14 shlokas
- 1
प्रोक्ष्य बर्हिस्त्रिर्वेदिं प्रोक्षति
prokṣya barhistrirvediṃ prokṣati
- 2
नाप्रोक्षिताम् अभिचरन्ति
nāprokṣitām abhicaranti
- 3
अथैनां बर्हिषा बहुलं प्राचीनम्स्तीर्त्वा प्रयुक्तपूर्वे शकटे नद्धयुगे प्रतिहतशम्ये प्रक्षाल्य तयोः प्रथमग्रथितान्ग्रन्थीन्विस्रस्य नवान्प्रज्ञातान्कृत्वाग्रेण प्राग्वंशम् अभितः पृष्ठ्याम् अव्यवनयन्परिश्रिते सच्छदिषी अवस्थापयति
athaināṃ barhiṣā bahulaṃ prācīnamstīrtvā prayuktapūrve śakaṭe naddhayuge pratihataśamye prakṣālya tayoḥ prathamagrathitāngranthīnvisrasya navānprajñātānkṛtvāgreṇa prāgvaṃśam abhitaḥ pṛṣṭhyām avyavanayanpariśrite sacchadiṣī avasthāpayati
- 4
अथैने पत्नी पदतृतीयेनाज्यमिश्रेणोपानक्ति
athaine patnī padatṛtīyenājyamiśreṇopānakti
- 5
आ नो वीरो जायताम् इति द्विर्दक्षिणाम् अक्षधुरं दक्षिणेन हस्तेनोत्तानेन प्राचीनम्
ā no vīro jāyatām iti dvirdakṣiṇām akṣadhuraṃ dakṣiṇena hastenottānena prācīnam
- 6
न च हस्तम् आवर्तयति
na ca hastam āvartayati
- 7
एवम् इतराम्
evam itarām
- 8
सकृद्वा
sakṛdvā
- 9
तथोत्तरस्य हविर्धानस्योपानक्ति
tathottarasya havirdhānasyopānakti
- 10
युञ्जते मन इति सावित्रियर्चौत्तरवेदिके हुत्वा हविर्धानाभ्यां प्रवर्त्यमानाभ्याम् अनुब्रूहीति संप्रेष्यति
प्रवर्त्यमानाभ्याम् अनुब्रूहीति वा
yuñjate mana iti sāvitriyarcauttaravedike hutvā havirdhānābhyāṃ pravartyamānābhyām anubrūhīti saṃpreṣyati
pravartyamānābhyām anubrūhīti vā
- 11
प्रथमायां त्रिर् अनूक्तायां प्राची प्रेतम् अध्वरम् इत्य् उद्गृह्णन्तः प्रवर्तयन्ति
prathamāyāṃ trir anūktāyāṃ prācī pretam adhvaram ity udgṛhṇantaḥ pravartayanti
- 12
स्याच्चेद् अक्षशब्दः सुवाग् इत्य् अनुमन्त्रयेत
syācced akṣaśabdaḥ suvāg ity anumantrayeta
- 13
दक्षिणस्य हविर्धानस्य वर्त्मनि वर्त्मनीर्वा हिरण्यं निधायेदं विष्णुर्विचक्रम इत्य् अध्वर्युर्हिरण्ये जुहोति
dakṣiṇasya havirdhānasya vartmani vartmanīrvā hiraṇyaṃ nidhāyedaṃ viṣṇurvicakrama ity adhvaryurhiraṇye juhoti
- 14
एवम् उत्तरस्य प्रतिप्रस्थाता
evam uttarasya pratiprasthātā

