13 shlokas
- 1
दक्षिणतः प्लक्षशाखास्व् इतरेषां पशूनाम्
dakṣiṇataḥ plakṣaśākhāsv itareṣāṃ paśūnām
- 2
पूर्वौ परिवप्यमहिमानौ हुत्वाश्वतूपरगोमृगाणां वपाः समवदाय संप्रेष्यति
pūrvau parivapyamahimānau hutvāśvatūparagomṛgāṇāṃ vapāḥ samavadāya saṃpreṣyati
- 3
प्रजापतये ऽश्वस्य तूपरस्य गोमृगस्य वपानां मेदसाम् अनुब्रूहि
प्रजापतये ऽश्वस्य तूपरस्य गोमृगस्य वपानां मेदसां प्रेष्येति संप्रैषौ
चन्द्रवपयोर्मेदसाम् अनुब्रूहि चन्द्रवपयोर्मेदसां प्रेष्येति वा
prajāpataye 'śvasya tūparasya gomṛgasya vapānāṃ medasām anubrūhi
prajāpataye 'śvasya tūparasya gomṛgasya vapānāṃ medasāṃ preṣyeti saṃpraiṣau
candravapayormedasām anubrūhi candravapayormedasāṃ preṣyeti vā
- 4
समवदायेतरेषां वपाः संप्रेष्यति
samavadāyetareṣāṃ vapāḥ saṃpreṣyati
- 5
विश्वेभ्यो देवेभ्य उस्राणां छागानां मेषाणां वपानां मेदसाम् अनुब्रूहि
विश्वेभ्यो देवेभ्य उस्राणां छागानां मेषाणां वपानां मेदसां प्रेष्येति संप्रैषौ
viśvebhyo devebhya usrāṇāṃ chāgānāṃ meṣāṇāṃ vapānāṃ medasām anubrūhi
viśvebhyo devebhya usrāṇāṃ chāgānāṃ meṣāṇāṃ vapānāṃ medasāṃ preṣyeti saṃpraiṣau
- 6
उत्तरौ परिवप्यमहिमानौ हुत्वा चात्वाले मार्जयित्वाभितो ऽग्निष्ठं ब्रह्मोद्याय पर्युपविशेते
दक्षिणो ब्रह्मा
उत्तरो होता
uttarau parivapyamahimānau hutvā cātvāle mārjayitvābhito 'gniṣṭhaṃ brahmodyāya paryupaviśete
dakṣiṇo brahmā
uttaro hotā
- 7
किं स्विद् आसीत्पूर्वचित्तिर् इत्य् एतस्यानुवाकस्य पृष्टानि होतुः प्रतिज्ञातानि ब्रह्मणः
kiṃ svid āsītpūrvacittir ity etasyānuvākasya pṛṣṭāni hotuḥ pratijñātāni brahmaṇaḥ
- 8
ब्रह्मण उदञ्चं विजयं संज्ञापयन्ति
brahmaṇa udañcaṃ vijayaṃ saṃjñāpayanti
- 9
प्रजापतये ऽश्वस्य तूपरस्य गोमृगस्यास्थि लोम च तिर्यग् असंभिन्दन्तः सूकरविशसं विशसतेति संप्रैषवत्कुर्वन्ति
prajāpataye 'śvasya tūparasya gomṛgasyāsthi loma ca tiryag asaṃbhindantaḥ sūkaraviśasaṃ viśasateti saṃpraiṣavatkurvanti
- 10
अश्वस्य लोहितं स्विष्टकृदर्थं निदधाति
aśvasya lohitaṃ sviṣṭakṛdarthaṃ nidadhāti
- 11
शफं गोमृगकण्ठं च माहेन्द्रस्य स्तोत्रं प्रत्यभिषिञ्चति
śaphaṃ gomṛgakaṇṭhaṃ ca māhendrasya stotraṃ pratyabhiṣiñcati
- 12
हिरण्यगर्भः समवर्तताग्र इति षट्प्राजापत्याः पुरस्ताद् अभिषेकस्य जुहोति
अयं पुरो भुव इति षट्च प्राणभृतः
hiraṇyagarbhaḥ samavartatāgra iti ṣaṭprājāpatyāḥ purastād abhiṣekasya juhoti
ayaṃ puro bhuva iti ṣaṭca prāṇabhṛtaḥ
- 13
व्याघ्रचर्मणि सिंहचर्मणि वाभिषिच्यते
vyāghracarmaṇi siṃhacarmaṇi vābhiṣicyate

