12 shlokas
- 1
सन्नेषु नाराशंसेषूत्तरेण हविर्धान उत्तरेणाग्नीध्रीयम् उत्तरेण सदः परीत्य पूर्वया द्वारा प्राग्वंशं प्रविश्यापरेण शालामुखीयम् उपविश्य जुह्वां चतुर्गृहीतम् आज्यं गृहीत्वा दर्भेण हिरण्यं निष्टर्क्यं बद्ध्वावदधाति
sanneṣu nārāśaṃseṣūttareṇa havirdhāna uttareṇāgnīdhrīyam uttareṇa sadaḥ parītya pūrvayā dvārā prāgvaṃśaṃ praviśyāpareṇa śālāmukhīyam upaviśya juhvāṃ caturgṛhītam ājyaṃ gṛhītvā darbheṇa hiraṇyaṃ niṣṭarkyaṃ baddhvāvadadhāti
- 2
अमात्यानां संह्वानं समन्वारम्भणं संप्रच्छादनम् इति वैसर्जनेषु व्याख्यातम्
amātyānāṃ saṃhvānaṃ samanvārambhaṇaṃ saṃpracchādanam iti vaisarjaneṣu vyākhyātam
- 3
वाससो ऽन्तं स्रुग्दण्ड उपनियम्य जुहोति दाक्षिणानि
vāsaso 'ntaṃ srugdaṇḍa upaniyamya juhoti dākṣiṇāni
- 4
उद् उ त्यम्
चित्रम् इति द्वाभ्यां गार्हपत्ये जुहोति
ud u tyam
citram iti dvābhyāṃ gārhapatye juhoti
- 5
अपरं चतुर्गृहीतं गृहीत्वा
aparaṃ caturgṛhītaṃ gṛhītvā
- 6
दिवं गच्छ सुवः पतेति हिरण्यं हुत्वोद्गृह्णाति
divaṃ gaccha suvaḥ pateti hiraṇyaṃ hutvodgṛhṇāti
- 7
अथैना दक्षिणा दक्षिणेन वेदिम् अवस्थिता भवन्ति गवां द्वादशशतं तिला माषा ओदनो मन्थो ऽजो ऽविर्वासो हिरण्यम् अनो रथो ऽश्वो हस्ती पुरुष इति
एकविंशतिर् इत्य् एकेषाम्
चतुर्विंशतिर् इत्य् एकेषाम्
अपरिमिता इत्य् एकेषाम्
सर्ववेदसम् इत्य् एकेषाम्
athainā dakṣiṇā dakṣiṇena vedim avasthitā bhavanti gavāṃ dvādaśaśataṃ tilā māṣā odano mantho 'jo 'virvāso hiraṇyam ano ratho 'śvo hastī puruṣa iti
ekaviṃśatir ity ekeṣām
caturviṃśatir ity ekeṣām
aparimitā ity ekeṣām
sarvavedasam ity ekeṣām
- 8
हिरण्यं चाज्यं च धारयमाणो यजमानो दक्षिणा अभ्यैति रूपेण वो रूपम् अभ्यैमि वयसा वय इति
hiraṇyaṃ cājyaṃ ca dhārayamāṇo yajamāno dakṣiṇā abhyaiti rūpeṇa vo rūpam abhyaimi vayasā vaya iti
- 9
तुथो वो विश्ववेदा विभजत्व् इति मध्यम् अवक्रामति
tutho vo viśvavedā vibhajatv iti madhyam avakrāmati
- 10
अथैनाः कृष्णाजिनेन व्युत्त्रास्य विभज्य वाविभज्य वात्यानयत्य् अग्रेण प्राग्वंशं जघनेन सदो ऽन्तरेण नेष्टुश्चाग्नीध्रस्य च
athaināḥ kṛṣṇājinena vyuttrāsya vibhajya vāvibhajya vātyānayaty agreṇa prāgvaṃśaṃ jaghanena sado 'ntareṇa neṣṭuścāgnīdhrasya ca
- 11
ता उदीचीर् अन्तरेण चात्वालं चाग्नीध्रं चोत्सृजति
tā udīcīr antareṇa cātvālaṃ cāgnīdhraṃ cotsṛjati
- 12
अत्यायतीष्व् आहवनीयम् अभिमन्त्रयत एतत्ते अग्ने राध एति सोमच्युतम् इति प्रतिपद्य यज्ञस्य पथा सुविता नयन्तीर् इत्य् अन्तेन
atyāyatīṣv āhavanīyam abhimantrayata etatte agne rādha eti somacyutam iti pratipadya yajñasya pathā suvitā nayantīr ity antena

