10 shlokas
- 1
इरावती धेनुमती इति जुहोति
irāvatī dhenumatī iti juhoti
- 2
अप जन्यं भयं नुदाप चक्राणि वर्तय
गृहं सोमस्य गच्छतम् इति वितृतीयदेशे वेद्या अध्वर्युर्होता ब्रह्मा मैत्रावरुणो वा पदापनुदति
लोष्टं वा बहिर्वेदि निरस्यति
apa janyaṃ bhayaṃ nudāpa cakrāṇi vartaya
gṛhaṃ somasya gacchatam iti vitṛtīyadeśe vedyā adhvaryurhotā brahmā maitrāvaruṇo vā padāpanudati
loṣṭaṃ vā bahirvedi nirasyati
- 3
आहवनीयात्त्रीन्प्रतीचः प्रक्रमान् उच्छिष्यात्र रमेथाम् इति नभ्यस्थे स्थापयित्वा वैष्णवम् असि विष्णुस्त्वोत्तभ्नात्व् इत्य् उपस्तभ्य दिवो वा विष्णव् इत्य् अध्वर्युर्दक्षिणस्य हविर्धानस्य दक्षिणं कर्णातर्दम् अनु मेथीं निहन्ति
तस्याम् ईषां निनह्यति
āhavanīyāttrīnpratīcaḥ prakramān ucchiṣyātra ramethām iti nabhyasthe sthāpayitvā vaiṣṇavam asi viṣṇustvottabhnātv ity upastabhya divo vā viṣṇav ity adhvaryurdakṣiṇasya havirdhānasya dakṣiṇaṃ karṇātardam anu methīṃ nihanti
tasyām īṣāṃ ninahyati
- 4
एवम् उत्तरस्य प्रतिप्रस्थाता विष्णोर्नु कम् इत्य् उत्तरं कर्णातर्दम् अनु
evam uttarasya pratiprasthātā viṣṇornu kam ity uttaraṃ karṇātardam anu
- 5
ऊर्ध्वाः शम्या उद्वृह्योपरिष्टात्परिवेष्टयन्ति
ūrdhvāḥ śamyā udvṛhyopariṣṭātpariveṣṭayanti
- 6
उत्ताना हि देवगवा वहन्तीति विज्ञायते
uttānā hi devagavā vahantīti vijñāyate
- 7
महो वा विष्णव् इति सर्वतः स्थूणाः परिमिनोति
maho vā viṣṇav iti sarvataḥ sthūṇāḥ pariminoti
- 8
पुरस्ताच्चान्तः खरायावकाशं शिष्ट्वा
purastāccāntaḥ kharāyāvakāśaṃ śiṣṭvā
- 9
उदञ्चौ वंशाव् अत्यादधाति पश्चात्पुरस्ताच्च
udañcau vaṃśāv atyādadhāti paścātpurastācca
- 10
समानं सांकाशिनं शालामुखीयहोत्रीयौत्तरवेदिकानाम्
samānaṃ sāṃkāśinaṃ śālāmukhīyahotrīyauttaravedikānām

