10 shlokas
- 1
चात्वालाद्धिष्णियान् उपवपति
cātvālāddhiṣṇiyān upavapati
- 2
अन्तराग्नीध्र आग्नीध्रीयम् उत्तरे वेद्यन्त उत्तरतः संचरं शिष्ट्वा
antarāgnīdhra āgnīdhrīyam uttare vedyanta uttarataḥ saṃcaraṃ śiṣṭvā
- 3
सदसीतरान्पूर्वार्धे पुरस्तात्संचरं शिष्ट्वा
sadasītarānpūrvārdhe purastātsaṃcaraṃ śiṣṭvā
- 4
पृष्ठ्यायां होत्रीयम्
तं दक्षिणेन प्रशास्त्रीयम्
pṛṣṭhyāyāṃ hotrīyam
taṃ dakṣiṇena praśāstrīyam
- 5
उत्तरेण होत्रीयम् इतरान् उदीच आयातयति
ब्राह्मणाच्छंसिनः पोतुर्नेष्टुर् अच्छावाकस्येति
uttareṇa hotrīyam itarān udīca āyātayati
brāhmaṇācchaṃsinaḥ poturneṣṭur acchāvākasyeti
- 6
बहिः सदसो मार्जालीयं दक्षिणे वेद्यन्ते दक्षिणतः संचरं शिष्ट्वा समम् आग्नीध्रीयेण
bahiḥ sadaso mārjālīyaṃ dakṣiṇe vedyante dakṣiṇataḥ saṃcaraṃ śiṣṭvā samam āgnīdhrīyeṇa
- 7
विभूर् असीत्य् अष्टाभिः प्रतिमन्त्रम्
vibhūr asīty aṣṭābhiḥ pratimantram
- 8
एतान् एवोपस्थानान्व्याघारणांश्चैके समामनन्ति
etān evopasthānānvyāghāraṇāṃścaike samāmananti
- 9
अनुदिशतीतरान् अध्वनाम् अध्वपते नमस्ते अस्तु मा मा हिंसीर् इति तं तम् अभिक्रामम्
anudiśatītarān adhvanām adhvapate namaste astu mā mā hiṃsīr iti taṃ tam abhikrāmam
- 10
सम्राड् असि कृशानुर् इत्य् आहवनीयम्
परिषद्यो ऽसि पवमान इति बहिष्पवमानास्तावम्
प्रतक्वासि नभस्वान् इति चात्वालम्
असंमृष्टो ऽसि हव्यसूद इति शामित्रम्
समूह्यो ऽसि विश्वभरा इत्य् उत्करम्
ऋतधामासि सुवर्ज्योतिर् इत्य् औदुम्बरीम्
samrāḍ asi kṛśānur ity āhavanīyam
pariṣadyo 'si pavamāna iti bahiṣpavamānāstāvam
pratakvāsi nabhasvān iti cātvālam
asaṃmṛṣṭo 'si havyasūda iti śāmitram
samūhyo 'si viśvabharā ity utkaram
ṛtadhāmāsi suvarjyotir ity audumbarīm

