17 shlokas
- 1
आक्रान्वाजी क्रमैर् अत्यक्रमीद्वाजी द्यौस्ते पृष्ठम् इत्य् अश्वम् अभिमन्त्र्य यथोपाकृतं नियुज्य प्रोक्ष्योपपाययति
ākrānvājī kramair atyakramīdvājī dyauste pṛṣṭham ity aśvam abhimantrya yathopākṛtaṃ niyujya prokṣyopapāyayati
- 2
यद्य् उपपाय्यमानो न पिबेद् अग्निः पशुर् आसीद् इत्य् उपपाययेत्
yady upapāyyamāno na pibed agniḥ paśur āsīd ity upapāyayet
- 3
समिद्धो अञ्जन्कृदरं मतीनाम् इत्य् अश्वस्याप्रियो भवन्ति
samiddho añjankṛdaraṃ matīnām ity aśvasyāpriyo bhavanti
- 4
मेषस्त्वा पचतैर् अवत्व् इति पर्यग्नौ क्रियमाणे ऽपाव्यानि जुहोति
meṣastvā pacatair avatv iti paryagnau kriyamāṇe 'pāvyāni juhoti
- 5
पर्यग्निकृतान् आरण्यान् उत्सृजन्ति
paryagnikṛtān āraṇyān utsṛjanti
- 6
वडबे पुरुषी च
vaḍabe puruṣī ca
- 7
अजः पुरो नीयते ऽश्वस्य
ajaḥ puro nīyate 'śvasya
- 8
वेतसशाखायां तार्प्यं कृत्त्यधीवासं हिरण्यकशिपु चास्तीर्य सौवर्णं रुक्मम् उपरिष्टात्कृत्वा तस्मिन्न् अश्वतूपरगोमृगान्निघ्नन्ति
प्लक्षशाखास्व् इतरान्पशून्
vetasaśākhāyāṃ tārpyaṃ kṛttyadhīvāsaṃ hiraṇyakaśipu cāstīrya sauvarṇaṃ rukmam upariṣṭātkṛtvā tasminn aśvatūparagomṛgānnighnanti
plakṣaśākhāsv itarānpaśūn
- 9
श्यामूलेन क्षौमेण वाश्वं संज्ञपयन्ति
स्पन्द्याभिर् इतरान्पशून्
śyāmūlena kṣaumeṇa vāśvaṃ saṃjñapayanti
spandyābhir itarānpaśūn
- 10
प्राणाय स्वाहा व्यानाय स्वाहेति संज्ञप्यमाने पशाव् आहुती जुहोति
संज्ञप्ते वा
prāṇāya svāhā vyānāya svāheti saṃjñapyamāne paśāv āhutī juhoti
saṃjñapte vā
- 11
यामेन साम्ना प्रस्तोतानूपतिष्ठते
yāmena sāmnā prastotānūpatiṣṭhate
- 12
अम्बे अम्बाल्य् अम्बिक इति प्रतिप्रस्थाता पत्नीर् उदानयति
ambe ambāly ambika iti pratiprasthātā patnīr udānayati
- 13
ता दक्षिणान्केशपक्षान् उद्ग्रथ्य सव्यान्प्रस्रस्य दक्षिणान् ऊरून् आघ्नानाः सिग्भिर् अभिधून्वत्यस्त्रिः प्रदक्षिणम् अश्वं परियन्त्य् अवन्ती स्थेति
tā dakṣiṇānkeśapakṣān udgrathya savyānprasrasya dakṣiṇān ūrūn āghnānāḥ sigbhir abhidhūnvatyastriḥ pradakṣiṇam aśvaṃ pariyanty avantī stheti
- 14
सव्यान् उद्ग्रथ्य दक्षिणान्प्रस्रस्य सव्यान् ऊरून् आघ्नाना अनभिधून्वत्यस्त्रिः प्रतिपरियन्ति
savyān udgrathya dakṣiṇānprasrasya savyān ūrūn āghnānā anabhidhūnvatyastriḥ pratipariyanti
- 15
प्रदक्षिणम् अन्ततो यथा पुरस्तात्
pradakṣiṇam antato yathā purastāt
- 16
नवकृत्वः सम्पादयन्ति
navakṛtvaḥ sampādayanti
- 17
अम्बे अम्बाल्य् अम्बिक इति महिष्य् अश्वम् उपसंविश्य
ambe ambāly ambika iti mahiṣy aśvam upasaṃviśya

