19 shlokas
- 1
अथैनं प्रतिदिशं प्रोक्षति
athainaṃ pratidiśaṃ prokṣati
- 2
प्रजापतये त्वा जुष्टं प्रोक्षामीति पुरस्तात्प्रत्यङ्तिष्ठन्
prajāpataye tvā juṣṭaṃ prokṣāmīti purastātpratyaṅtiṣṭhan
- 3
इन्द्राग्निभ्यां त्वेति दक्षिणत उदङ्
indrāgnibhyāṃ tveti dakṣiṇata udaṅ
- 4
वायवे त्वेति पश्चात्प्राङ्
vāyave tveti paścātprāṅ
- 5
विश्वेभ्यस्त्वा देवेभ्य इत्य् उत्तरतो दक्षिणा
viśvebhyastvā devebhya ity uttarato dakṣiṇā
- 6
देवेभ्यस्त्वेत्य् अधस्तात्
devebhyastvety adhastāt
- 7
सर्वेभ्यस्त्वा देवेभ्य इत्य् उपरिष्टात्
sarvebhyastvā devebhya ity upariṣṭāt
- 8
पृथिव्यै त्वान्तरिक्षाय त्वा दिवे त्वेति शेषम्
pṛthivyai tvāntarikṣāya tvā dive tveti śeṣam
- 9
विभूर्मात्रा प्रभूः पित्रेत्य् अश्वस्य दक्षिणे कर्णे यजमानम् अश्वनामानि वाचयित्वाग्नये स्वाहा स्वाहेन्द्राग्निभ्याम् इति पूर्वहोमान्हुत्वा भूर् असि भुवे त्वा भव्याय त्वा भविष्यते त्वेत्य् अश्वम् उत्सृज्य देवा आशापाला इति रत्निभ्यः परिददाति
vibhūrmātrā prabhūḥ pitrety aśvasya dakṣiṇe karṇe yajamānam aśvanāmāni vācayitvāgnaye svāhā svāhendrāgnibhyām iti pūrvahomānhutvā bhūr asi bhuve tvā bhavyāya tvā bhaviṣyate tvety aśvam utsṛjya devā āśāpālā iti ratnibhyaḥ paridadāti
- 10
शतं कवचिनो रक्षन्ति
śataṃ kavacino rakṣanti
- 11
अपर्यावर्तयन्तो ऽश्वम् अनुचरन्ति
aparyāvartayanto 'śvam anucaranti
- 12
चतुःशता इत्य् एकेषाम्
catuḥśatā ity ekeṣām
- 13
शतं तल्प्या राजपुत्राः संनद्धाः संनद्धसारथिनः शतम् उग्रा अराजानः संनद्धाः संनद्धसारथिनः शतं वैश्या विपथिनः शतं शूद्रा वरूथिनः
śataṃ talpyā rājaputrāḥ saṃnaddhāḥ saṃnaddhasārathinaḥ śatam ugrā arājānaḥ saṃnaddhāḥ saṃnaddhasārathinaḥ śataṃ vaiśyā vipathinaḥ śataṃ śūdrā varūthinaḥ
- 14
ते ऽश्वस्य गोप्तारो भवन्ति
te 'śvasya goptāro bhavanti
- 15
यद्यद्ब्राह्मणजातम् उपेयुस्तान्पृच्छेयुः कियद्यूयम् अश्वमेधस्य वित्थेति
yadyadbrāhmaṇajātam upeyustānpṛccheyuḥ kiyadyūyam aśvamedhasya vittheti
- 16
यो न विद्यात्तं जित्वा तस्य गृहात्खादं पानं चोपनिवपेयुः
yo na vidyāttaṃ jitvā tasya gṛhātkhādaṃ pānaṃ copanivapeyuḥ
- 17
यद् अब्राह्मणानां कृतान्नं तद् एषाम् अन्नम्
yad abrāhmaṇānāṃ kṛtānnaṃ tad eṣām annam
- 18
रथकारकुले वसतिर्भवति
rathakārakule vasatirbhavati
- 19
इह धृतिः स्वाहेति सायम् अश्वस्य चतुर्षु पत्सु चतस्रो धृतीर्जुहोति
iha dhṛtiḥ svāheti sāyam aśvasya caturṣu patsu catasro dhṛtīrjuhoti

