11 shlokas
- 1
विष्णो रराटम् असीति पुरस्ताद्रराट्यां तिर्यञ्चं वंशं धारयन्विष्णोः स्यूर् असीति स्यूत्वा विष्णोर्ध्रुवम् असीति प्रज्ञातं ग्रन्थिं कृत्वा प्राचो वंशान् अत्याधाय विष्णोः पृष्ठम् असीति तेषु मध्यमं छदिर् अध्यूहति त्र्यरत्निविस्तारं नवायामम्
viṣṇo rarāṭam asīti purastādrarāṭyāṃ tiryañcaṃ vaṃśaṃ dhārayanviṣṇoḥ syūr asīti syūtvā viṣṇordhruvam asīti prajñātaṃ granthiṃ kṛtvā prāco vaṃśān atyādhāya viṣṇoḥ pṛṣṭham asīti teṣu madhyamaṃ chadir adhyūhati tryaratnivistāraṃ navāyāmam
- 2
तूष्णीम् इतरे छदिषी अध्यूह्य कटांस्तेजनीर् इति छद्यन्तरालेषु प्रवर्तम् उपास्यति
tūṣṇīm itare chadiṣī adhyūhya kaṭāṃstejanīr iti chadyantarāleṣu pravartam upāsyati
- 3
ते ऽन्तर्वर्ता भवन्ति
te 'ntarvartā bhavanti
- 4
परि त्वा गिर्वणो गिर इति सर्वतः परिश्रित्य विष्णोः श्नप्त्रे स्थ इति रराट्या अन्तौ व्यस्यति
संमृशतीत्य् एके
pari tvā girvaṇo gira iti sarvataḥ pariśritya viṣṇoḥ śnaptre stha iti rarāṭyā antau vyasyati
saṃmṛśatīty eke
- 5
विष्णोः स्यूर् असीत्य् अध्वर्युर्दक्षिणां द्वार्बाहुं स्यूत्वा विष्णोर्ध्रुवम् असीति प्रज्ञातं ग्रन्थिं करोति
viṣṇoḥ syūr asīty adhvaryurdakṣiṇāṃ dvārbāhuṃ syūtvā viṣṇordhruvam asīti prajñātaṃ granthiṃ karoti
- 6
ग्रन्थिकरणम् एके पूर्वं समामनन्ति
granthikaraṇam eke pūrvaṃ samāmananti
- 7
यं प्रथमं ग्रन्थिं ग्रथ्नीयाद् इत्य् उक्तम्
yaṃ prathamaṃ granthiṃ grathnīyād ity uktam
- 8
एवम् उत्तरां प्रतिप्रस्थाता
evam uttarāṃ pratiprasthātā
- 9
एवम् अपरे सीव्यतः
evam apare sīvyataḥ
- 10
पुरस्तादुन्नतं पश्चान्निनतं हविर्धानम्
purastādunnataṃ paścānninataṃ havirdhānam
- 11
वैष्णवम् असि विष्णवे त्वेति संमितम् अभिमृशति
vaiṣṇavam asi viṣṇave tveti saṃmitam abhimṛśati

