17 shlokas
- 1
राजा सार्वभौमो ऽश्वमेधेन यजेत
अप्य् असार्वभौमः
rājā sārvabhaumo 'śvamedhena yajeta
apy asārvabhaumaḥ
- 2
चित्रा नक्षत्रं पुण्यनाम
citrā nakṣatraṃ puṇyanāma
- 3
देवयजनम् अध्यवस्यति यत्रापः पुरस्तात्सुखाः सूपावगाहा अनपस्वरीः
devayajanam adhyavasyati yatrāpaḥ purastātsukhāḥ sūpāvagāhā anapasvarīḥ
- 4
चैत्र्यां पौर्णमास्यां सांग्रहण्येष्ट्या यजते
तस्या योत्तरामावास्या तस्यां संज्ञान्या
caitryāṃ paurṇamāsyāṃ sāṃgrahaṇyeṣṭyā yajate
tasyā yottarāmāvāsyā tasyāṃ saṃjñānyā
- 5
वैशाख्यां पौर्णमास्यां प्राजापत्यम् ऋषभं तूपरं सर्वरूपं सर्वेभ्यः कामेभ्य आलभते
vaiśākhyāṃ paurṇamāsyāṃ prājāpatyam ṛṣabhaṃ tūparaṃ sarvarūpaṃ sarvebhyaḥ kāmebhya ālabhate
- 6
तस्या योत्तरामावास्या तस्याम् अपदातीन्महर्त्विज आवहन्ति
tasyā yottarāmāvāsyā tasyām apadātīnmahartvija āvahanti
- 7
अन्वहम् इतरान् आवहन्त्य् आ सुब्रह्मण्यायाः
anvaham itarān āvahanty ā subrahmaṇyāyāḥ
- 8
अमावास्याम् इष्ट्वा देवयजनम् अभिप्रपद्यते
amāvāsyām iṣṭvā devayajanam abhiprapadyate
- 9
केशश्मश्रु वपते
keśaśmaśru vapate
- 10
नखानि निकृन्तते
nakhāni nikṛntate
- 11
दतो धावते
dato dhāvate
- 12
स्नाति
snāti
- 13
अहतं वासः परिधत्ते
ahataṃ vāsaḥ paridhatte
- 14
वाचं यत्वोपवसति
vācaṃ yatvopavasati
- 15
ये रातयस्ते जागरयन्ति
ye rātayaste jāgarayanti
- 16
वाग्यतस्यैतां रात्रिम् अग्निहोत्रं जुह्वति
vāgyatasyaitāṃ rātrim agnihotraṃ juhvati
- 17
द्रष्ट्रे नम उपद्रष्ट्रे नमो ऽनुद्रष्ट्रे नमः ख्यात्रे नम उपख्यात्रे नमो ऽनुख्यात्रे नमः शृण्वते नम उपशृण्वते नमः सते नमो ऽसते नमो जाताय नमो जनिष्यमाणाय नमो भूताय नमो भविष्यते नमश्चक्षुषे नमः श्रोत्राय नमो मनसे नमो वाचे नमो ब्रह्मणे नमस्तपसे नमः शान्ताय नम इत्य् एकविंशत्या नमस्कारैर् उद्यन्तम् आदित्यम् उपतिष्ठते
draṣṭre nama upadraṣṭre namo 'nudraṣṭre namaḥ khyātre nama upakhyātre namo 'nukhyātre namaḥ śṛṇvate nama upaśṛṇvate namaḥ sate namo 'sate namo jātāya namo janiṣyamāṇāya namo bhūtāya namo bhaviṣyate namaścakṣuṣe namaḥ śrotrāya namo manase namo vāce namo brahmaṇe namastapase namaḥ śāntāya nama ity ekaviṃśatyā namaskārair udyantam ādityam upatiṣṭhate

