14 shlokas
- 1
गोमृगकण्ठेन प्रथमाम् आहुतिं जुहोति
अश्वशफेन द्वितीयाम्
अयस्मयेन कमण्डलुना तृतीयाम्
gomṛgakaṇṭhena prathamām āhutiṃ juhoti
aśvaśaphena dvitīyām
ayasmayena kamaṇḍalunā tṛtīyām
- 2
पत्नीसंयाजान्तम् अहः संतिष्ठते
patnīsaṃyājāntam ahaḥ saṃtiṣṭhate
- 3
श्वो भूते प्रतायते सर्वस्तोमो ऽतिरात्रो बृहत्सामा
śvo bhūte pratāyate sarvastomo 'tirātro bṛhatsāmā
- 4
पशुकाले गव्यान् ऐकादशिनान् आलभन्ते प्राजापत्यान्वैश्वदेवान्वा
प्राजापत्यम् ऋषभं तूपरं सर्वरूपं सर्वेभ्यः कामेभ्यो द्वादशम् उपालम्भ्यम्
paśukāle gavyān aikādaśinān ālabhante prājāpatyānvaiśvadevānvā
prājāpatyam ṛṣabhaṃ tūparaṃ sarvarūpaṃ sarvebhyaḥ kāmebhyo dvādaśam upālambhyam
- 5
समानम् आवभृथात्
samānam āvabhṛthāt
- 6
अवभृथेन प्रचर्यात्रेयं शिपिविष्टं खलतिं विक्लिधं शुक्लं पिङ्गाक्षं तिलकावलम् अवभृथम् अभ्यवनीय तस्य मूर्धञ्जुहोति मृत्यवे स्वाहा भ्रूणहत्यायै स्वाहा जुम्बकाय स्वाहेति तिस्रः
avabhṛthena pracaryātreyaṃ śipiviṣṭaṃ khalatiṃ viklidhaṃ śuklaṃ piṅgākṣaṃ tilakāvalam avabhṛtham abhyavanīya tasya mūrdhañjuhoti mṛtyave svāhā bhrūṇahatyāyai svāhā jumbakāya svāheti tisraḥ
- 7
तस्मै शतम् अनोयुक्तं च ददाति
tasmai śatam anoyuktaṃ ca dadāti
- 8
शते चानोयुक्ते चेत्य् एके
śate cānoyukte cety eke
- 9
सह पुण्यकृतः पापकृतश्च हस्तसंरब्धा ग्रामम् अभ्युदायन्ति
सर्वे ते पुण्यलोका भवन्तीति विज्ञायते
saha puṇyakṛtaḥ pāpakṛtaśca hastasaṃrabdhā grāmam abhyudāyanti
sarve te puṇyalokā bhavantīti vijñāyate
- 10
सौरीर्नव श्वेता वशा अनूबन्ध्या भवन्ति
saurīrnava śvetā vaśā anūbandhyā bhavanti
- 11
अथैकेषाम्
रोहिणीर् ऐन्द्रीः सौरीः श्वेताः शितिपृष्ठा बार्हस्पत्याः
athaikeṣām
rohiṇīr aindrīḥ saurīḥ śvetāḥ śitipṛṣṭhā bārhaspatyāḥ
- 12
अत्र वा द्वंद्विन आलभते
atra vā dvaṃdvina ālabhate
- 13
छगलः कल्माषः किकिदीविर्विदीगय इति ते त्रयस्त्वाष्ट्राः
chagalaḥ kalmāṣaḥ kikidīvirvidīgaya iti te trayastvāṣṭrāḥ
- 14
पात्नीवत आग्नेय ऐन्द्राग्न आश्विनस्ते विशालयूप आलभ्यन्ते
pātnīvata āgneya aindrāgna āśvinaste viśālayūpa ālabhyante

