13 shlokas
- 1
अपि वा मैत्रावरुणीम् आमिक्षां पशुकामः कुर्वीतानूबन्ध्याया विकल्पार्थाम्
api vā maitrāvaruṇīm āmikṣāṃ paśukāmaḥ kurvītānūbandhyāyā vikalpārthām
- 2
पुरस्तात्त्व् एव केशश्मश्रु वापयते
purastāttv eva keśaśmaśru vāpayate
- 3
अग्रेण हविर्धानम् आसीनो होता यजति
agreṇa havirdhānam āsīno hotā yajati
- 4
देविकाहविर्भिः प्रचर्यामिक्षायै देवतेन प्रचरति
devikāhavirbhiḥ pracaryāmikṣāyai devatena pracarati
- 5
हविराहुतिप्रभृतीडान्ता संतिष्ठते
havirāhutiprabhṛtīḍāntā saṃtiṣṭhate
- 6
तन्त्रम् आमिक्षायै देविकाहविषां च स्विष्टकृदिडम्
tantram āmikṣāyai devikāhaviṣāṃ ca sviṣṭakṛdiḍam
- 7
सदोहविर्धाने प्रथमकृतान्ग्रन्थीन्विस्रस्य हविर्धाने उदीची अभिप्रवर्तयन्ति
sadohavirdhāne prathamakṛtāngranthīnvisrasya havirdhāne udīcī abhipravartayanti
- 8
आहवनीयाद्बर्हिर् उपोषति यत्कुसीदम् अप्रतीत्तं मयीति
āhavanīyādbarhir upoṣati yatkusīdam apratīttaṃ mayīti
- 9
यदि मिश्रम् इव चरेद् अञ्जलिना सक्तून्प्रदाव्ये जुहुयाद्विश्वलोप विश्वदावस्य त्वासञ्जुहोमीति
yadi miśram iva cared añjalinā saktūnpradāvye juhuyādviśvalopa viśvadāvasya tvāsañjuhomīti
- 10
ततो देवता उपतिष्ठते ऽयं नो नभसा पुर इत्य् आहवनीयं प्रदाव्यं वा
स त्वं नो नभसस्पत इति वायुम्
देव संस्फानेत्य् आदित्यम्
tato devatā upatiṣṭhate 'yaṃ no nabhasā pura ity āhavanīyaṃ pradāvyaṃ vā
sa tvaṃ no nabhasaspata iti vāyum
deva saṃsphānety ādityam
- 11
यूपम् उपस्थाय पृथग् अरणीष्व् अग्नीन्समारोपयति प्राजहितं दक्षिणाग्निम्
शालामुखीयं तृतीयं गतश्रीः समारोपयते
yūpam upasthāya pṛthag araṇīṣv agnīnsamāropayati prājahitaṃ dakṣiṇāgnim
śālāmukhīyaṃ tṛtīyaṃ gataśrīḥ samāropayate
- 12
अन्तरेण चात्वालोत्करावतीमोक्षान्जपन्त उदवस्यन्ति यथा दर्शपूर्णमासयोः
antareṇa cātvālotkarāvatīmokṣānjapanta udavasyanti yathā darśapūrṇamāsayoḥ
- 13
प्राञ्च उदवस्यन्त्य् उदञ्चो वा
प्राञ्चोदञ्च इत्येकेषाम्
prāñca udavasyanty udañco vā
prāñcodañca ityekeṣām

