्य उरोर् अन्तरिक्षस्याध्यक्षेभ्यो ऽनुब्रूहीति
tataḥ saṃpreṣyaty ādityebhyaḥ priyebhyaḥ priyadhāmabhyaḥ priyavratebhyo mahasvasarasya patibhya uror antarikṣasyādhyakṣebhyo 'nubrūhīti

