12 shlokas
- 1
इमां नरः कृणुत वेदिम् एत्य वसुमतीं रुद्रवतीम् आदित्यवतीं वर्ष्मन्दिवो नाभा पृथिव्या यथायं यजमानो न रिष्येद्देवस्य सवितुः सव इति संप्रेष्यति
imāṃ naraḥ kṛṇuta vedim etya vasumatīṃ rudravatīm ādityavatīṃ varṣmandivo nābhā pṛthivyā yathāyaṃ yajamāno na riṣyeddevasya savituḥ sava iti saṃpreṣyati
- 2
स्फ्येन विघनेन पर्श्वा परशुना च वेदिं कुर्वन्ति
sphyena vighanena parśvā paraśunā ca vediṃ kurvanti
- 3
दर्शपूर्णमासवत्संनमनवर्जं प्रागुत्तरात्परिग्राहात्कृत्वा चतुःशिखण्डा युवतिः सुपेशा घृतप्रतीका भुवनस्य मध्ये
तस्यां सुपर्णाव् अधि यौ निविष्टौ तयोर्देवानाम् अधि भागधेयम् इत्य् अभिमन्त्र्य
darśapūrṇamāsavatsaṃnamanavarjaṃ prāguttarātparigrāhātkṛtvā catuḥśikhaṇḍā yuvatiḥ supeśā ghṛtapratīkā bhuvanasya madhye
tasyāṃ suparṇāv adhi yau niviṣṭau tayordevānām adhi bhāgadheyam ity abhimantrya
- 4
चात्वालाद्द्वादशसु प्रक्रमेषु प्रत्यग् उत्करः
तावत्य् एवाध्वन्य् उदग्यथा चात्वालः
cātvālāddvādaśasu prakrameṣu pratyag utkaraḥ
tāvaty evādhvany udagyathā cātvālaḥ
- 5
व्याख्यातश्चात्वाल उत्तरवेदिश्च
vyākhyātaścātvāla uttaravediśca
- 6
उदुम्बरशाखाभिः प्लक्षशाखाभिर्वा प्रच्छन्ना वसति
udumbaraśākhābhiḥ plakṣaśākhābhirvā pracchannā vasati
- 7
श्वो भूत उत्तमे प्रवर्ग्योपसदौ प्रतिसमस्यति
śvo bhūta uttame pravargyopasadau pratisamasyati
- 8
पौर्वाह्णिकीभ्यां प्रचर्य तदानीम् एवापराह्णिकीभ्याम्
paurvāhṇikībhyāṃ pracarya tadānīm evāparāhṇikībhyām
- 9
अत्र प्रवर्ग्यम् उद्वास्य पशुबन्धवद् अग्निं प्रणयति
atra pravargyam udvāsya paśubandhavad agniṃ praṇayati
- 10
एष सोमस्याहवनीयः
यतः प्रणयति स गार्हपत्यः
eṣa somasyāhavanīyaḥ
yataḥ praṇayati sa gārhapatyaḥ
- 11
अग्निवत्य् उत्तरं परिग्राहं परिगृह्णाति
agnivaty uttaraṃ parigrāhaṃ parigṛhṇāti
- 12
अत्र प्रतिप्रस्थाता शाखाम् आहृत्य मैत्रावरुण्याः पयस्याया वत्सान् अपाकरोति
atra pratiprasthātā śākhām āhṛtya maitrāvaruṇyāḥ payasyāyā vatsān apākaroti

