20 shlokas
- 1
युञ्जन्ति ब्रध्नम् इति दक्षिणस्यां युगधुर्य् एतम् अश्वं युनक्ति
yuñjanti bradhnam iti dakṣiṇasyāṃ yugadhury etam aśvaṃ yunakti
- 2
युञ्जन्त्य् अस्य काम्येति प्रष्टी
yuñjanty asya kāmyeti praṣṭī
- 3
केतुं कृण्वन्न् अकेतव इति रथे ध्वजम् अवगूहति
ketuṃ kṛṇvann aketava iti rathe dhvajam avagūhati
- 4
जीमूतस्येवेति कवचम् अध्यूहते
jīmūtasyeveti kavacam adhyūhate
- 5
धन्वना गा इति धनुर् आदत्ते
dhanvanā gā iti dhanur ādatte
- 6
वक्ष्यन्तीवेति ज्याम् अभिमृशति
vakṣyantīveti jyām abhimṛśati
- 7
ते आचरन्तीति धनोर् आर्त्नी संमृशति
te ācarantīti dhanor ārtnī saṃmṛśati
- 8
बह्वीनां पिता बहुर् अस्य पुत्र इति पृष्ठ इषुधिं निनह्यति
bahvīnāṃ pitā bahur asya putra iti pṛṣṭha iṣudhiṃ ninahyati
- 9
रथे तिष्ठन्नयति वाजिन इति सारथिम् अभिमन्त्रयते
rathe tiṣṭhannayati vājina iti sārathim abhimantrayate
- 10
तीव्रान्घोषान्कृण्वते वृषपाणय इत्य् अश्वान्
tīvrānghoṣānkṛṇvate vṛṣapāṇaya ity aśvān
- 11
स्वादुषंसदः पितरो वयोधा इति तिसृभिः पितॄन् उपतिष्ठते
svāduṣaṃsadaḥ pitaro vayodhā iti tisṛbhiḥ pitṝn upatiṣṭhate
- 12
ऋजीते परि वृङ्ग्धि न इत्य् आत्मानं प्रत्यभिमृश्या जङ्घन्तीत्य् अश्वाजनिम् आदायाहिर् इव भोगैर् इति हस्तघ्नम् अभिमन्त्रयते
ṛjīte pari vṛṅgdhi na ity ātmānaṃ pratyabhimṛśyā jaṅghantīty aśvājanim ādāyāhir iva bhogair iti hastaghnam abhimantrayate
- 13
वनस्पते वीड्वङ्गो हि भूया इति पञ्चभी रथम्
vanaspate vīḍvaṅgo hi bhūyā iti pañcabhī ratham
- 14
आमूर् अज प्रत्यावर्तयेमाः केतुमद् इति दुन्दुभीन्संह्रादयन्ति
āmūr aja pratyāvartayemāḥ ketumad iti dundubhīnsaṃhrādayanti
- 15
आक्रान्वाजी क्रमैर् अत्यक्रमीद्वाजीत्य् उदगुदकान्तम् अभिप्रयाय ये ते पन्थानः सवितर् इत्य् अध्वर्युर्यजमानं वाचयति
ākrānvājī kramair atyakramīdvājīty udagudakāntam abhiprayāya ye te panthānaḥ savitar ity adhvaryuryajamānaṃ vācayati
- 16
स्वयं वाजिन्न् अपो ऽवजिघ्रेत्य् अपो ऽश्वम् अवघ्राप्य यद्वातो अपो अगमद् इति प्रदक्षिणम् आवर्तयति
svayaṃ vājinn apo 'vajighrety apo 'śvam avaghrāpya yadvāto apo agamad iti pradakṣiṇam āvartayati
- 17
यतः प्रयाति तद् अवतिष्ठते
yataḥ prayāti tad avatiṣṭhate
- 18
वि ते मुञ्चामीत्य् एतम् अश्वं विमुच्य रथवाहनं हविर् अस्य नामेति रथवाहने रथम् अत्याधाय द्यौस्ते पृष्ठम् इत्य् अश्वस्य पृष्ठं संमार्ष्टि
vi te muñcāmīty etam aśvaṃ vimucya rathavāhanaṃ havir asya nāmeti rathavāhane ratham atyādhāya dyauste pṛṣṭham ity aśvasya pṛṣṭhaṃ saṃmārṣṭi
- 19
लाजी३ञ्छाची३न्यशो ममा३ं इति पत्नयो ऽश्वायान्नपरिशेषान् उपवपन्ति
lājī3ñchācī3nyaśo mamā3ṃ iti patnayo 'śvāyānnapariśeṣān upavapanti
- 20
ययोपन्युप्तम् अत्ति तस्यै प्रजा राष्ट्रं भवति
yayopanyuptam atti tasyai prajā rāṣṭraṃ bhavati

