7 shlokas
- 1
ब्रह्मज्योतिर् असि सुवर्धामेति ब्रह्माणम्
सदस्यो ऽसि मलिम्लुच इति सदस्यम्
समुद्रो ऽसि विश्वभरा इति सदः
अजो ऽस्य् एकपाद् इति शालामुखीयम्
अहिर् असि बुध्निय इति प्राजहितम्
कव्यो ऽसि कव्यवाहन इति दक्षिणाग्निम्
आयुर्बृहत्तद् अशीय तन्मावतु तस्य नाम्ना वृश्चामि यो ऽस्मान्द्वेष्टि यं च वयं द्विष्मः
विश्वायुर्वामदेव्यं तद् अशीय तन्मावतु तस्य नाम्ना वृश्चामि यो ऽस्मान्द्वेष्टि यं च वयं द्विष्मः
आयुःपति रथंतरं तद् अशीय तन्मावतु तस्य नाम्ना वृश्चामि यो ऽस्मान्द्वेष्टि यं च वयं द्विष्म इत्य् एतैश्च प्रतिमन्त्रं हविर्धानाग्नीध्रसदांसीति
brahmajyotir asi suvardhāmeti brahmāṇam
sadasyo 'si malimluca iti sadasyam
samudro 'si viśvabharā iti sadaḥ
ajo 'sy ekapād iti śālāmukhīyam
ahir asi budhniya iti prājahitam
kavyo 'si kavyavāhana iti dakṣiṇāgnim
āyurbṛhattad aśīya tanmāvatu tasya nāmnā vṛścāmi yo 'smāndveṣṭi yaṃ ca vayaṃ dviṣmaḥ
viśvāyurvāmadevyaṃ tad aśīya tanmāvatu tasya nāmnā vṛścāmi yo 'smāndveṣṭi yaṃ ca vayaṃ dviṣmaḥ
āyuḥpati rathaṃtaraṃ tad aśīya tanmāvatu tasya nāmnā vṛścāmi yo 'smāndveṣṭi yaṃ ca vayaṃ dviṣma ity etaiśca pratimantraṃ havirdhānāgnīdhrasadāṃsīti
- 2
रौद्रेणानीकेनेति सर्वत्रानुषजति
raudreṇānīkeneti sarvatrānuṣajati
- 3
स्तृणीत बर्हिः प्र व्रतं यच्छतेति संप्रेष्यति
stṛṇīta barhiḥ pra vrataṃ yacchateti saṃpreṣyati
- 4
पूर्वस्मिन्वा स्तरण एतं संप्रैषं ब्रूयात्
pūrvasminvā staraṇa etaṃ saṃpraiṣaṃ brūyāt
- 5
अत्र स्तृणन्न् उत्तरवेदिखरोपरवधिष्णियान्नाभिस्तृणीयात्
atra stṛṇann uttaravedikharoparavadhiṣṇiyānnābhistṛṇīyāt
- 6
अत्रैकस्तनं व्रतं यजमानाय प्रयच्छति
atraikastanaṃ vrataṃ yajamānāya prayacchati
- 7
अर्धव्रतम् अत्र वाजसनेयिनः समामनन्ति
अर्धम् अन्तरेणोत्तमे प्रवर्ग्योपसदौ
ardhavratam atra vājasaneyinaḥ samāmananti
ardham antareṇottame pravargyopasadau

