13 shlokas
- 1
श्वेता आदित्याः
śvetā ādityāḥ
- 2
कृष्णग्रीवा इत्य् उक्तम्
kṛṣṇagrīvā ity uktam
- 3
एता ऐन्द्राग्नाः
बहुरूपा वैश्वदेवाः
प्राशृङ्गाः शुनासीरीयाः
श्वेता वायव्याः
श्वेताः सौर्या इति चातुर्मास्याः पशवः
etā aindrāgnāḥ
bahurūpā vaiśvadevāḥ
prāśṛṅgāḥ śunāsīrīyāḥ
śvetā vāyavyāḥ
śvetāḥ sauryā iti cāturmāsyāḥ paśavaḥ
- 4
द्वयान् ऐकादशिनान् आलभन्ते
प्राकृतान् आश्वमेधिकांश्च
dvayān aikādaśinān ālabhante
prākṛtān āśvamedhikāṃśca
- 5
अग्नये ऽनीकवत इत्य् आश्वमेधिकान्
सोमाय स्वराज्ञ इति द्वंद्विनः
agnaye 'nīkavata ity āśvamedhikān
somāya svarājña iti dvaṃdvinaḥ
- 6
उपाकृताय स्वाहेत्य् उपाकृते जुहोति
आलब्धाय स्वाहेति नियुक्ते
हुताय स्वाहेति हुते
upākṛtāya svāhety upākṛte juhoti
ālabdhāya svāheti niyukte
hutāya svāheti hute
- 7
पत्नयो ऽश्वम् अलंकुर्वन्ति
महिषी वावाता परिवृक्तीति
patnayo 'śvam alaṃkurvanti
mahiṣī vāvātā parivṛktīti
- 8
शतं शतम् एकैकस्याः सचिवाः
राजपुत्रीर्दाराश्चोग्राणाम् अराज्ञां सूतग्रामण्याम् इति
śataṃ śatam ekaikasyāḥ sacivāḥ
rājaputrīrdārāścogrāṇām arājñāṃ sūtagrāmaṇyām iti
- 9
सहस्रं सहस्रं मणयः सुवर्णरजतसामुद्राः
sahasraṃ sahasraṃ maṇayaḥ suvarṇarajatasāmudrāḥ
- 10
वालेषु मणीन् आवयन्ति
भूर् इति सौवर्णान्महिषी प्राग्वहात्
भुव इति राजतान्वावाता प्रत्यग्वहात्प्राक्श्रोणेः
सुवर् इति सामुद्रान्परिवृक्ती प्रत्यक्श्रोणेः
vāleṣu maṇīn āvayanti
bhūr iti sauvarṇānmahiṣī prāgvahāt
bhuva iti rājatānvāvātā pratyagvahātprākśroṇeḥ
suvar iti sāmudrānparivṛktī pratyakśroṇeḥ
- 11
वालेषु कुमार्यः शङ्खमणीन् उपग्रथ्नन्त्य् अप्रस्रंसाय
न वा
vāleṣu kumāryaḥ śaṅkhamaṇīn upagrathnanty aprasraṃsāya
na vā
- 12
अथास्य स्वदेशान् आज्येनाभ्यञ्जन्ति
वसवस्त्वाञ्जन्तु गायत्रेण छन्दसेति गौल्गुलवेन महिषी
रुद्रा इति कासाम्बवेन वावाता
आदित्या इति मौस्तकृतेन परिवृक्ती
athāsya svadeśān ājyenābhyañjanti
vasavastvāñjantu gāyatreṇa chandaseti gaulgulavena mahiṣī
rudrā iti kāsāmbavena vāvātā
ādityā iti maustakṛtena parivṛktī
- 13
गौल्गुलवेन सुरभिर् अश्वो मेधम् उपाकृतः
देवाꣳ उपप्रेष्यन्वाजिन्वर्चोदा लोकजिद्भव
कासाम्बवेन सुरभिर् अश्वो मेधम् उपाकृतः
देवाꣳ उपप्रेष्यन्वाजिन्वर्चोदा लोकजिद्भव
मौस्तकृतेन सुरभिर् अश्वो मेधम् उपाकृतः
देवाꣳ उपप्रेष्यन्वाजिन्वर्चोदा लोकजिद्भवेत्य् एतैश्च प्रतिमन्त्रम्
gaulgulavena surabhir aśvo medham upākṛtaḥ
devām̐ upapreṣyanvājinvarcodā lokajidbhava
kāsāmbavena surabhir aśvo medham upākṛtaḥ
devām̐ upapreṣyanvājinvarcodā lokajidbhava
maustakṛtena surabhir aśvo medham upākṛtaḥ
devām̐ upapreṣyanvājinvarcodā lokajidbhavety etaiśca pratimantram

