15 shlokas
- 1
तत्र चत्वारि स्तोत्राणि चत्वारि शस्त्राण्य् आश्विनानि च सयाज्यान्य् आम्नातानि भवन्ति
tatra catvāri stotrāṇi catvāri śastrāṇy āśvināni ca sayājyāny āmnātāni bhavanti
- 2
तेषां संधिचमसैर् एव कल्पो व्याख्यातः
teṣāṃ saṃdhicamasair eva kalpo vyākhyātaḥ
- 3
एतावन्नाना
होतृचमसमुख्यः प्रथमश्चमसगणो मैत्रावरुणचमसमुख्यो द्वितीयो ब्राह्मणाच्छंसिचमसमुख्यस्तृतीयो ऽछावाकचमसमुख्यश्चतुर्थः
etāvannānā
hotṛcamasamukhyaḥ prathamaścamasagaṇo maitrāvaruṇacamasamukhyo dvitīyo brāhmaṇācchaṃsicamasamukhyastṛtīyo 'chāvākacamasamukhyaścaturthaḥ
- 4
एतेन शस्त्रयाज्यानाम् आनुपूर्व्यं व्याख्यातम्
etena śastrayājyānām ānupūrvyaṃ vyākhyātam
- 5
उक्थं वाचीन्द्रायेत्याह तृतीयसवनं प्रतिगीर्य
ukthaṃ vācīndrāyetyāha tṛtīyasavanaṃ pratigīrya
- 6
अतिछन्दसो ऽश्विपीतस्येति भक्षमन्त्रं नमति
atichandaso 'śvipītasyeti bhakṣamantraṃ namati
- 7
ततः संप्रेष्यत्य् अग्नीद् औपयजान् अङ्गारान् आहरेति
tataḥ saṃpreṣyaty agnīd aupayajān aṅgārān āhareti
- 8
समानम् आ परिधीनां प्रहरणात्
samānam ā paridhīnāṃ praharaṇāt
- 9
प्रहृत्य परिधीन् उन्नेता हारियोजनं गृह्णाति
prahṛtya paridhīn unnetā hāriyojanaṃ gṛhṇāti
- 10
द्रोणकलशेनाग्रयणं ग्रहीष्यन्संप्रेष्यतीन्द्राय हरिवते धानासोमानाम् अनुब्रूहीति
droṇakalaśenāgrayaṇaṃ grahīṣyansaṃpreṣyatīndrāya harivate dhānāsomānām anubrūhīti
- 11
गृह्णात्य् उपयामगृहीतो ऽसि हरिर् असि हारियोजन इति
gṛhṇāty upayāmagṛhīto 'si harir asi hāriyojana iti
- 12
बह्वीभिर्धानाभिः श्रीत्वात्याक्रम्याश्राव्याहेन्द्राय हरिवते धानासोमान्प्रस्थितान्प्रेष्येति
bahvībhirdhānābhiḥ śrītvātyākramyāśrāvyāhendrāya harivate dhānāsomānprasthitānpreṣyeti
- 13
वषट्कृते शीर्षन्न् अधिनिधाय विक्रम्य जुहोति हरी स्थ हर्योर्धानाः सहसोमा इन्द्राय स्वाहेति
vaṣaṭkṛte śīrṣann adhinidhāya vikramya juhoti harī stha haryordhānāḥ sahasomā indrāya svāheti
- 14
हुतं यजमानो ऽनुमन्त्रयते यन्म आत्मनो मिन्दाभूत्
पुनर् अग्निर् इति द्वाभ्याम्
hutaṃ yajamāno 'numantrayate yanma ātmano mindābhūt
punar agnir iti dvābhyām
- 15
अथैनं सर्वं ऋत्विज उन्नेतर्य् उपहवम् इष्ट्वासंभिन्दन्तो धाना निम्नानि कुर्वन्तश्चिश्चिषाकारं भक्षयन्तीष्टयजुषस्ते देव सोमेति
athainaṃ sarvaṃ ṛtvija unnetary upahavam iṣṭvāsaṃbhindanto dhānā nimnāni kurvantaściściṣākāraṃ bhakṣayantīṣṭayajuṣaste deva someti

