15 shlokas
- 1
पशुकाल उत्तरत उपरिष्टाद् अग्नेर्वैतसे कटे ऽश्वं प्राञ्चं यथाङ्गं चिनोति
paśukāla uttarata upariṣṭād agnervaitase kaṭe 'śvaṃ prāñcaṃ yathāṅgaṃ cinoti
- 2
एवं पुरस्तात्प्रत्यञ्चं तूपरम्
पश्चात्प्राचीनं गोमृगम्
evaṃ purastātpratyañcaṃ tūparam
paścātprācīnaṃ gomṛgam
- 3
दक्षिणतः प्लक्षशाखास्व् इतरान्पशून् आसादयति
dakṣiṇataḥ plakṣaśākhāsv itarānpaśūn āsādayati
- 4
वपावच्चर्या
vapāvaccaryā
- 5
हविष इत्य् अन्तौ नमति
haviṣa ity antau namati
- 6
आक्रान्वाजी क्रमैर् अत्यक्रमीद्वाजी द्यौस्ते पृष्ठम् इति वैतसेन कटेनाश्वतूपरगोमृगान्सर्वहुतान्हुत्वेलुवर्दाय स्वाहा बलिवर्दाय स्वाहेत्य् अश्वम् अभिजुहोति
ākrānvājī kramair atyakramīdvājī dyauste pṛṣṭham iti vaitasena kaṭenāśvatūparagomṛgānsarvahutānhutveluvardāya svāhā balivardāya svāhety aśvam abhijuhoti
- 7
अत्र कटम् अनुप्रहरति
atra kaṭam anupraharati
- 8
ये ऽश्वस्य हुतस्य गन्धम् आजिघ्रन्ति सर्वे ते पुण्यलोका भवन्तीति विज्ञायते
ye 'śvasya hutasya gandham ājighranti sarve te puṇyalokā bhavantīti vijñāyate
- 9
हविषा प्रचर्याज्यम् अवदानं कृत्वा स्तेगान्दंष्ट्राभ्यां मण्डूकाञ्जम्भ्येभिर् इत्य् एतैश्चतुर्दशभिर् अनुवाकैः प्रतिमन्त्रं शरीरहोमाञ्जुहोति
haviṣā pracaryājyam avadānaṃ kṛtvā stegāndaṃṣṭrābhyāṃ maṇḍūkāñjambhyebhir ity etaiścaturdaśabhir anuvākaiḥ pratimantraṃ śarīrahomāñjuhoti
- 10
दिवाकीर्त्यं पञ्चदशम्
अरण्येनुवाक्यं षोडशम्
द्यौस्ते पृष्ठम् इत्य् एतं सप्तदशम् आज्येनैव
divākīrtyaṃ pañcadaśam
araṇyenuvākyaṃ ṣoḍaśam
dyauste pṛṣṭham ity etaṃ saptadaśam ājyenaiva
- 11
यद् अक्रन्दः प्रथमं जायमान इत्य् एतैस्त्रिभिर् अनुवाकैः षट्त्रिंशतम् अश्वस्तोमीयाञ्जुहोति
yad akrandaḥ prathamaṃ jāyamāna ity etaistribhir anuvākaiḥ ṣaṭtriṃśatam aśvastomīyāñjuhoti
- 12
क्रमैर् अत्यक्रमीद् इत्य् एतां षट्त्रिंशीम्
kramair atyakramīd ity etāṃ ṣaṭtriṃśīm
- 13
अष्टादश जुहोतीत्य् एके
aṣṭādaśa juhotīty eke
- 14
इमा नु कं भुवना सीषधेमेति द्विपदाः
imā nu kaṃ bhuvanā sīṣadhemeti dvipadāḥ
- 15
अन्ततो ऽश्वस्य लोहितेन शृतेन स्विष्टकृतं यजति
antato 'śvasya lohitena śṛtena sviṣṭakṛtaṃ yajati

