11 shlokas
- 1
अथैनं यजमानो देवताभ्यः सम्प्रयच्छत्य् एष वो देव सवितः सोम इति
athainaṃ yajamāno devatābhyaḥ samprayacchaty eṣa vo deva savitaḥ soma iti
- 2
एतत्त्वं सोम देवो देवान् उपागा इत्य् अभिमन्त्र्येदम् अहं मनुष्यो मनुष्यान् इति प्रदक्षिणम् आवृत्य नमो देवेभ्य इति प्राचीनम् अञ्जलिं कृत्वा स्वधा पितृभ्य इति दक्षिणेदम् अहं निर्वरुणस्य पाशाद् इत्य् उपनिष्क्रम्य स्वर् अभिव्यख्यम् इति प्राङ्प्रेक्षते
सुवर् अभिविख्येषम् इति
सर्वं विहारम् अनुवीक्षते
वैश्वानरं ज्योतिर् इत्य् आहवनीयम्
etattvaṃ soma devo devān upāgā ity abhimantryedam ahaṃ manuṣyo manuṣyān iti pradakṣiṇam āvṛtya namo devebhya iti prācīnam añjaliṃ kṛtvā svadhā pitṛbhya iti dakṣiṇedam ahaṃ nirvaruṇasya pāśād ity upaniṣkramya svar abhivyakhyam iti prāṅprekṣate
suvar abhivikhyeṣam iti
sarvaṃ vihāram anuvīkṣate
vaiśvānaraṃ jyotir ity āhavanīyam
- 3
अत्र यजमानो ऽवान्तरदीक्षां विसृजते
atra yajamāno 'vāntaradīkṣāṃ visṛjate
- 4
अग्ने व्रतपते त्वं व्रतानां व्रतपतिर् असीत्य् आहवनीयम् उपतिष्ठते
एतेनैवास्मिन्समिधम् आदधातीति वाजसनेयकम्
agne vratapate tvaṃ vratānāṃ vratapatir asīty āhavanīyam upatiṣṭhate
etenaivāsminsamidham ādadhātīti vājasaneyakam
- 5
वितरां मेखलां विस्रंसते
वितरां मुष्टी कर्षते
vitarāṃ mekhalāṃ visraṃsate
vitarāṃ muṣṭī karṣate
- 6
अत्र दण्डप्रदानम् एके समामनन्ति
atra daṇḍapradānam eke samāmananti
- 7
स्वाहा यज्ञं मनसा स्वाहा द्यावापृथिवीभ्यां स्वाहोरोर् अन्तरिक्षात्स्वाहा यज्ञं वाताद् आरभ इति मुष्टी विसृजते
svāhā yajñaṃ manasā svāhā dyāvāpṛthivībhyāṃ svāhoror antarikṣātsvāhā yajñaṃ vātād ārabha iti muṣṭī visṛjate
- 8
स्वाहा वाचि वाते विसृज इति वाचम्
svāhā vāci vāte visṛja iti vācam
- 9
निवर्तते व्रतम्
nivartate vratam
- 10
सोमान्हविःशेषान् इति सुत्ये ऽहनि भक्षयति
somānhaviḥśeṣān iti sutye 'hani bhakṣayati
- 11
उत्तरेणाहवनीयं प्रागग्रम् इध्माबर्हिर् उपसादयति
दक्षिणम् इध्मम् उत्तरं बर्हिः
uttareṇāhavanīyaṃ prāgagram idhmābarhir upasādayati
dakṣiṇam idhmam uttaraṃ barhiḥ

