10 shlokas
- 1
नमो राज्ञे नमो वरुणायेति यव्यानि
namo rājñe namo varuṇāyeti yavyāni
- 2
मयोभूर्वातो अभि वातूस्रा इति गव्यानि
mayobhūrvāto abhi vātūsrā iti gavyāni
- 3
प्राणाय स्वाहा व्यानाय स्वाहेति संततिहोमान्
prāṇāya svāhā vyānāya svāheti saṃtatihomān
- 4
सिताय स्वाहासिताय स्वाहेति प्रमुक्तीः
sitāya svāhāsitāya svāheti pramuktīḥ
- 5
पृथिव्यै स्वाहान्तरिक्षाय स्वाहेत्य् एतं हुत्वा दत्वते स्वाहादन्तकाय स्वाहेति शरीरहोमान्
pṛthivyai svāhāntarikṣāya svāhety etaṃ hutvā datvate svāhādantakāya svāheti śarīrahomān
- 6
यः प्राणतो य आत्मदा इति महिमानौ
yaḥ prāṇato ya ātmadā iti mahimānau
- 7
आ ब्रह्मन्ब्राह्मणो ब्रह्मवर्चसी जायताम् इति समस्तानि ब्रह्मवर्चसानि
ā brahmanbrāhmaṇo brahmavarcasī jāyatām iti samastāni brahmavarcasāni
- 8
जज्ञि बीजम् इत्य् एतं हुत्वाग्नये समनमत्पृथिव्यै समनमद् इति संनतिहोमान्
jajñi bījam ity etaṃ hutvāgnaye samanamatpṛthivyai samanamad iti saṃnatihomān
- 9
भूताय स्वाहा भविष्यते स्वाहेति भूताभव्यौ होमौ
bhūtāya svāhā bhaviṣyate svāheti bhūtābhavyau homau
- 10
यद् अक्रन्दः प्रथमं जायमान इत्य् अश्वस्तोमीयं हुत्वैकस्मै स्वाहेत्य् एतान् अनुवाकान्पुनःपुनर् अभ्यासं रात्रिशेषं हुत्वोषसे स्वाहेत्य् उषसि
व्युच्छन्त्यै स्वाहेति व्युच्छन्त्यां
व्युष्ट्यै स्वाहेति व्युष्टायाम्
उदेष्यते स्वाहेत्य् उपोदयम्
उद्यते स्वाहेत्य् उद्यति
उदिताय स्वाहा सुवर्गाय स्वाहा लोकाय स्वाहेत्य् उदिते हुत्वा प्रज्ञातान् अन्नपरिशेषान्निदधाति
yad akrandaḥ prathamaṃ jāyamāna ity aśvastomīyaṃ hutvaikasmai svāhety etān anuvākānpunaḥpunar abhyāsaṃ rātriśeṣaṃ hutvoṣase svāhety uṣasi
vyucchantyai svāheti vyucchantyāṃ
vyuṣṭyai svāheti vyuṣṭāyām
udeṣyate svāhety upodayam
udyate svāhety udyati
uditāya svāhā suvargāya svāhā lokāya svāhety udite hutvā prajñātān annapariśeṣānnidadhāti

