6 shlokas
- 1
शतेन राजपुत्रैः सहाध्वर्युः पुरस्तात्प्रत्यङ्तिष्ठन्प्रोक्षत्य् अनेनाश्वेन मेध्येनेष्ट्वायं राजा वृत्रं वध्याद् इति
śatena rājaputraiḥ sahādhvaryuḥ purastātpratyaṅtiṣṭhanprokṣaty anenāśvena medhyeneṣṭvāyaṃ rājā vṛtraṃ vadhyād iti
- 2
शतेनाराजभिर् उग्रैः सह ब्रह्मा दक्षिणत उदङ्तिष्ठन्प्रोक्षत्य् अनेनाश्वेन मेध्येनेष्ट्वायं राजाप्रतिधृष्यो ऽस्त्व् इति
śatenārājabhir ugraiḥ saha brahmā dakṣiṇata udaṅtiṣṭhanprokṣaty anenāśvena medhyeneṣṭvāyaṃ rājāpratidhṛṣyo 'stv iti
- 3
शतेन सूतग्रामणिभिः सह होता पश्चात्प्राङ्तिष्ठन्प्रोक्षत्य् अनेनाश्वेन मेध्येनेष्ट्वायं राजास्यै विशो बहुग्वै बह्वश्वायै बह्वजाविकायै बहुव्रीहियवायै बहुमाषतिलायै बहुहिरण्यायै बहुहस्तिकायै बहुदासपुरुषायै रयिमत्यै पुष्टिमत्यै बहुरायस्पोषायै राजास्त्व् इति
śatena sūtagrāmaṇibhiḥ saha hotā paścātprāṅtiṣṭhanprokṣaty anenāśvena medhyeneṣṭvāyaṃ rājāsyai viśo bahugvai bahvaśvāyai bahvajāvikāyai bahuvrīhiyavāyai bahumāṣatilāyai bahuhiraṇyāyai bahuhastikāyai bahudāsapuruṣāyai rayimatyai puṣṭimatyai bahurāyaspoṣāyai rājāstv iti
- 4
शतेन क्षत्तृसंग्रहीतृभिः सहोद्गातोत्तरतो दक्षिणा तिष्ठन्प्रोक्षत्य् अनेनाश्वेन मेध्येनेष्ट्वायं राजा सर्वम् आयुर् एत्व् इति
śatena kṣattṛsaṃgrahītṛbhiḥ sahodgātottarato dakṣiṇā tiṣṭhanprokṣaty anenāśvena medhyeneṣṭvāyaṃ rājā sarvam āyur etv iti
- 5
अत्रैतम् ऐषीकम् अपप्लाव्यान् उदकम् अश्वम् आक्रमय्यान्तरा स्थानम् आक्रमणं चेदं विष्णुः प्र तद्विष्णुर्दिवो वा विष्णव् इत्य् अश्वस्य पदे तिस्रो वैष्णवीर्हुत्वाश्वस्य स्तोकान् अनुमन्त्रयते ऽग्नये स्वाहा सोमाय स्वाहेति
atraitam aiṣīkam apaplāvyān udakam aśvam ākramayyāntarā sthānam ākramaṇaṃ cedaṃ viṣṇuḥ pra tadviṣṇurdivo vā viṣṇav ity aśvasya pade tisro vaiṣṇavīrhutvāśvasya stokān anumantrayate 'gnaye svāhā somāya svāheti
- 6
शतकृत्व एतम् अनुवाकम् आवर्तयति दशदशसंपातम्
अपरिमितकृत्वो वा
śatakṛtva etam anuvākam āvartayati daśadaśasaṃpātam
aparimitakṛtvo vā

