10 shlokas
- 1
आ ग्राव्ण आ वायव्यान्य् आ द्रोणकलशम्
उत्पत्नीम् आनयन्ति
अन्व् अनांसि प्रवर्तयन्ति
यायावरस्य यान्य् अपरस्मिन्गार्हपत्ये भवन्ति
अजम् अनुनयन्ति
इध्माबर्हिर् आज्यानि प्रोक्षणीर् इत्य् अनुहरन्ति
ā grāvṇa ā vāyavyāny ā droṇakalaśam
utpatnīm ānayanti
anv anāṃsi pravartayanti
yāyāvarasya yāny aparasmingārhapatye bhavanti
ajam anunayanti
idhmābarhir ājyāni prokṣaṇīr ity anuharanti
- 2
शालामुखीये प्रणयनीयम् इध्मम् आदीप्य सिकताभिर् उपयम्याग्नीषोमाभ्यां प्रणीयमानाभ्याम् अनुब्रूहीति संप्रेष्यति
प्रणीयमानाभ्याम् अनुब्रूहीति वा
śālāmukhīye praṇayanīyam idhmam ādīpya sikatābhir upayamyāgnīṣomābhyāṃ praṇīyamānābhyām anubrūhīti saṃpreṣyati
praṇīyamānābhyām anubrūhīti vā
- 3
प्रथमायां त्रिर् अनूक्तायाम् अयं नो अग्निर्वरिवः कृणोत्व् इत्य् अग्निप्रथमाः सोमप्रथमा वा प्राञ्चो ऽभिप्रव्रजन्ति
prathamāyāṃ trir anūktāyām ayaṃ no agnirvarivaḥ kṛṇotv ity agniprathamāḥ somaprathamā vā prāñco 'bhipravrajanti
- 4
आग्नीध्रीये ऽग्निं प्रतिष्ठाप्याग्ने नयेत्य् अर्धम् आज्यशेषस्य जुहोति
āgnīdhrīye 'gniṃ pratiṣṭhāpyāgne nayety ardham ājyaśeṣasya juhoti
- 5
ग्राव्णो वायव्यानि द्रोणकलशम् आग्नीध्र उपवासयति
grāvṇo vāyavyāni droṇakalaśam āgnīdhra upavāsayati
- 6
उत्तरेणाग्नीध्रीयम् आहवनीयं गत्वोरु विष्णो विक्रमस्वेति सर्वम् आज्यशेषं जुहोति
uttareṇāgnīdhrīyam āhavanīyaṃ gatvoru viṣṇo vikramasveti sarvam ājyaśeṣaṃ juhoti
- 7
हुते ऽमात्याः प्रदक्षिणम् आवृत्य यथेतम् उपावर्तन्ते
hute 'mātyāḥ pradakṣiṇam āvṛtya yathetam upāvartante
- 8
सोमो जिगाति गातुविद् इत्य् अपरया द्वारा हविर्धानं राजानं प्रपादयति
पूर्वया गतश्रियः
somo jigāti gātuvid ity aparayā dvārā havirdhānaṃ rājānaṃ prapādayati
pūrvayā gataśriyaḥ
- 9
पूर्वया यजमानः प्रपद्यते
pūrvayā yajamānaḥ prapadyate
- 10
दक्षिणस्य हविर्धानस्य नीडे पूर्ववत्कृष्णाजिनास्तरणं राज्ञश्चासादनम्
dakṣiṇasya havirdhānasya nīḍe pūrvavatkṛṣṇājināstaraṇaṃ rājñaścāsādanam

