19 shlokas
- 1
द्युतानस्त्वा मारुतो मिनोत्व् इति प्राचीनकर्णां सहोद्गात्रा मिनोति
dyutānastvā māruto minotv iti prācīnakarṇāṃ sahodgātrā minoti
- 2
ऊर्ध्वं निखाताद्यजमानसंमिता
ūrdhvaṃ nikhātādyajamānasaṃmitā
- 3
पर्यूहणपरिदृंहणपरिषेचनानि यूपवत्
paryūhaṇaparidṛṃhaṇapariṣecanāni yūpavat
- 4
तस्या विशाखे हिरण्यं निधाय घृतेन द्यावापृथिवी आपृणेथाम् इति स्रुवेण हिरण्ये जुह्वद् आन्तम् औदुम्बरीम् अन्ववस्रावयति
tasyā viśākhe hiraṇyaṃ nidhāya ghṛtena dyāvāpṛthivī āpṛṇethām iti sruveṇa hiraṇye juhvad āntam audumbarīm anvavasrāvayati
- 5
एषा सदसः स्थूणानां वर्षिष्ठा
eṣā sadasaḥ sthūṇānāṃ varṣiṣṭhā
- 6
नाभिदघ्न्यः पर्यन्तीयाः
nābhidaghnyaḥ paryantīyāḥ
- 7
नीचैः सदो मिनुयाद्वृष्टिकामस्य
उच्चैर् अवृष्टिकामस्येत्य् एके
nīcaiḥ sado minuyādvṛṣṭikāmasya
uccair avṛṣṭikāmasyety eke
- 8
उदञ्चः प्राचश्च वंशान् अत्याधायैन्द्रम् असीति तेषु मध्यमानि त्रीणि छदींष्य् अध्यूहति
udañcaḥ prācaśca vaṃśān atyādhāyaindram asīti teṣu madhyamāni trīṇi chadīṃṣy adhyūhati
- 9
विश्वजनस्य छायेति त्रीणि दक्षिणानि
इन्द्रस्य सदो ऽसीति त्रीण्य् उत्तराणि
viśvajanasya chāyeti trīṇi dakṣiṇāni
indrasya sado 'sīti trīṇy uttarāṇi
- 10
दक्षिणान्य् उत्तराणि चौदुम्बरीम् अभ्यग्राणि भवन्ति
dakṣiṇāny uttarāṇi caudumbarīm abhyagrāṇi bhavanti
- 11
दक्षिणान्य् उत्तराणि करोतीति विज्ञायते
dakṣiṇāny uttarāṇi karotīti vijñāyate
- 12
नवच्छदीति काम्यानि
navacchadīti kāmyāni
- 13
नवाग्निष्टोमे
पञ्चदशोक्थ्ये
षोडश षोडशिनि
सप्तदश वाजपेये ऽतिरात्रे च
एकविंशतिः सत्त्राहीनानाम्
navāgniṣṭome
pañcadaśokthye
ṣoḍaśa ṣoḍaśini
saptadaśa vājapeye 'tirātre ca
ekaviṃśatiḥ sattrāhīnānām
- 14
अन्तर्वर्ताः परिश्रयणं सांकाशिनं द्वाराव् इति हविर्धानवत्
antarvartāḥ pariśrayaṇaṃ sāṃkāśinaṃ dvārāv iti havirdhānavat
- 15
इन्द्रस्य स्यूर् असीति सीव्यति
इन्द्रस्य ध्रुवम् असीति प्रज्ञातं ग्रन्थिं कृत्वैन्द्रम् असीन्द्राय त्वेति संमितम् अभिमृशति
indrasya syūr asīti sīvyati
indrasya dhruvam asīti prajñātaṃ granthiṃ kṛtvaindram asīndrāya tveti saṃmitam abhimṛśati
- 16
नाध्वर्युः प्रत्यङ्सदो ऽतीयात्
धिष्णियान्होतारं वा
nādhvaryuḥ pratyaṅsado 'tīyāt
dhiṣṇiyānhotāraṃ vā
- 17
यद्य् अतीयाद् ऐन्द्रियर्चा संचरेत्
आ घा ये अग्निम् इन्धते स्तृणन्ति बर्हिर् आनुषक्
येषाम् इन्द्रो युवा सखेति स्तरणीम् एताम् एके समामनन्ति
yady atīyād aindriyarcā saṃcaret
ā ghā ye agnim indhate stṛṇanti barhir ānuṣak
yeṣām indro yuvā sakheti staraṇīm etām eke samāmananti
- 18
क्षैत्रपत्या वा संचरेत्
kṣaitrapatyā vā saṃcaret
- 19
उपरवकर्मैके पूर्वं समामनन्ति
सदःकर्मैके
uparavakarmaike pūrvaṃ samāmananti
sadaḥkarmaike

