19 shlokas
- 1
ब्राह्मणा राजानश्चायं वो ऽध्वर्यू राजा
या ममापचितिः सा व एतस्मिन्
यद्व एष करोति तद्वः कृतम् असद् इति
brāhmaṇā rājānaścāyaṃ vo 'dhvaryū rājā
yā mamāpacitiḥ sā va etasmin
yadva eṣa karoti tadvaḥ kṛtam asad iti
- 2
यावद्यज्ञम् अध्वर्यू राजा भवति
yāvadyajñam adhvaryū rājā bhavati
- 3
देवस्य त्वा सवितुः प्रसव इति रशनाम् आदायेमाम् अगृभ्णन्रशनाम् ऋतस्येत्य् अभिमन्त्र्य ब्रह्मन्न् अश्वं मेध्यं भन्त्स्यामि देवेभ्यो मेधाय प्रजापतये तेन राध्यासम् इति ब्रह्माणम् आमन्त्रयते
devasya tvā savituḥ prasava iti raśanām ādāyemām agṛbhṇanraśanām ṛtasyety abhimantrya brahmann aśvaṃ medhyaṃ bhantsyāmi devebhyo medhāya prajāpataye tena rādhyāsam iti brahmāṇam āmantrayate
- 4
तं बधान देवेभ्यो मेधाय प्रजापतये तेन राध्नुहीति प्रत्याह
taṃ badhāna devebhyo medhāya prajāpataye tena rādhnuhīti pratyāha
- 5
अभिधा असीत्य् अश्वम् अभिदधाति
abhidhā asīty aśvam abhidadhāti
- 6
आनयन्ति श्वानं चतुरक्षं विष्वग्बन्धेन बद्धम्
ānayanti śvānaṃ caturakṣaṃ viṣvagbandhena baddham
- 7
पितुर् अनुजायाः पुत्रः पुरस्तान्नयति
मातुर् अनुजायाः पुत्रः पश्चात्
pitur anujāyāḥ putraḥ purastānnayati
mātur anujāyāḥ putraḥ paścāt
- 8
सैध्रकं मुसलम्
saidhrakaṃ musalam
- 9
पौंश्चलेयः पेशसा जानु वेष्टयित्वा पश्चाद् अन्वेति
pauṃścaleyaḥ peśasā jānu veṣṭayitvā paścād anveti
- 10
अपो ऽश्वम् अभ्यवगाहयन्ति श्वानं च
apo 'śvam abhyavagāhayanti śvānaṃ ca
- 11
यत्र शुनो ऽप्रतिष्ठा तद् अध्वर्युः प्रसौति जहीति
yatra śuno 'pratiṣṭhā tad adhvaryuḥ prasauti jahīti
- 12
यो अर्वन्तम् इति सैध्रकेण मुसलेन पौंश्चलेयः शुनः प्रहन्ति
yo arvantam iti saidhrakeṇa musalena pauṃścaleyaḥ śunaḥ prahanti
- 13
तम् अश्वस्याधस्पदम् उपास्यति परो मर्तः पर श्वेति
tam aśvasyādhaspadam upāsyati paro martaḥ para śveti
- 14
दक्षिणापप्लाव्याहं च त्वं च वृत्रहन्न् इति ब्रह्मा यजमानस्य हस्तं गृह्णाति
dakṣiṇāpaplāvyāhaṃ ca tvaṃ ca vṛtrahann iti brahmā yajamānasya hastaṃ gṛhṇāti
- 15
अभि क्रत्वेन्द्र भूर् अध ज्मन्न् इत्य् अध्वर्युर्यजमानं वाचयति
abhi kratvendra bhūr adha jmann ity adhvaryuryajamānaṃ vācayati
- 16
आहरन्त्य् ऐषीकम् उदूहं वरत्रया विबद्धम्
āharanty aiṣīkam udūhaṃ varatrayā vibaddham
- 17
तस्मिन्न् आर्द्रा वेतसशाखोपसंबद्धा भवति
tasminn ārdrā vetasaśākhopasaṃbaddhā bhavati
- 18
तं द्वे शते दक्षिणतो धारयतः
द्वे उत्तरतः
taṃ dve śate dakṣiṇato dhārayataḥ
dve uttarataḥ
- 19
तेनाश्वं पुरस्तात्प्रत्यञ्चम् अभ्युदूहन्ति
tenāśvaṃ purastātpratyañcam abhyudūhanti

