12 shlokas
- 1
अवभृथम् उपतिष्ठन्ते देवीर् आप एष वो गर्भ इति
avabhṛtham upatiṣṭhante devīr āpa eṣa vo garbha iti
- 2
विचृत्तो वरुणस्य पाश इति यजमानो मेखलां विचृतति
इमं वि ष्यामि वरुणस्य पाशम् इति योक्त्रपाशं पत्नी
vicṛtto varuṇasya pāśa iti yajamāno mekhalāṃ vicṛtati
imaṃ vi ṣyāmi varuṇasya pāśam iti yoktrapāśaṃ patnī
- 3
अत्रैव सर्वाणि दीक्षितव्यञ्जनान्य् उपप्लावयतः
atraiva sarvāṇi dīkṣitavyañjanāny upaplāvayataḥ
- 4
अहतौ वसानाव् अवभृथाद् उदेतः
ahatau vasānāv avabhṛthād udetaḥ
- 5
सोमोपनहनं यजमानः परिधत्ते
सोमपरिश्रयणं पत्नी
somopanahanaṃ yajamānaḥ paridhatte
somapariśrayaṇaṃ patnī
- 6
ते उदवसानीयायाम् अध्वर्यवे दत्तः
te udavasānīyāyām adhvaryave dattaḥ
- 7
तत उन्नेतारं संप्रेष्यत्य् उन्नेतर्वसीयो न उन्नयाभि
उद् उत्ते मधुमत्तमा गिरः स्तोमास ईरते
सत्राजितो धनसा अक्षितोतयो वाजयन्तो रथा इव
कण्वा इव भृगवः सूर्या इव विश्वम् इद्धीतम् आनशुः
इति
tata unnetāraṃ saṃpreṣyaty unnetarvasīyo na unnayābhi
ud utte madhumattamā giraḥ stomāsa īrate
satrājito dhanasā akṣitotayo vājayanto rathā iva
kaṇvā iva bhṛgavaḥ sūryā iva viśvam iddhītam ānaśuḥ
iti
- 8
उन्नेता होतृप्रथमान्यजमानप्रथमान्वोन्नयति
उदेत प्रजाम् उत वर्चो दधाना युष्मान्राय उत यज्ञा असृक्षत
गायत्रं छन्दो ऽनुसंरभध्वम् अथास्या अथ सुरभयो गृहेषु
इति
unnetā hotṛprathamānyajamānaprathamānvonnayati
udeta prajām uta varco dadhānā yuṣmānrāya uta yajñā asṛkṣata
gāyatraṃ chando 'nusaṃrabhadhvam athāsyā atha surabhayo gṛheṣu
iti
- 9
उद्गाहमाना उदकान्तं प्रत्यस्यन्ति प्रतियुतो वरुणस्य पाश इति
udgāhamānā udakāntaṃ pratyasyanti pratiyuto varuṇasya pāśa iti
- 10
समिधः कृत्वाप्रतीक्षम् आयन्त्य् उन्नेतारं पुरस्कृत्य महीयां जपन्तो ऽपाम सोमम् अमृता अभूमेत्य् एताम्
यान्य् अपामित्यान्य् अप्रतीत्तान्य् अस्मि यमस्य बलिना चरामि
इहैव सन्तः प्रति तद्यातयामो जीवा जीवेभ्यो निहराम एनत्
अनृणा अस्मिन्न् अनृणाः परस्मिंस्तृतीये लोके अनृणाः स्याम
ये देवयाना उत पितृयाणाः सर्वान्पथो अनृणा आक्षीयेम
इति
samidhaḥ kṛtvāpratīkṣam āyanty unnetāraṃ puraskṛtya mahīyāṃ japanto 'pāma somam amṛtā abhūmety etām
yāny apāmityāny apratīttāny asmi yamasya balinā carāmi
ihaiva santaḥ prati tadyātayāmo jīvā jīvebhyo niharāma enat
anṛṇā asminn anṛṇāḥ parasmiṃstṛtīye loke anṛṇāḥ syāma
ye devayānā uta pitṛyāṇāḥ sarvānpatho anṛṇā ākṣīyema
iti
- 11
एधो ऽस्य् एधिषीमहीत्य् आहवनीये समिध आधायोपतिष्ठन्ते ऽपो अन्वचारिषम् इति
edho 'sy edhiṣīmahīty āhavanīye samidha ādhāyopatiṣṭhante 'po anvacāriṣam iti
- 12
एवं पत्नी गार्हपत्ये ऽभ्याधायोपतिष्ठते
evaṃ patnī gārhapatye 'bhyādhāyopatiṣṭhate

