53 shlokas
- 1
पराशर उवाच
अनमित्रस्य पुत्रः शिनिर्नामाभवत्
parāśara uvāca
anamitrasya putraḥ śinirnāmābhavat
- 2
तस्यापि सत्यकः सत्यकात्सात्यकिर्युयुधानापरनामा
tasyāpi satyakaḥ satyakātsātyakiryuyudhānāparanāmā
- 3
तस्माद् अपि सञ्जयः तत्पुत्रश्च कुणिः कुणेर्युगन्धरः
tasmād api sañjayaḥ tatputraśca kuṇiḥ kuṇeryugandharaḥ
- 4
इत्येते शैनेयाः
ityete śaineyāḥ
- 5
अनमित्रस्यान्वये वृष्णिः तस्मात्श्वफल्कः तत्प्रभावः कथित एव
anamitrasyānvaye vṛṣṇiḥ tasmātśvaphalkaḥ tatprabhāvaḥ kathita eva
- 6
श्वफल्कस्यान्यः कनीयांश्चित्रको नाम भ्राता
śvaphalkasyānyaḥ kanīyāṃścitrako nāma bhrātā
- 7
श्वफल्काद् अक्रूरो गान्दिन्याम् अभवत्
śvaphalkād akrūro gāndinyām abhavat
- 8
तथोपमद्गुः
tathopamadguḥ
- 9
उपमद्गोर्मृदामृदविश्वारिमेजयगिरिक्षत्रोपक्षत्रशतघ्नारिमर्दनधर्मदृग्दृष्टधर्मगन्धमोजवाहप्रतिवाहाख्याः पुत्राः सुताराख्या कन्या च
upamadgormṛdāmṛdaviśvārimejayagirikṣatropakṣatraśataghnārimardanadharmadṛgdṛṣṭadharmagandhamojavāhaprativāhākhyāḥ putrāḥ sutārākhyā kanyā ca
- 10
देववान् उपदेवश्चाक्रूरपुत्रौ
devavān upadevaścākrūraputrau
- 11
पृथुविपृथुप्रमुखाश्चित्रकस्य पुत्रा बहवो बभूवुः
pṛthuvipṛthupramukhāścitrakasya putrā bahavo babhūvuḥ
- 12
कुकुरभजमानशुचिकम्बलबर्हिषाख्यास्तथान्धकस्य चत्वारः पुत्राः
kukurabhajamānaśucikambalabarhiṣākhyāstathāndhakasya catvāraḥ putrāḥ
- 13
कुकुराद्धृष्टः तस्माच्च कपोतरोमा ततश्च विलोमा तस्माद् अपि तुम्बुरुसखो ऽभवद् अनुसंज्ञश्च
kukurāddhṛṣṭaḥ tasmācca kapotaromā tataśca vilomā tasmād api tumburusakho 'bhavad anusaṃjñaśca
- 14
अनोर् आनकदुन्दुभिः ततश्चाभिजित् अभिजितः पुनर्वसुः
anor ānakadundubhiḥ tataścābhijit abhijitaḥ punarvasuḥ
- 15
तस्याप्य् आहुकः आहुकी च कन्या
tasyāpy āhukaḥ āhukī ca kanyā
- 16
आहुकस्य देवकोग्रसेनौ द्वौ पुत्रौ
āhukasya devakograsenau dvau putrau
- 17
देववान् उपदेवः सहदेवो देवरक्षिता च देवकस्य चत्वारः पुत्राः
devavān upadevaḥ sahadevo devarakṣitā ca devakasya catvāraḥ putrāḥ
- 18
तेषां वृकदेवोपदेवा देवरक्षिता श्रीदेवा शान्तिदेवा सहदेवा देवकी च सप्त भगिन्यः
teṣāṃ vṛkadevopadevā devarakṣitā śrīdevā śāntidevā sahadevā devakī ca sapta bhaginyaḥ
- 19
ताश्च सर्वा वसुदेव उपयेमे
tāśca sarvā vasudeva upayeme
- 20
उग्रसेनस्यापि कंसन्यग्रोधसुनामानकाह्वशङ्कुसुभूमिराष्ट्रपालयुद्धतुष्टिसुतुष्टिमत्संज्ञाः पुत्रा बभूवुः
ugrasenasyāpi kaṃsanyagrodhasunāmānakāhvaśaṅkusubhūmirāṣṭrapālayuddhatuṣṭisutuṣṭimatsaṃjñāḥ putrā babhūvuḥ
- 21
कंसाकंसवतीसुतनूराष्ट्रपालिकाह्वाश्च उग्रसेनस्य तनूजाः कन्याः
kaṃsākaṃsavatīsutanūrāṣṭrapālikāhvāśca ugrasenasya tanūjāḥ kanyāḥ
- 22
भजमानाच्च विदूरथः पुत्रो ऽभवत्
bhajamānācca vidūrathaḥ putro 'bhavat
- 23
विदूरथाच्छूरः शूराच्छमी शमिनः प्रतिक्षत्रः तस्मात्स्वयम्भोजः ततश्च हृदिकः
vidūrathācchūraḥ śūrācchamī śaminaḥ pratikṣatraḥ tasmātsvayambhojaḥ tataśca hṛdikaḥ
- 24
तस्यापि कृतवर्मशतधनुर्देवार्हदेवगर्भाद्याः पुत्रा बभूवुः
tasyāpi kṛtavarmaśatadhanurdevārhadevagarbhādyāḥ putrā babhūvuḥ
- 25
देवगर्भस्यापि शूरः
devagarbhasyāpi śūraḥ
- 26
शूरस्यापि मारिषा नाम पत्न्य् अभवत्
śūrasyāpi māriṣā nāma patny abhavat
- 27
तस्यां चासौ दश पुत्रान् अजनयद्वसुदेवपूर्वान्
tasyāṃ cāsau daśa putrān ajanayadvasudevapūrvān
- 28
वसुदेवस्य जातमात्रस्यैव तद्गृहे भगवदंशावतारम् अव्याहतदृष्ट्या पश्यद्भिर्देवैर्दिव्यानकदुन्दुभयो वादिताः
vasudevasya jātamātrasyaiva tadgṛhe bhagavadaṃśāvatāram avyāhatadṛṣṭyā paśyadbhirdevairdivyānakadundubhayo vāditāḥ
- 29
ततश्चासाव् आनकदुन्दुभिसंज्ञाम् अवाप
tataścāsāv ānakadundubhisaṃjñām avāpa
- 30
तस्य च देवभागदेवश्रवाष्टकककुच्चक्रवत्सधारकसृञ्जयश्यामशमिकगण्डूषसंज्ञा नव भ्रातरो ऽभवन्
tasya ca devabhāgadevaśravāṣṭakakakuccakravatsadhārakasṛñjayaśyāmaśamikagaṇḍūṣasaṃjñā nava bhrātaro 'bhavan

