16 shlokas
- 1
प्रवृतःप्रवृतः प्रवृतहोमौ जुहोति जुष्टो वाचो भूयासम् ऋचा स्तोमं समर्धयेत्य् एताभ्याम्
pravṛtaḥpravṛtaḥ pravṛtahomau juhoti juṣṭo vāco bhūyāsam ṛcā stomaṃ samardhayety etābhyām
- 2
दिवा प्रयाजैः प्रचर्यास्तं यन्तम् अनूयाजैर् उपासते
divā prayājaiḥ pracaryāstaṃ yantam anūyājair upāsate
- 3
हुतायां वपायां मार्जयित्वा सुब्रह्मण्य पितापुत्रीयां सुब्रह्मण्याम् आह्वयेति संप्रेष्यति
hutāyāṃ vapāyāṃ mārjayitvā subrahmaṇya pitāputrīyāṃ subrahmaṇyām āhvayeti saṃpreṣyati
- 4
पितापुत्रीयैवात ऊर्ध्वं सुब्रह्मण्या भवति
pitāputrīyaivāta ūrdhvaṃ subrahmaṇyā bhavati
- 5
आहूतायां वसतीवरीः कुम्भेन गिरिभिदां वहन्तीनां प्रत्यङ्तिष्ठन्गृह्णाति
āhūtāyāṃ vasatīvarīḥ kumbhena giribhidāṃ vahantīnāṃ pratyaṅtiṣṭhangṛhṇāti
- 6
नान्तमा वहन्तीर् अतीयात्
nāntamā vahantīr atīyāt
- 7
छायायै चातपतश्च संधौ गृह्णाति
chāyāyai cātapataśca saṃdhau gṛhṇāti
- 8
यद्य् अभिच्छायां न विन्देद् आत्मनो वृक्षस्य कूलस्य वा छायायाम्
yady abhicchāyāṃ na vinded ātmano vṛkṣasya kūlasya vā chāyāyām
- 9
प्रतीपम् उपमारयन्हविष्मतीर् इमा आप इति गृह्णाति
pratīpam upamārayanhaviṣmatīr imā āpa iti gṛhṇāti
- 10
यस्यागृहीता अभिनिम्रोचेत्सुवर्न घर्मः स्वाहेति पञ्चार्काहुतीर्हुत्वा वरे दत्त उल्काम् उपरिष्टाद्धारयमाणो गृह्णीयात्
हिरण्यं वावधाय
yasyāgṛhītā abhinimrocetsuvarna gharmaḥ svāheti pañcārkāhutīrhutvā vare datta ulkām upariṣṭāddhārayamāṇo gṛhṇīyāt
hiraṇyaṃ vāvadhāya
- 11
यो वा ब्राह्मणो बहुयाजी तस्य कुम्भ्यानां गृह्णीयात्
yo vā brāhmaṇo bahuyājī tasya kumbhyānāṃ gṛhṇīyāt
- 12
सोमयाजी बहुयाजी भवतीति विज्ञायते
somayājī bahuyājī bhavatīti vijñāyate
- 13
अग्नेर्वो ऽपन्नगृहस्य सदसि सादयामीत्य् अपरेण शालामुखीयम् उपसादयति
सुम्नाय सुम्निनीः सुम्ने मा धत्तेति सर्वेषु वसतीवरीणां सादनेषु यजमानो जपति
अग्नीषोमीयस्य पशुपुरोडाशस्य पात्रसंसादनादि कर्म प्रतिपद्यते
agnervo 'pannagṛhasya sadasi sādayāmīty apareṇa śālāmukhīyam upasādayati
sumnāya sumninīḥ sumne mā dhatteti sarveṣu vasatīvarīṇāṃ sādaneṣu yajamāno japati
agnīṣomīyasya paśupuroḍāśasya pātrasaṃsādanādi karma pratipadyate
- 14
न यजमानो ऽग्नीषोमीयस्याश्नाति
अश्नीयाद्वा
na yajamāno 'gnīṣomīyasyāśnāti
aśnīyādvā
- 15
न स्वरुं जुहोति
न हृदयशूलम् उद्वासयति
एवं सवनीये
na svaruṃ juhoti
na hṛdayaśūlam udvāsayati
evaṃ savanīye
- 16
पत्नीसंयाजान्तो ऽग्नीषोमीयः संतिष्ठते
patnīsaṃyājānto 'gnīṣomīyaḥ saṃtiṣṭhate

