11 shlokas
- 1
प्रोक्षणीनाम् अभिमन्त्रणादि कर्म प्रतिपद्यते
prokṣaṇīnām abhimantraṇādi karma pratipadyate
- 2
स्तरणकाले ऽपरेणोत्तरवेदिं बर्हिः स्तृणाति
staraṇakāle 'pareṇottaravediṃ barhiḥ stṛṇāti
- 3
स्तरणमन्त्रो ऽभ्यावर्तते
staraṇamantro 'bhyāvartate
- 4
आज्यानां सादनादि पाशुकं कर्म प्रतिपद्यते समानम् आ प्रवरात्
ājyānāṃ sādanādi pāśukaṃ karma pratipadyate samānam ā pravarāt
- 5
दैवं च मानुषं च होतारौ वृत्वाश्रावमाश्रावम् ऋतुप्रैषादिभिः सौमिकान् ऋत्विजो वृणीते
daivaṃ ca mānuṣaṃ ca hotārau vṛtvāśrāvamāśrāvam ṛtupraiṣādibhiḥ saumikān ṛtvijo vṛṇīte
- 6
इन्द्रं होत्रात्सजूर्दिव आ पृथिव्या इति होतारम्
indraṃ hotrātsajūrdiva ā pṛthivyā iti hotāram
- 7
अपिसृज्य तृणम् अस्फ्य उत्तरान्
apisṛjya tṛṇam asphya uttarān
- 8
अग्निम् आग्नीध्राद् इत्य् आग्नीध्रम्
अश्विनाध्वर्यू आध्वर्यवाद् इत्य् अध्वर्यू
मित्रावरुणौ प्रशास्तारौ प्रशास्त्राद् इति मैत्रावरुणम्
इन्द्रो ब्रह्मा ब्राह्मणाद् इति ब्राह्मणाच्छंसिनम्
मरुतः पोत्राद् इति पोतारम्
ग्नावो नेष्ट्राद् इति नेष्टारम्
अग्निर्दैवीनां विशां पुरएतायं यजमानो मनुष्याणां तयोर्नाव् अस्थूरि गार्हपत्यं दीदयच्छतं हिमा द्वा यू राधांसीत्संपृञ्चानाव् असंपृञ्चानौ तन्व इति यजमानम्
agnim āgnīdhrād ity āgnīdhram
aśvinādhvaryū ādhvaryavād ity adhvaryū
mitrāvaruṇau praśāstārau praśāstrād iti maitrāvaruṇam
indro brahmā brāhmaṇād iti brāhmaṇācchaṃsinam
marutaḥ potrād iti potāram
gnāvo neṣṭrād iti neṣṭāram
agnirdaivīnāṃ viśāṃ puraetāyaṃ yajamāno manuṣyāṇāṃ tayornāv asthūri gārhapatyaṃ dīdayacchataṃ himā dvā yū rādhāṃsītsaṃpṛñcānāv asaṃpṛñcānau tanva iti yajamānam
- 9
अयं सुन्वन्यजमानो मनुष्याणाम् इति वा
ayaṃ sunvanyajamāno manuṣyāṇām iti vā
- 10
सवनीये वरणम् एके समामनन्ति
तत्र सुन्वन्न् इति ब्रूयात्
savanīye varaṇam eke samāmananti
tatra sunvann iti brūyāt
- 11
सर्वत्रोपांशु नामग्रहणम्
मानुष इत्य् उच्चैः
sarvatropāṃśu nāmagrahaṇam
mānuṣa ity uccaiḥ

