7 shlokas
- 1
प्रथमं वा सर्वेषु
prathamaṃ vā sarveṣu
- 2
विराड् असि सपत्नहा भ्रातृव्यहा स्वराड् अस्य् अभिमातिहा विश्वाराड् असि विश्वासां नाष्ट्राणां हन्तेति बाहू उपावहरतो ऽध्वर्युर्यजमानश्च
virāḍ asi sapatnahā bhrātṛvyahā svarāḍ asy abhimātihā viśvārāḍ asi viśvāsāṃ nāṣṭrāṇāṃ hanteti bāhū upāvaharato 'dhvaryuryajamānaśca
- 3
संमृश इमान् आयुषे वर्चसे च देवानां निधिर् असि द्वेषोयवनः
युयोध्य् अस्मद्द्वेषांसि यानि कानि च चकृम
देवानाम् इदं निहितं यद् अस्त्य् अथाभाहि प्रदिशश्चतस्रः
कृण्वानो अन्याꣳ अधरान्सपत्नान् इत्य् उपरवान्संमृश्य दक्षिणपूर्वं यजमानो ऽवमृशति
उत्तरापरम् अध्वर्युः
saṃmṛśa imān āyuṣe varcase ca devānāṃ nidhir asi dveṣoyavanaḥ
yuyodhy asmaddveṣāṃsi yāni kāni ca cakṛma
devānām idaṃ nihitaṃ yad asty athābhāhi pradiśaścatasraḥ
kṛṇvāno anyām̐ adharānsapatnān ity uparavānsaṃmṛśya dakṣiṇapūrvaṃ yajamāno 'vamṛśati
uttarāparam adhvaryuḥ
- 4
अथ यजमानः पृच्छत्य् अध्वर्यो किम् अत्रेति
भद्रम् इतीतरः प्रत्याह
तन्नौ सहेत्य् उक्त्वोत्तरपूर्वं यजमानो ऽवमृशति
दक्षिणापरम् अध्वर्युः
तथैव प्रश्नः प्रतिवचनं च
तन्म इत्य् आह यजमानः
atha yajamānaḥ pṛcchaty adhvaryo kim atreti
bhadram itītaraḥ pratyāha
tannau sahety uktvottarapūrvaṃ yajamāno 'vamṛśati
dakṣiṇāparam adhvaryuḥ
tathaiva praśnaḥ prativacanaṃ ca
tanma ity āha yajamānaḥ
- 5
रक्षोहणो वलगहनः प्रोक्षामि वैष्णवान् इति यवमतीभिर् उपरवान्प्रोक्ष्योत्तरैर्मन्त्रैर् अवनयामीति प्रोक्षणीशेषम् अवटे ऽवनीय यवो ऽसीति यवम् अवास्यावस्तृणामीति बर्हिषावस्तीर्याभिजुहोमीत्य् आज्येनाभिजुहोति
rakṣohaṇo valagahanaḥ prokṣāmi vaiṣṇavān iti yavamatībhir uparavānprokṣyottarairmantrair avanayāmīti prokṣaṇīśeṣam avaṭe 'vanīya yavo 'sīti yavam avāsyāvastṛṇāmīti barhiṣāvastīryābhijuhomīty ājyenābhijuhoti
- 6
एवं सर्वान्करोति
evaṃ sarvānkaroti
- 7
रक्षोहणौ वलगहनौ प्रोक्षामि वैष्णवी इत्य् अधिषवणफलके प्रोक्षति
rakṣohaṇau valagahanau prokṣāmi vaiṣṇavī ity adhiṣavaṇaphalake prokṣati

