15 shlokas
- 1
गणानां त्वा गणपतिं हवामह इत्य् अभिमन्त्र्याहं स्यां त्वं स्याः सुरायाः कुलजः स्यात्तत्रेमांश्चतुरः पदो व्यतिषज्य शयावहा इति पदो व्यतिषजते
gaṇānāṃ tvā gaṇapatiṃ havāmaha ity abhimantryāhaṃ syāṃ tvaṃ syāḥ surāyāḥ kulajaḥ syāttatremāṃścaturaḥ pado vyatiṣajya śayāvahā iti pado vyatiṣajate
- 2
तौ सह चतुरः पदः सम्प्रसारयावहा इति पदः सम्प्रसारयते
tau saha caturaḥ padaḥ samprasārayāvahā iti padaḥ samprasārayate
- 3
सुभगे काम्पीलवासिनीति क्षौमेण वाससाध्वर्युर्महिषीम् अश्वं च प्रच्छाद्य वृषा वाम् इत्य् अभिमन्त्रयते
subhage kāmpīlavāsinīti kṣaumeṇa vāsasādhvaryurmahiṣīm aśvaṃ ca pracchādya vṛṣā vām ity abhimantrayate
- 4
उत्सक्थ्योर्गृदं धेहीति प्रजननेन प्रजननं संधायाम्बे अम्बाल्य् अम्बिक इति महिष्य् अश्वं गर्हते
utsakthyorgṛdaṃ dhehīti prajananena prajananaṃ saṃdhāyāmbe ambāly ambika iti mahiṣy aśvaṃ garhate
- 5
ऊर्ध्वाम् एनाम् उच्छ्रयताद् इति पत्नयो ऽभिमेधन्ते
ūrdhvām enām ucchrayatād iti patnayo 'bhimedhante
- 6
त्रिर्महिषी गर्हते
त्रिः पत्नयो ऽभिमेधन्त उत्तरयोत्तरयर्चा
trirmahiṣī garhate
triḥ patnayo 'bhimedhanta uttarayottarayarcā
- 7
दधिक्राव्णो अकारिषम् इति सर्वाः सुरभिमतीम् ऋचम् अन्ततो जपित्वापोहिष्ठीयाभिर्मार्जयित्वा गायत्री त्रिष्टुब् इति द्वाभ्यां सौवर्णीभिः सूचीभिर्महिष्य् अश्वस्यासिपथान्कल्पयति प्राक्क्रोडात्
एवम् उत्तराभ्यां राजतीभिर्वावाता प्रत्यक्क्रोडात्प्राङ्नाभेः
एवम् उत्तराभ्यां लौहीभिः सीसाभिर्वा परिवृक्ती शेषम्
dadhikrāvṇo akāriṣam iti sarvāḥ surabhimatīm ṛcam antato japitvāpohiṣṭhīyābhirmārjayitvā gāyatrī triṣṭub iti dvābhyāṃ sauvarṇībhiḥ sūcībhirmahiṣy aśvasyāsipathānkalpayati prākkroḍāt
evam uttarābhyāṃ rājatībhirvāvātā pratyakkroḍātprāṅnābheḥ
evam uttarābhyāṃ lauhībhiḥ sīsābhirvā parivṛktī śeṣam
- 8
तूष्णीं तूपरगोमृगयोर् असिपथान्कल्पयन्ति
tūṣṇīṃ tūparagomṛgayor asipathānkalpayanti
- 9
कस्त्वा छ्यति कस्त्वा वि शास्तीत्य् अश्वस्य त्वचम् आछ्यति
kastvā chyati kastvā vi śāstīty aśvasya tvacam āchyati
- 10
चन्द्रं नाम मेदः
तद् उद्धरति
candraṃ nāma medaḥ
tad uddharati
- 11
नाश्वस्य वपा विद्यते
nāśvasya vapā vidyate
- 12
उद्धरतीतरेषाम्
uddharatītareṣām
- 13
कर्णं छित्त्वा त्र्यङ्गेषूपसंनह्यति
karṇaṃ chittvā tryaṅgeṣūpasaṃnahyati
- 14
नाश्वस्य गुदो विद्यते
nāśvasya gudo vidyate
- 15
शृतासु वपासूत्तरत उपरिष्टाद् अग्नेर्वेतसशाखायाम् अश्वतूपरगोमृगाणां वपाः सादयति
śṛtāsu vapāsūttarata upariṣṭād agnervetasaśākhāyām aśvatūparagomṛgāṇāṃ vapāḥ sādayati

