17 shlokas
- 1
यद् अमित्रा अश्वं विन्देरन्हन्येतास्य यज्ञः
yad amitrā aśvaṃ vinderanhanyetāsya yajñaḥ
- 2
अथान्यम् आनीय प्रोक्षेयुः
athānyam ānīya prokṣeyuḥ
- 3
एतस्य संवत्सरस्य योत्तमामावास्या तस्याम् उखां संभरति
etasya saṃvatsarasya yottamāmāvāsyā tasyām ukhāṃ saṃbharati
- 4
त्रैधातवीया दीक्षणीया
traidhātavīyā dīkṣaṇīyā
- 5
आकूत्यै प्रयुजे ऽग्नये स्वाहेति चत्वार्य् औद्ग्रहणानि जुहोति
ākūtyai prayuje 'gnaye svāheti catvāry audgrahaṇāni juhoti
- 6
स्वाहाधिम् आधीताय स्वाहेति त्रीणि वैश्वदेवानि
svāhādhim ādhītāya svāheti trīṇi vaiśvadevāni
- 7
सो ऽयं दीक्षाहुतिकालो विवृद्धः
so 'yaṃ dīkṣāhutikālo vivṛddhaḥ
- 8
सप्ताहम् अन्वहम् औद्ग्रहणैर्वैश्वदेवैश्चोत्तरैः प्रचरति
saptāham anvaham audgrahaṇairvaiśvadevaiścottaraiḥ pracarati
- 9
षड् उत्तमे ऽहन्य् औद्ग्रहणानि जुहोति
सर्वस्मै स्वाहेति पूर्णाहुतिम् उत्तमाम्
ṣaḍ uttame 'hany audgrahaṇāni juhoti
sarvasmai svāheti pūrṇāhutim uttamām
- 10
षडहम् आग्नावैष्णवेन प्रचरति
ṣaḍaham āgnāvaiṣṇavena pracarati
- 11
सप्तम्याम् आग्निक्या त्रिहविषेति वाजसनेयकम्
saptamyām āgnikyā trihaviṣeti vājasaneyakam
- 12
भुवो देवानां कर्मणेत्य् ऋतुदीक्षाभिः कृष्णाजिनम् आरोहन्तम् अभिमन्त्रयते
bhuvo devānāṃ karmaṇety ṛtudīkṣābhiḥ kṛṣṇājinam ārohantam abhimantrayate
- 13
आ ब्रह्मन्ब्राह्मणो ब्रह्मवर्चसी जायतां जज्ञि बीजम् इति जातम् उख्यम् उपतिष्ठते
ā brahmanbrāhmaṇo brahmavarcasī jāyatāṃ jajñi bījam iti jātam ukhyam upatiṣṭhate
- 14
विसृष्टवाचि यजमाने संप्रेष्यति वीणागणकिनो देवैर् इमं यजमानं संगायतेति
visṛṣṭavāci yajamāne saṃpreṣyati vīṇāgaṇakino devair imaṃ yajamānaṃ saṃgāyateti
- 15
एवं सदौपवसथात्
evaṃ sadaupavasathāt
- 16
प्रजापतिना सुत्यास्व् अवभृथोदयनीयानुबन्ध्योदवसानीयास्व् इति
prajāpatinā sutyāsv avabhṛthodayanīyānubandhyodavasānīyāsv iti
- 17
देवैर् अन्ततः
devair antataḥ

